ISAÍAS 1:6 - Dios Rimashcata Quillcashcami

⁶ Chaquimanta umacamanmi chugrishca, punguishca, sisushca canguichic. Cancunapac cuerpoca tucui ungushcallami. Pipish mana jambishca, mana huatachishcami canguichic. Aceiteta churashpapish pi mana chiriyachishcachu.

ISAÍAS 1:6 Iomraidhean Croise

JEREMÍAS 6:14

Ñuca acllashcapac chugrita jahuallata jambishpaca: “Cushi causaimi tiyan, cushi causaimi tiyan” nishpami jambincuna. ¡Ashtahuanpish cushi causaica mana tiyanchu!

SAN MATEO 9:12

Chaita Jesús uyashpaca: —Mana ungushcacunaca jambictaca mana mashcanchu, ashtahuanpish ungushcacunallami jambictaca mashcan.

JEREMÍAS 33:6

Shina cashpapish ñucami cai llactapi causaccunaman jambita apamushpa alliyachisha. Chashna jambishpa sinchiyashpami, tucui llaquimanta cuidashpa, cushi causaita cusha.

SAN LUCAS 10:34

Chaimantami runapacman cuchuyashpa, chugrita aceitehuan, vinohuan jambishpa, pañohuan pilluchirca. Chashna ruhuashpaca, paipac burropi tiyachishpami, pozana huasiman apashpa cuidarca.

MALAQUÍAS 4:2

Ashtahuanpish ñuca shutita manchac cancunamanca cashcata ruhuac intimi llucshinga. Paipac alascunapimi quishpirinataca apamunga. Chaimantami becicuna chuchushca quipa saltashpa llucshic shina saltanguichic.

SALMOS 77:2

Llaqui punzhapica Diostami mashcani. Tutapish maquita huichai alzashpami, mana shaicushpa mañani. Ñuca almaca mana cushicurcachu.

JOB 5:18

Pai chugrichishpapish paillatacmi jambin. Pai nanachishpapish paillatacmi allichin.

NAHÚM 3:19

Cambac nanaita allichic jambica mana tiyanchu. Chugrica mana jambipacmi tucushca. Can ima tucushcataca uyashpaca tucuimi cushicunga. Canca tucuitami llaquichircangui» ninmi.

JEREMÍAS 30:12

Mandac Diosca: «Cambac llaquica mana allichipacchu. Cambac chugrica mana jambipacmi.

2 SAMUEL 14:25

Absalón shina tucuipac alli nishca runaca tucui Israel llactapica shucllapish mana tiyarcachu. Paica chaquimanta umacaman sumac runami carca.

ISAÍAS 30:26

Mandac Dios pai acllashcacunata huatachishpa jambicui punzhapica, quillaca inti shinami achicyachinga. Cutin intica canchis cutin yallitami achicyachinga.

JEREMÍAS 17:9

Runapac shunguca tucuita atishpa llullashpa umacmi. ¿Chaitaca pitac entendinga?

JEREMÍAS 6:7

Yacu tucyacuc shinami, cai llactapica millaita ruhuana yuyaica tiyan. Shuctac llaquichinallata, millaita ruhuanallatami parlanacun. Punzhantami ñuca ñaupapica ungushcacunapish, chugrichishcacunapish ricurin.

JEREMÍAS 30:15

Canllatac yalli mana allita ruhuashcamanta, yalli juchayuc cashcamantami llaquichircani. Cambac nanaica mana jambipacchu. ¿Ima nishpatac yallita caparicungui?