HECHOS 8:3 - Dios Rimashcata Quillcashcami

³ Ashtahuanpish Sauloca tandanacushca criccunata tucui chingachinata munashpami, huasi huasi yaicushpa, caricunatapish, huarmicunatapish, carcelman cachac carca.

Nuevo Testamento en Quichua Cañar 1996

³ Ashtahuanpish Sauloca tandanacushca criccunata ima shinapish chingachinata yuyashpami, huasi huasi yaicushpa c'aricuna cachun, huarmicuna cachun, carcelman cachac carca.

HECHOS 8:3 Iomraidhean Croise

HECHOS 16:19

Chai huambrapac amocunaca cullqui japina tucuricpimi, Pablotapish, Silastapish prezushpa, jatun plazapi cac mandaccunapacman aparca.

HECHOS 22:19

Chashna nicpimi ñucaca: “Apunchic Jesús, ñucaca canta criccunata tandanacuna huasicunapi llaquichishpa, carcelman apacmi carcani. Chaitaca tucuimi yachan.

HECHOS 7:58

Chashna japishpami pueblomanta llucchishpa, huañuchingapac rumicunahuan shitai callarirca. Shina shitacucpimi, Estebanta juchanchishpa huillaccunaca paicunapac jahualla churanacunata surcushpa, Saulo mosoman mingarca.

HECHOS 8:2

Dios yuyailla causac runacunami yallita huacashpa, Estebantaca enterrarca.

HECHOS 9:21

Chaita tucui uyaccuna mancharinacushpaca: —¿Manachu cai runaca Jesusta mañaccunata Jerusalenpi llaquichic carca? Cunanpish, curacunata mandac curacunapacman huatashpa apangapacmi, shamushca canga— ninacurca.

1 CORINTIOS 15:9

Ñucaca Diospaclla cac tandanacushca criccunata mana ricunayachishpami yallita llaquichircani. Chaimanta tucui apostolcunamanta yalli yangallami cani. Shinallatac mana apóstol nishcapish cana canichu.

GÁLATAS 1:13

Ñuca ñaupaman israelcuna yachachishcata caticushpaca, Diospaclla tandanacushca criccunata yallita llaquichishpa, ima shinapish tucuchina yuyaihuan puricushcataca cancunallatacmi uyashcanguichic.

FILIPENSES 3:6

Chaicunata cazuchisha nishpami, tandanacushca criccunataca piñashpa llaquichic carcani. Mandashcacunata alli pactachic cacpimi, pipish ñucataca imamanta mana juchanchic carcacuna.

1 TIMOTEO 1:13

Ñaupaca criccunata llaquichishpa, Jesusta piñashpa camicmi carcani. Shina cacpipish manarac cric cashpa, imata ruhuacushcata mana yachashcamantami, Diosca ñucata llaquirca.

SANTIAGO 2:6

Shina cacpipish cancunaca huacchami nishpami, paicunataca yangapi churanguichic. Cancunata llaquichishpa, juezpacman apaccunaca, ¿manachu chayuccuna can?