GÉNESIS 9:6 - Dios Rimashcata Quillcashcami

⁶ Diosca pai shinatacmi runataca ruhuarca. Chaimanta maijan shuc runata huañuchictaca huañuchishcami canga.

GÉNESIS 9:6 Iomraidhean Croise

GÉNESIS 4:14

Cunanca, cai allpamanta llucchishpa cachacpica, cambac ñahuimanta caruyashpa, shuctac llactamanta shamushca shinami puricushalla. Shina puricucpica, pipish tupashpa huañuchingachari— nirca.

GÉNESIS 42:22

Shina nicpimi Rubenca: —¿Manachu ñucaca, huambrata ama imata ruhuaichicchu nircani? Shina nicpipish, mana uyarcanguichicchu. Paita huañuchishcamantami llaquipi canchic— nirca.

GÉNESIS 5:1

Caicunami Adanpac huahua huahuacunapac shuticunaca. Diosca runata ruhuashpaca, pai shinatami ruhuarca.

2 SAMUEL 4:11

¡Manapish millaita ruhuac runata paipac camapi huañuchic millai runacunatacarin! ¿Manachu paicunatapish huañuchishpa cai pachamanta chingachina cani?— nirca.

1 REYES 2:9

Ashtahuanpish cunanca ama saquinguichu. Canca alli yachac runami cangui. Ima shina paita llaquichinatapish, canllatac yachanguimi. Pai ña yuyacyashpa yurac accha tucucpica, huañuchishpa, yahuarta jichashpa Seolman cachangui» nirca.

2 REYES 11:1

Ocoziaspac mama Atalía paipac huahua huañushcata yachashpami, jatun mandacpac tucui huahua huahuacunata huañuchirca.

2 REYES 11:16

Chaimantami Ataliataca mandana huasiman apashpa, caballocuna yaicuna pungupi huañuchirca.

2 REYES 11:20

Chai llactapi tucui causaccunaca yallitami cushicurca. Ataliata mandana huasi ladopi espadahuan huañuchicpimi, Jerusalén pueblopi causaccunaca sumacta causarcacuna.

2 CRÓNICAS 33:24

Paitaca, paita serviccunallatacmi pacalla japishpa, paipac huasillapitac huañuchirca.

SALMOS 51:4

Cantami yallita llaquichishcani. Can mana munashcatami ruhuashcani. Chaimanta juchanchinatacmi cani. Ñuca juchamanta llaquichicpica, imata mana ni pudinichu.

ÉXODO 20:13

Ama huañuchingui.

PROVERBIOS 28:17

Pitapish huañuchishpa yahuarta jichac runaca pai huañungacamanmi miticushpa puringa. Paitaca huañunamanta mana pi jarcanchu.

ECLESIASTÉS 3:3

Huañuchingapacpish, jambingapacpish punzha tiyanmi. Tuñingapacpish, pircangapacpish punzha tiyanmi.

LEVÍTICO 17:4

ñucahuan tupana huasi yaicunapi ñucaman cungapac mana apamushpa, paicuna causacuc ucullapitac, mana cashpaca canzhapi huañuchishcamantaca juchanchishcami canga. Shinallatac israelpuramanta anchuchishcami canga.

LEVÍTICO 24:17

Maijanpish huañuchictaca paitapish huañuchishca cachun.

NÚMEROS 35:16

Maijanpish fierrohuan chugrishpa huañuchicca huañuchic runa nishcami canga. Paipish huañuchishcami canga.

NÚMEROS 35:25

Tandanacushca israelcunami chai runataca ima shina huañuchishcata tucui taripashpa, huañucpac familiacunamanta miticuna llactaman cutichishpa cachanga. Chai huañuchic runaca aceitehuan cahuishca curacunata mandac cura huañungacamanmi chai llactapi canga.

NÚMEROS 35:33

Cancuna causacushca llactataca ama mapayachinguichicchu. Maijanta huañuchishpa, yahuarta jichashcamantami chai llactaca mapayashca canga. Chashna mapayashcaca chai huañuchic runata huañuchicpimi, mapa illac saquiringa.

SAN MATEO 26:52

Chaimantami Jesusca: —Espadata maipi huacaichinallapitac huacaichi. Maijanpish espadahuan macanacucca, espadallapitacmi huañunga.

ROMANOS 13:4

Mandaccunaca Diosta servic cashpami, cambac allipac can. Mana yanga churashcachu, ashtahuanpish mana allita ruhuac runata llaquichingapacmi. Paicunaca Diospacta ruhuac cashpami, maijanpish llaquichina cacpica, cashcata ruhuashpa llaquichin. Chaimanta mana allita ruhuashpaca manchanami cangui.

1 CORINTIOS 11:7

Carica Dios shina cashcamanta, shinallatac Diospac cushicuita ricuchic cashcamantami, umata mana tapallina can. Ashtahuanpish huarmica caripac cushicuitami ricuchin.

DEUTERONOMIO 19:11

Maijanpish shuctac runata piñashpa, mana cashpaca huañuchishpa, chai chicanyachishca maijan llactaman miticungapac ricpica,

DEUTERONOMIO 5:17

Ama huañuchinguichu.

SANTIAGO 3:9

Chai callullahuantacmi Diostapish allimari cangui ninchic, shinallatac Dios pai shina ruhuashca gentecunatapish, imapish tucushca canman ninchic.

APOCALIPSIS 13:10

«Maijanpish prezu apana cacca prezu apashcami canga. Espadahuan huañuchina cacca espadallahuantacmi huañuchishca canga». Chashna tucucpica mana piñarishpami Diospaclla caccunaca Diosta crishpa catina can.

JUECES 9:56

Chashnami Mandac Diosca Abimelectaca pai canchis chunga huauquicunata huañuchishpa, paipac taitata llaquichishcamantaca paitapish huañuchirca.

1 SAMUEL 15:33

Ashtahuanpish Samuelca: «¡Canca, cambac espadahuan huahuacunata huañuchishpami achca huarmicunata huahua illacta saquircangui! Chashnallatacmi cambac mamapish chai huarmicunapac chaupipica huahua illac saquiringa» nirca. Shina nishpami Agagtaca pitinacushpa Gilgal pueblopi Mandac Diospac ñaupapi huañuchirca.