GÉNESIS 9:5 - Dios Rimashcata Quillcashcami

⁵ Causaita cuc yahuarmantaca huañuchishcami canga. Maijan huañuchictaca huañuchishcami canga. Maijan animal huañuchicpica, chaitapish huañuchishcami canga.

GÉNESIS 9:5 Iomraidhean Croise

GÉNESIS 42:22

Shina nicpimi Rubenca: —¿Manachu ñucaca, huambrata ama imata ruhuaichicchu nircani? Shina nicpipish, mana uyarcanguichicchu. Paita huañuchishcamantami llaquipi canchic— nirca.

2 SAMUEL 4:11

¡Manapish millaita ruhuac runata paipac camapi huañuchic millai runacunatacarin! ¿Manachu paicunatapish huañuchishpa cai pachamanta chingachina cani?— nirca.

1 REYES 2:6

Canca alli yachac shina ruhuashpa, yuyaccaman causashpa, sumacta Seolman richun, ama saquinguichu.

2 REYES 11:1

Ocoziaspac mama Atalía paipac huahua huañushcata yachashpami, jatun mandacpac tucui huahua huahuacunata huañuchirca.

2 CRÓNICAS 24:22

Jatun mandac Joasca Zacariaspac taita Joiada cura paiman allita ruhuashcata mana yuyarishpami, paipac churitaca huañuchirca. Zacarías ña huañugricushpaca: «Chashna ruhuashcamantaca Mandac Diosllatac ricushpa llaquichichun» nirca.

2 CRÓNICAS 33:24

Paitaca, paita serviccunallatacmi pacalla japishpa, paipac huasillapitac huañuchirca.

2 CRÓNICAS 33:25

Ashtahuanpish jatun mandac Amonta huañuchiccunataca chai llactapi causaccunami tucuita huañuchirca. Chai llactapi causaccunaca Amonpac churi Josiastami paipac randi, jatun mandac cachun churarcacuna.

SALMOS 9:12

Diosca llaquilla caccunatami yuyarirca, paicuna huacashcataca mana cungarinchu Huañuchiccunata llaquichinmi.

ÉXODO 20:13

Ama huañuchingui.

ÉXODO 21:12

Maijanpish chugrichishpa huañuchicca, huañuchishcami cana can.

LEVÍTICO 19:16

Cambac llactapi ama huashalla parlashpa puringuichu. Pitapish piñashpa, ama huañuchina yuyaihuan puringuichu. Ñucami Mandac Dios cani.

LEVÍTICO 24:17

Maijanpish huañuchictaca paitapish huañuchishca cachun.

LEVÍTICO 24:21

Maijanpish shuc animalta huañuchishpaca, animal-llatatac cutichichun. Maijanpish genteta huañuchictaca paitapish huañuchichun.

NÚMEROS 35:16

Maijanpish fierrohuan chugrishpa huañuchicca huañuchic runa nishcami canga. Paipish huañuchishcami canga.

NÚMEROS 35:17

Maijanpish rumihuan huactashpa huañuchicca huañuchic runa nishcami canga. Paipish huañuchishcami canga.

NÚMEROS 35:18

Maijanpish huañuchinalla caspihuan huañuchicca huañuchic runa nishcami canga. Paipish huañuchishcami canga.

NÚMEROS 35:21

mana cashpaca piñanacushca cashcamanta maquihuan huactashpa huañuchicca huañuchic runa nishcami canga. Paipish huañuchishcami canga. Huañucpac maijan familiami chai huañuchic runataca maipipish tupashpa huañuchinga.

SAN MATEO 23:35

Cashcata ruhuaccunata huañuchishcamantaca, cancunatami Diosca llaquichinga. Abelpac yahuarmanta callarishpa, Berequiaspac churi Zacariaspac yahuarcamanmi cancunataca taripashpa llaquichinga. Zacariastaca Diosta mañana huasipi tiyac altar ladopimi huañuchirca.

HECHOS 17:26

Tucui cai pachapi causachunmi, shuclla runamanta tucui runacunata mirarirca. Paillatacmi gentecuna mashna huatacaman causanatapish, maipi causanatapish churarca.

DEUTERONOMIO 19:11

Maijanpish shuctac runata piñashpa, mana cashpaca huañuchishpa, chai chicanyachishca maijan llactaman miticungapac ricpica,

DEUTERONOMIO 19:12

cancunapac llactapi causac yuyaccunami chai pueblomanta llucchichun cachanga. Chashna llucchishpami paitapish huañuchichun huañucpac familiapac maquipi churanga.

JUECES 9:56

Chashnami Mandac Diosca Abimelectaca pai canchis chunga huauquicunata huañuchishpa, paipac taitata llaquichishcamantaca paitapish huañuchirca.