HAGEO 1:1 - Dios Rimashcata Quillcashcami

¹ Jatun mandac Darío ishcai huata, sucta quilla, shuc punzhata mandacucpimi, Mandac Diosca pai ima nishcata huillac Hageota Salatielpac churi Judá llactata mandac Zorobabelman, Josadacpac churi curacunata mandac Josueman huillachirca. Chashna huillachishpaca:

HAGEO 1:1 Iomraidhean Croise

1 REYES 10:15

Randishpa catushpa causaccuna, mishquilla ashnacuc jambinacunata caru llactamanta apamushpa catuccuna Arabia llactata tucui jatun mandaccuna pai mandacuc llactapi churashca mandaccuna cushcacunacarin mana yupashcami carca.

1 REYES 14:18

Chai huahua huañucpica, tucui israelcunami huacashpa enterrarca. Mandac Dios chashna tucuna cashcataca paita servic pai ima nishcata huillac Ahiastami huillachirca.

2 REYES 14:25

Israelcunata Mandac Dios paita servic Jonasman ima shina huillashca shinallatacmi Israel llacta punta linderotaca Hamat puebloman yaicuna ladomantaca Arabá mama cucha ladocaman cutin allichishpa japirca. Jonasca Gat-hefer pueblomanta Amitaipac churimi carca.

1 CRÓNICAS 3:17

Jeconiaspac churicunaca: Asir, Salatiel,

1 CRÓNICAS 3:19

Pedaiaspac churicunaca: Zorobabel, shinallatac Simeimi carca. Zorobabelpac churicunaca: Mesulam, shinallatac Hananiasmi carca. Paicunapac panica Selomitmi carca.

ESDRAS 1:8

Persia llactata jatun mandac Ciroca chai charinacunataca paipac cullquita huacaichic Mitridatestami apachun cacharca. Paica Judá llactata mandac Sesbasarmanmi tucui yupashpa curca.

ESDRAS 10:18

Shuctac llacta huarmicunahuan cazarashca curacunapac churicunaca: Josadacpac churi Jesuapac huahuacuna, paipac huauquicunamanta huahuamantaca Maasías, Eliezer, Jarib, shinallatac Gedaliasmi carca.

ESDRAS 2:2

Zorobabelhuan shamuccunaca: Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum, shinallatac Baanami shamurca. Chai cutimuc israelcunaca:

ESDRAS 2:63

Chaimantami Judá llactata mandacca Urimhuan, Tumimhuan shuc cura Diosman tapushpa, imata huillangacaman Diosman cushca micunata ama micuchun mandarca.

ESDRAS 3:2

Chashna tandanacushpami, Josadacpac churi Jesúa curaca caishuc curacunahuan, Salatielpac churi Zorobabelhuan, paipac huauquicunahuan, Diosta servic Moisés quillcashpa mandashca shinallatac animalcunata Diosman cushpa, tucui rupachingapac israelcunapac Diospac altarta ruhuanata callarirca.

ESDRAS 3:8

Jerusalenpi causac Diospac huasiman cutimushca ishcai huata callari ishcai quilla tucucpimi, Salatielpac churi Zorobabelpish, Josadacpac churi Jesuapish, caishuc huauquicunapish, curacunapish, levitacunapish, tucui prezu cashcamanta Jerusalenman cutimushcacunapish Mandac Diospac huasita shayachi callarircacuna. Diospac huasita shayachiccunata pushachunca ishcai chunga huata yallita charic levitacunatami churarca.

ESDRAS 4:2

Zorobabelpacman, ñaupa taitacunapac huasi ucupuracunata mandaccunapacman shamushpaca: —Cai huasita ruhuanataca ñucanchicpish ayudashun ninchicmi. Ñucanchicpish cancuna shinallatacmi cancunapac Diosta mashcanchic. Asiria llactata jatun mandac Esar-hadón ñucanchicta cai llactaman apamushca punzhamanta pachami cancuna shinallatac Diosman animalcunata cushpa rupachinchic— nirca.

ESDRAS 4:24

Chaimantami Diospac huasita Jerusalenpi shayachinaca jarcarirca. Persia llactata jatun mandac Darío ishcai huatata mandangacamanmi chaipi saquirirca.

ESDRAS 5:1

Hageohuan, Iddopac churi Zacarias-huanmi Dios ima nishcataca Judá llactapi, Jerusalenpi causaccunaman israelcunapac Diospac shutipi huillarca. Diosca paicunahuanmi carca.

ESDRAS 5:3

Chai punzhacunami jatun yacu chimba lado llactacunata mandac Tatnaica Setar-boznaihuan, caishuc huauquicunahuan Jerusalenman shamushpaca: «¿Pitac cai huasita shayachichun, muyundi pircata ruhuachunca mandarcayari?» nishpa tapurca.

