Biblia Todo Logo
Bìoball air-loidhne

- Sanasan -




ISAÍAS 1:9 - Dios Rimashcata Quillcashcami

9 Mandac Dios ñucanchicta ashallatapish mana saquishca cacpica, Sodoma, Gomorra shinami, chingarinchicman carca.

Faic an caibideil Dèan lethbhreac




ISAÍAS 1:9
37 Iomraidhean Croise  

Shina nicpimi, Mandac Diosca: —Sodoma pueblopi allita ruhuaccuna pichca chungallapish tiyacpica, paicunata cuyashcamantami, tucui chaipi causaccunataca perdonasha— nirca.


Shina nicpimi, cutinllatac Abrahamca: —Ñuca Mandac Dioslla, ama piñaringuichu, ña caillahuanmi tapugrini. ¿Chungallapish tiyacpica?— nirca. Shina nicpimi, Mandac Diosca: —Chungallapish tiyacpica, paicunata llaquishcamanta mana chingachishachu— nirca.


Shina cacpica, Mandac Diosca Sodomapipish, Gomorra pueblopipish jahua pachamanta azufrehuan rupacuc ninatami tamyachirca.


Ñucaca israelcunapurapica Baal diosta mana cunguric, paicunapac shimihuan mana muchaccunataca canchis huaranga runacunatami saquigrini— nirca.


Asiria llactata jatun mandacmi canta mandac causac Diosta mana alli nishpa rimachun shuc mandacta cachashca. Chashna rimashcataca Mandac Diosca uyashcami. Chaimanta caipi saquirishcacunamanta Diosta mañai” ninmi ninguichic» nishpa cacharca.


Sión llactaca uvas chagra chaupipi ruhuashca chuclla shina, melón chagra chaupipi ruhuashca chuclla shinami saquirishca. Chai llactaca piñaccunapac chaupipi shinami saquirishca» nini.


Mandac Dios pai acllashcacunata paipac maquita alzashpa Asiriamanta, Egiptomanta, Patrosmanta, Etiopiamanta, Elammanta, Sinarmanta, Hamatmanta, mama cucha patapi tiyac llactacunamanta cutichimui punzhacunapipish chashnallatacmi tucunga.


Mandac Dios acllashcapuramanta maijan saquirishcacunataca Egiptomanta ñanta pascashpa huichai pushamushca shinami, Asiria llactamantaca pushamunga. Chai punzhapi israelcunaman ñan tiyashca shinami, ñan tiyanga.


Israelcunaca olivos yurata cuyuchishpa pallacpi, ishcai, quimsa punta ramapi saquiric shinami saquiringa. Ashtahuan alli grano ramacunapi chuscu, mana cashpaca pichca puchushca shinami saquiringa» ninmi. Chaitaca tucuita Mandac Diosmi nin.


Tucui cai pachapi causaccunaca olivos yurata cuyuchishpa granota pallacpi, maijanlla saquiric shina, uvasta cosechashpa, tucui pallashca shinami saquiringa.


Chaimantami cai pachataca Dios cachashca llaqui tucuchicun. Cai pachapi causaccunaca shitashcami saquirin. Cai pachapi causaccuna juchata ruhuashcamantami chashna llaquichin. Chaimantami cai pachapi causaccunaca chingarishpa, maijanlla saquirishca.


Asiria llactata jatun mandac quipa mandacta Mandac Diosta camishpa rimarishcata uyashpa, llaquichishca cashpachari alli canman. Chaimanta cunanca, caipi maijan saquirishcacunamanta Mandac Diosta mañaiyari” ninmi— nirca.


Mandac Diosca: «Jacobopac huahua huahuacunalla, israelpuramanta maijan saquirishcacunalla uyaichicyari. Ñucami mamapac huicsapi cacpirac cuidashpa charini. Manarac huacharicpimi, marcac shina pushamurcani.


Patsacmanta chunga saquirishca gentecunacamanmi tucuchishca canga. Roble yurata, encina yurata urmachicpica, sapica puchunmi. Chai sapi shinami paicunapuramanta saquirishcacunaca ñucapaclla canga— nirca.


Mandac Diosca: «Maijan shuc racimopi alli uvasta tarishpaca: “Chai uvasmantaca alli vinomi llucshinga. Chaimanta ama shitanguichu” ninmi. Chai shinallatacmi ñucata serviccunata cuyashcamanta mana tucui tucuchisha.


