HECHOS 7:3 - Dios Rimashcata Quillcashcami

³ Chaipi ricurishpami Diosca: “Cambac llactatapish, cambac familiatapish saquishpa llucshi. Can maiman rina cashcataca, ñucami ricuchisha” nirca.

Nuevo Testamento en Quichua Cañar 1996

³ Chashna ricurishpami Taita Diosca: ‘Cambac llactatapish, cambac familiacunatapish saquishpa llucshi. Can maiman rina cashcataca, ñucami ricuchisha’ nirca.

HECHOS 7:3 Iomraidhean Croise

GÉNESIS 12:1

Mandac Diosca Abramtaca: «Cambac allpamantapish, familiamantapish, cambac taitapac huasimantapish llucshishpa, ñuca ricuchigricuc allpaman ri.

GÉNESIS 15:7

Shina chashquishpaca: —Ñucaca canta Mandac Diosmi cani. Ñucami cai allpata canman cungapac caldeocuna causana Ur llactamanta llucchircani— nirca.

GÉNESIS 20:13

Ñuca taitapac huasimanta llucshishpa, caita chaita purichun Dios mandacpica, ñuca huarmitaca: “Canca, mai llactaman chayashpapish ñucataca: ‘Paica, ñuca turimi’ ningui” nircani— nirca.

NEHEMÍAS 9:8

Abrahampac shungutaca canhuan alli cashcatami ricurcangui. Cananeocunapac, heteocunapac, amorreocunapac, ferezeocunapac, jebuseocunapac, gergeseocunapac llactata, paipac huahua huahuacunaman cungapacmi paihuan ari nircangui. Canca cashcatac ruhuac cashpami chaitaca pactachircangui.

SAN MATEO 10:37

Maijanpish taita mamata ñucata yalli cuyacca, mana ñucapacchu. Maijanpish paipac huahuacunata ñucata yalli cuyacca, mana ñucapacchu.

SAN LUCAS 14:33

Chashnallatac maijanpish tucui charishcacunata mana saquishpaca, mana ñuca yachacuc cai pudinchu.

HECHOS 7:4

Chaimantami Abrahamca Caldea llactamanta llucshishpa, Harán pueblopi causangapac rirca. Paipac taita huañushca quipami, Diosca cunan cancuna causacuc llactaman pushamurca.

2 CORINTIOS 6:17

Chaimantami tucuita Mandac Diosca: «Paicunapuramanta llucshichic. Paicunamanta chicanyarichic. Imapish mapayachic-huanca ama chapurichicchu, chaipica ñucaca chasquishami.

HEBREOS 11:8

Crishcamantami Abrahampish Dios cayacpica, cazushpa Dios cusha nishca llactaman rirca. Paica maiman ricushcata mana yachashpapish llucshircallami.

JOSUÉ 24:3

Shina cacpipish, ñucami cancunapac taita Abrahamtaca jatun yacu chimba ladomanta tucui Canaán llactata muyushpa, pai achca huahuacunata charichun Isaac churita curcani.