ESDRAS 6:14

Cutin Judá llactapi causaccunata mandaccunaca Dios ima nishcata huillac Hageopish, Iddopac churi Zacariaspish, huillashca shinallatacmi chai huasita shayachishpa, tucui alli ruhuarcacuna. Chashnami israelcunapac Dios, shinallatac Persia llactata jatun mandac Ciro, Darío, Persia Artajerjes mandashca shinallatac chai huasita shayachirca.

NEHEMÍAS 12:1

Salatielpac churi Zorobabelhuan, Jesúa curahuan, cutimuc Levitacuna curacunaca: Seraías, Jeremías, Esdras,

NEHEMÍAS 12:10

Jesuaca Joiacim churitami charirca. Joiacimca Eliasib churitami charirca. Eliasibca Joiada churitami charirca.

NEHEMÍAS 5:14

Jatun mandac Artajerjes ishcai chunga huatata mandacushpa ñucata Judá llactata mandac cachun churashcamanta pacha, quimsa chunga ishcai huatata mandangacamanmi, chai chunga ishcai huatapica ñucapish, ñuca llacta huauquicunapish mandaccuna japina cashcataca mana japishpa causarcanchic.

NEHEMÍAS 7:7

Zorobabelhuan shamuccunaca Jesúa, Nehemías, Azarías, Raamías, Nahamani, Mardoqueo, Bilsán, Misperet, Bigvai, Nehum, shinallatac Baanami carca.

NEHEMÍAS 8:9

Chaita uyashpami tucui gentecuna huacarca. Shina huacacpimi mandac Nehemiaspish, quillcac Esdraspish, rezashcata entendichic levitacunapish rimashpaca: «¡Cunanca, ñucanchicta Mandac Diosman chicanyachishca punzhami! Ama llaquirichicchu, ama huacaichicchu» nirca.

ÉXODO 4:13

Chaimantami Moisesca: —¡Ñucata Mandac Dioslla, ñucapac randica shucta cachai!— nirca.

HAGEO 1:12

Shina nicpimi, Salatielpac churi Zorobabelpish, Josadacpac churi curacunata mandac Josuepish, saquirishca gentecunapish Mandac Dios rimashcata uyarca. Chashnami Dios ima nishcata huillac Hageo huillashcata uyashpa, Mandac Diospac ñaupapi yallita mancharirca.

HAGEO 1:14

Mandac Diosmi Salatielpac churi Judá llactata mandac Zorobabelpac yuyaitapish, Josadacpac churi curacunata mandac Josuepac yuyaitapish, caishuc saquirishca gentecunapac yuyaitapish pascarca. Chaimantami tucuita Mandac Diospac huasitaca allichi callarirca.

HAGEO 1:15

Chaitaca jatun mandac Darío ishcai huata, sucta quilla, ishcai chunga chuscu punzhata mandacucpimi, allichic callarirca.

HAGEO 1:2

«Tucuita Mandac Diosca: Cai gentecunaca: “Mandac Diospac huasita cutin ruhuana punzhacunaca manarac chayamunchu” nincunami» nirca.

HAGEO 1:3

Chaimanta Mandac Dios pai ima nishcata huillac Hageota huillachishpaca:

HAGEO 2:10

Jatun mandac Darío ishcai huata, iscun quilla, ishcai chunga chuscu punzhata mandacucpi, Mandac Dios pai ima nishcata huillac Hageota huillachirca.

HAGEO 2:20

Iscun quilla, ishcai chunga chuscu punzhapi Mandac Diosca cutinllatac Hageoman huillashpaca:

HAGEO 2:21

«Judá llactata mandac Zorobabelta: Ñucaca jahua pachatapish, cai pachatapish chucchuchishami.

HAGEO 2:4

Chaimanta Zorobabel-lla, Josadacpac churi curacunata mandac Josuella, sinchicuiyari. Tucui llactapi causaccunapish sinchicushpa, tucui shunguhuan trabajaichicyari. Ñucaca cancunahuanmi cani. Chaitaca Mandac Dios ñucami nini.

ZACARÍAS 1:1

Jatun mandac Darío Persia llactata ishcai huata, pusac quillata mandacucpi, Mandac Dios Berequiaspac churi, Iddopac nieto Zacariasman huillashpaca:

ZACARÍAS 3:1

Chai quipaca Josué Mandac Diospac angelpac ñaupapi shayacuctami ricurcani. Josuepac alli ladopica Satanasmi paita juchanchingapac shayacurca.

MALAQUÍAS 1:8

Mana ricuc animalta ñucaman huañuchichun cushcaca, ¿cancunamanca allichu? Suchu animalta, ungushca animalta ñucaman cushcapish, ¿cancunamanca allichu? Alli cacpica, chai animaltaca cancunata mandacman cugrichicyari. Shina cucpica, ¿cantaca alli ningachu? ¿Chai cushcataca chasquingachu?» ninmi.

SAN LUCAS 3:27

Judaca Joananpac churi, Joananca Resapac churi, Resaca Zorobabelpac churi, Zorobabelca Salatielpac churi, Salatielca Neripac churimi carca.