HECHOS 1:7 - Dios Rimashcata Quillcashcami

⁷ Chashna nicpimi Jesusca: —Chaitaca ñuca Taitallami yachan. Cancunaca ima punzha, ima hora chashna tucunataca mana yachai pudinguichicchu.

Nuevo Testamento en Quichua Cañar 1996

⁷ Chashna nicpi Jesusca paicunataca: —Chashna tucuchunca, ñuca Taitallami pactachinga. Cancuna ima huata, ima punzha chashna tucuna cashcata yachachunca, Taita Diosca mana saquinchu.

HECHOS 1:7 Iomraidhean Croise

JOB 24:1

Tucuita ruhuac Diospacca huatacunapish mana pacallachu can. ¿Ima nishpatac paita ricsinchicmi niccunaca paipac punzhataca mana ricuncuna?

DANIEL 2:21

Canmi huatacunatapish, punzhacunatapish shuctaclayata ruhuangui. Canmi jatun mandaccunatapish churangui, shinallatac llucchingui. Alli yachaccunamanca alli yachaita, yuyaisapacunamanca alli yuyaitami cungui.

SAN MATEO 20:23

Chashna nicpimi Jesusca: —Ari, cancunaca ñuca shina llaquita apanguichicmi. Ashtahuanpish maijanta ñuca alli maquiman, lluqui maquiman tiyachinataca, Diosmi maijanman allichishcata charicun. Chaitaca mana ñucachu ruhuasha— nirca.

SAN MATEO 24:36

Ima horas, ima punzha, ñuca cutimunataca pi mana yachanchu. Jahua pachapi cac angelcunapish mana yachanchu. Ñucapish mana yachanichu, ashtahuanpish ñuca Taitallami yachan.

MARCOS 10:40

Ashtahuanpish maijanta ñuca alli maquiman, lluqui maquiman tiyachinataca, Diosmi allichishpa charicun, mana ñucaca— nirca.

MARCOS 13:32

Shina cacpipish ima punzha, ima horas ñuca cutimuna cashcataca pi mana yachanchu. Jahua pacha angelcunapish mana yachanchu. Ñuca Diospac Churi cashpapish mana yachanichu, ashtahuanpish ñuca Taitallami yachan.

SAN LUCAS 21:24

Maijantaca espadahuanmi huañuchinga. Maijantaca huatashpami, tucui llactacunaman prezu apanga. Dios llaquichichun saquishca punzhacuna pactangacamanmi, Jerusalenpi causaccunataca shuctac llactacunaca paicuna munashcata ruhuashpa llaquichinga.

HECHOS 17:26

Tucui cai pachapi causachunmi, shuclla runamanta tucui runacunata mirarirca. Paillatacmi gentecuna mashna huatacaman causanatapish, maipi causanatapish churarca.

EFESIOS 1:10

Diosca cai cusha nishcataca pactana punzha chayacpimi pactachirca. Jahua pachapi, cai pachapi tiyac imacunatapish Cristo mandachunmi, tandachishpa chashnaca ruhuarca.

DEUTERONOMIO 29:29

Imapish pacallacunaca ñucanchic Mandac Diospacmi. Ashtahuanpish cai ricuchishcacunaca ñucanchicpacpish, ñucanchic huahua huahuacunapacpishmi can. Cai mandashcacunapi tucui nishcacunatami huiñaita pactachina canchic.

1 TIMOTEO 6:15

Diosca pai acllashca punzha pactacpimi, Apunchic Jesucristotaca cutin cachanga. Diosca mai sumacmi. Paica tucuita Mandacmi. Jatun mandaccunapacpish Jatun Mandacpish, amocunapacpish Jatun Amomi.

2 TIMOTEO 3:1

Quipa punzhacunapi llaqui punzhacuna shamuna cashcatapish yachanami cangui.