HAGEO 1:8 - Dios Rimashcata Quillcashcami

⁸ Urcumanta caspicunata apamushpa, ñuca huasita cutin shayachichic. Chashna ruhuacpimi, yallita cushicushpa, alli nishcapish casha. Chaitaca tucuita Mandac Dios ñucami nini.

HAGEO 1:8 Iomraidhean Croise

1 REYES 6:1

Israelcunata Salomón chuscu huatata mandacui huatami israelcuna Egipto llactamanta llucshimushcaca chuscu patsac pusac chunga huata tucurca. Chai huatapac Zif shuti quillapimi Mandac Diospac huasita shayachinata callarirca.

1 REYES 9:3

Chaipimi Mandac Diosca: «Ñuca ñaupapi can yallita mañactaca uyanimi. Huiñaicaman ñuca shuti chaipi causachun, can shayachishca huasitapish, ñucapaclla cachun chasquinimi. Cai huasitaca punzhantami ricucushalla. Ñuca shungupipish yuyaricushallami.

1 CRÓNICAS 22:19

Chaimanta cancunaca cancunata Mandac Diosta tucui shunguhuan, tucui yuyaihuan mashcaichic. Mandac Dios ari nishca quillcata huacaichina Arcatapish Diospaclla chicanyachishca ima charishcacunatapish, apamungapac Mandac Diospac huasitaca shayachi callarichic» nirca.

2 CRÓNICAS 7:16

Cai huasitaca huiñaita ñuca shuti chaipi causachunmi ñucapaclla cachun acllani. Cai huasimantaca manatac anchurishachu.

ESDRAS 3:7

Huasita ruhuaccunamanpish, carpinterocunamanpish cullquita curcacunami. Shinallatac Sidón, Tiro pueblocunapi causaccunamanpish Persia llactata jatun mandac Ciro munashca shinallatacmi Líbano urcumanta cedro caspicunata mama cuchata huambuchishpa, Jope puebloman apamuchun micunata, ubianata, aceiteta curcacuna.

ESDRAS 6:4

Chai huasipica quimsa fila labrashca rumicunata, shuc fila mushuc caspicunata churanguichic. Chaita ruhuangapacca jatun mandac ñuca huasipi tiyac valishcacunahuan randinguichic.

ÉXODO 29:43

Chaillapitacmi israelcunahuanca tupasha. Chai pushtuca ñuca sumaimana achiclla cashcamantami ñucapaclla canga.

ISAÍAS 60:13

Líbano urcu sumac yuracunamantami ciprés, pino, boje sumac yuracunata apamunga. Chaicunahuanmi ñuca saruna huasitaca sumacta ruhuashpa allichisha.

ISAÍAS 60:7

Cedar llactamantaca animalcunata tandachishpami cambac ñaupaman apamunga. Nebaiot llactamanta cari ovejacunatami canman cungacuna. Chaicunataca cushicushpami, Mandac Diospac altarpi rupachishcata chasquinga. Achicyachic paipac causana huasitaca yallita sumacyachinga.

ISAÍAS 66:11

Mana nicta chuchuc shinami, yallita cushicunga. Chashnami leche jundashcata chuchushpa cushicunguichic» ninmi.

HAGEO 1:7

Cancuna ima shina causacushcata alli yuyarichic.

HAGEO 2:7

Tucui llactacunapi causaccunatami chucchuchisha. Chashna ruhuacpimi, tucui llactacunapi causaccunaca sumac charishcacunata apamunga. Chaicunahuanmi cai huasipica sumacyachishca canga.

HAGEO 2:9

Cai quipa ruhuashca ñuca huasimi punta ruhuashca huasitapish yalli sumaimana canga. Caipica cushi causaitami cusha. Chaitaca tucuita Mandac Dios ñucami nini» ninmi.