HECHOS 1:3 - Dios Rimashcata Quillcashcami

³ Jesús huañushpa causarishca quipaca, chuscu chunga punzhacamanmi tauca cutin apostolcunaman ricurishpa, pai causacushcata allita ricuchirca. Chashnami Dios mandacucmantapish paicunaman yachachirca.

Nuevo Testamento en Quichua Cañar 1996

³ Jesús huañushca q'uipaca, pai causarishcata alli yachachunca, chuscu chunga punzhacunacamanca tauca cutinmi paicunaman ricurirca. Chashna ricurishpami, Taita Dios mandacucmanta paicunaman yachachirca.

HECHOS 1:3 Iomraidhean Croise

1 REYES 19:8

Shina nicpimi, Eliasca jatarishpa micurca, yacutapish ubiarca. Chaita micushpaca, ña sinchiyashpami, chuscu chunga punzha, chuscu chunga tutata Diospac Horeb urcuman chayangacaman rirca.

SAN MATEO 21:43

Chaimantami cancunamanta Dios mandanata quichushpa, pai munashcata ruhuaccunaman cushca canga.

SAN MATEO 28:9

Chashna ricucpimi, Jesusca paicunaman ricurishpa alabadurca. Chaipimi huarmicunaca cushicushpa, Jesuspacman cuchuyashpa chaquipi ucllarishpa, “allimari cangui” nircacuna.

SAN MATEO 3:2

huillashpaca: «Diosca ñami mandagrin. Chaimanta juchata ruhuanata saquishpa, Diosman cutirichic» nirca.

SAN MATEO 4:2

Chaipi chuscu chunga punzhata, chuscu chunga tutata mana micushca cashpami, Jesusca yarcachirca.

MARCOS 16:19

Apunchic Jesús paipac yachacuccunata mandashca quipaca, Diosmi jahua pachaman pusharca. Chaipimi paipac alli lado maquiman tiyarirca.

SAN JUAN 20:26

Pusac punzha quipami, cutin yachacuccunaca chai ucullapitac tandanacushca carcacuna. Shinallatac Tomaspish chaipimi carca. Huasi pungucuna huichcashca cacpimi, Jesusca cutin paicunapacman chayashpa chaupipi shayarishpaca: —Cushicuichic, ama manchaichicchu— nirca.

SAN JUAN 21:1

Chai quipaca, cutinllatacmi Tiberias jatun cucha patapi paipac yachacuccunaman Jesusca cai shina ricurirca:

SAN JUAN 21:14

Jesús chaipi ricurishcahuanca, quimsa cutinmi yachacuccunamanca huañushcacunapuramanta causarishca quipaca ricurirca.

HECHOS 13:31

Causarishpaca, Galilea llactamanta Jerusalenman paihuan puriccunallamanmi, tauca punzhacunacaman ricurirca. Cunanca, chaita ricuccunami, tucui ñucanchic israelcunamanca huillacun.

HECHOS 19:8

Pabloca quimsa quillatami israelcuna tandanacuna huasiman yaicushpa, gentecuna crichun, Dios mandacucmanta mana manchashpa huillarca.

HECHOS 28:23

Chashna nishpami, shuc punzha Pablo ima nishcata uyangapac yuyarinacurca. Chai punzhapimi pai causacuc huasiman achca gentecuna Pablo yachachishcata uyangapac, tandanacumurca. Pabloca Jesusta crichunmi, Dios mandacucmantapish, Moisés mandashcacunamantapish, Dios ima nishcata huillashcamantapish tutamantamanta chishicaman yachachirca.

HECHOS 28:31

Dios mandacucmanta huillashpa, Apunchic Jesucristomantapish yachachic carca. Pi mana jarcashcami, pai tucui huillasha nishcata huillac carca.

HECHOS 8:12

Chashna cacpipish, Jesucristomanta, Dios mandacucmanta Felipe huillacpica, caricunapish, huarmicunapish crishpami bautizarirca.

ROMANOS 14:17

Dios mandashca causanaca mana ubianata, micunata yuyashpalla causanachu, ashtahuanpish Diospac Espíritu ayudacpi, cashcata ruhuashpa, cushilla causanami.

DEUTERONOMIO 9:18

Chai quipaca cancuna Mandac Diosta piñachingacaman paipac ñaupapi mana allita ruhuashpa, juchallishcanmantami utcapi shina, chuscu chunga punzhata, chuscu chunga tutata mana micushpa, mana yacuta ubiashpa, Mandac Diospac ñaupapi cumurircani.

DEUTERONOMIO 9:9

Mandac Dios cancunahuan ari nishca tabla rumita urcumanta apamungapac rishpaca, chuscu chunga punzha, chuscu chunga tutatami mana micushca, yacuta mana ubiashca carcani.

COLOSENSES 1:13

Diosmi amsa millai yuyaicuna mandashpa huatashca shina charicucmanta, paipac cuyashca Churi mandacucman aparca.

1 TESALONICENSES 2:12

Shinallatac Diospac huahuacuna shina causachunmi yachachircanchic. Cancunataca Diosllatacmi paihuan mandachun, alli nishca cachun acllarca.

1 JUAN 1:1

Dios cai pachata manarac ruhuacpi, ña tiyashcataca, ñucanchicmi uyarcanchic, shinallatac ñucanchic quiquin ñahuihuantacmi ricurcanchic. Shina ricushpa ñucanchic maquihuantac tuparishpami, chai Rimashca Shimica causaita cuc cashcata yachanchic.