Shinallatac Jerusalenmanta huillaccunataca mana ricuipaccunata ruhuacuctami ricurcani. Paicunaca huainayashpa juchacunata ruhuashpa, llullashpallami purincuna. Shinallatac mana allita ruhuaccunatami cushichin. Chaimantami ñucapacmanca pipish mana cutin. Ñuca ñaupapica tucui paicunami Sodoma pueblopi causaccuna shina. Cutin Jerusalenpi causaccunaca Gomorrapi causaccuna shinami.


Dios ima nishcata huillac Jeremiaspacman shamurca. Paicunaca: —Ñucanchic mañashcata uyaiyari. Ñucanchicmantapish, maijan saquirishca gentecunamantapish Mandac Diosta mañaiyari. Ñucanchicca achca cashpapish ashallami saquirishcanchic. Chaitaca canllatac ricunguimi.


Ñucallatac causachun saquishca israelcunapac juchacunataca perdonashami. Chaimantami chai punzhacunapi, chai huatacunapica israelcunapish, Judá runacunapish jucha illac cangacuna. Paicunapica juchaca mana tiyangachu. Chaitaca Mandac Dios ñucami nini.


Mandac Dios llaquic cacpimi, mana tucurishcanchic. Paica ñucanchicta llaquicunllami.


Ñuca llactapi causaccunaca Sodomapi causaccunamanta yalli juchatami ruhuashca. Chai puebloca manapish pi llaquichicpimi, cungailla chingarirca. Chai pueblotaca pipish mana ayudarcachu.


Chai pueblopica asha churicuna, ushicunallami saquiringa. Shina cacpipish, paicunataca llucchishpami apanga. Paicuna cancunapacman shamucpimi, paicuna ima shina causashcatapish, imata ruhuashcatapish ricunguichic. Chaita ricushpami, Jerusalenpi causaccunata ñuca ima shina llaquichishcamanta cushicunguichic.


Jatun macanacuipi mana huañushpa, saquiriccunaca caita chaita rishpami, tucui llactacunapi causanga.


Mandac Dios ñucata mañaccunallami quishpiringa. Ñuca huillashca shinami, quishpirishcacunaca Sión urcupipish, Jerusalenpipish canga. Chai quishpirishcacunaca Mandac Dios ñuca cayashcacunami canga» ninmi.


Sodomata, Gomorrata llaquichishca shina, yallita llaquichicpi, cancuna mana tucui rupashca caspi shina cashpapish, mana ñucapacman cutirircanguichicchu. Chaitaca Mandac Dios ñucami nini.


Mandac Dioslla, can rimashcata uyashpaca mancharircanimi. Mandac Dioslla, can ruhuashcacunata ricushpa mana amirinimi. ¡Ñaupa huatacunapi ruhuashcata cunan punzhacunapi ricuchiyari! Can piñarishca cashpapish llaquiyari.


Tucuita Mandac Dios ñuca shutipimi nini: Moabitacunaca Sodoma shina, amonitacunaca Gomorra shinami tucunga. Chaipica chinicuna jundashca pamba, cachita llucchina pushtu tucushpami, huiñaita shitashca canga. Ñuca acllashcapuramanta maijan saquirishcacunami paicuna ima charishcacunataca apanga. Paicunallatacmi allpacunataca japinga ninmi.


Ashtahuanpish huiñai causaiman apac ñanpish, pungupish quichquimi, mana yaicuipacllachu. Ashallami chaitaca yaicun.


Isaías israelcunamanta huillashpaca: «Israelpac huahua huahuacuna tiyu shina achca cashpapish, ashallami quishpiringa.


Utcapi Isaías huillashpaca: «Tucuita Mandac Dios shucllatapish mana saquishpa, tucui huahua huahuacunata mana saquishca cacpica, cunanllatacmi Sodoma shina, Gomorra shina tucunchicman carca» nishcami.


“Azufrehuan, cachihuan rupashca allpaca imata tarpucpipish mana pucungachu. Ima quihuapish mana huiñangachu. Sodoma, Gomorra, Adma, Zeboim, llactacuna shinami tucushca. Chai llactacunataca Mandac Diosmi nina japiric shina piñarishpa, tucui tucuchirca” ninga.


Chashnallatacmi Sodoma pueblopi, Gomorra pueblopi causac millai gentecunataca uchupayangacaman rupachirca. Chashna ruhuashpaca, quipaman causac millai gentecuna chashnallatac tucuna cashcata ricuchingapacmi, chashnaca ruhuarca.


Chai huañushcacunaca jatun pueblo plazapimi siricunga. Chai pueblollapitacmi Mandac Apunchic Jesustaca chacatarcacuna. Chai pueblotaca Sodoma pueblohuan, Egipto llactahuanmi chimbapurashca.


Lean sinn:

Sanasan


Sanasan