GÉNESIS 9:2 - Dios Rimashcata Quillcashcami

² Cai pachapi tiyac tucui animalcunami manchashpa chucchunga. Volac animalcunapish, allpapi causacuc animalcunapish, mama cuchapi causac challuacunapish cancunapac maquipimi canga.

GÉNESIS 9:2 Iomraidhean Croise

GÉNESIS 1:21

Diosca mama cuchapi jatun manchana animalcunatapish, tucui causaiyuc animalcunatapish ruhuarcami. Yacupi causac animalcunapish, volac animalcunapish miranacuchunmi chaipurallata ruhuarca. Diosca chaitaca alli cashcatami ricurca.

GÉNESIS 1:26

Shinallatac Diosca: «Ñucanchic shina cachun, shuc runata ruhuashun. Mama cuchapi causac animalcunapish, jahuata volac animalcunapish, sacha animalcunapish, charina animalcunapish, allpata aisarishpa puric animalcunapish paipacmi canga» nirca.

GÉNESIS 1:28

Dios paicunata bendiciashpaca: «Achcata mirarishpa, achca tucushpa, cai pachapi jundarichic, shinallatac cazuchichic. Mama cuchapi tiyac challuacunatapish, jahuata volac animalcunatapish, tucui cai pachapi tiyac animalcunatapish mandaichic» nirca.

GÉNESIS 2:19

Mandac Diosca allpamantami tucui cai pachapi causac animalcunatapish, jahuata volac animalcunatapish ruhuarca. Chashna ruhuashpami, shutita churachun, Adanpacman apamurca. Tucui animalcunaca Adán shutichishcami.

GÉNESIS 35:5

Paicuna llucshicpica, Dios chai llactapi causaccunaman, shinallatac chai muyundipi causaccunaman manchaita cucpimi, Jacobopac churicunata llaquichingapac mana catirca.

GÉNESIS 9:1

Diosca Noetapish, paipac churicunatapish bendiciashpaca: «Achca huahuacunayuc tucushpa, mirarishpa, tucui cai pachapi jundarichic.

GÉNESIS 9:3

Tucui causaita charic animalcunatapish, verdinlla quihuatapish, llullu micunatapish cancuna micuchunmi saquini.

JOB 39:11

¿Chai huagra fuerzasapa cashcamantaca yapungallami yuyanguichu? ¿Tucui trabajota chai huagrahuan tucuchi pudinguichu?

EZEQUIEL 34:25

Cushi causai tiyachunmi paicunahuan ari ninacusha. Cai llacta millai animalcunataca anchuchishami. Chaimantami shitashca pambapi imata mana manchashpa causanga. Sachapi cashpapish sumactami sueñunga.

OSEAS 2:18

Chai punzhapimi canta ama llaquichichun sacha animalcunahuanpish, volac animalcunahuanpish, allpata aisaric animalcunahuan ari nisha. Chai llactapica jatun macanacuita chingachishpami flechacunatapish, espadacunatapish chingachisha. Chashna ruhuacpimi, canca mana manchashpa, cushilla causangui.

LEVÍTICO 26:22

Piña sacha animalcunata cachashpami, cancunapac huahuacunatapish, animalcunatapish tucuchisha. Shina tucuchicpimi, cancuna purina ñancunapish shitashca saquiringa.

LEVÍTICO 26:6

Chai llactapica cushi causaitami cusha. Ña mana manchailla sueñunguichicchu. Llaquichic sacha animalcunatapish anchuchishami. Macanacunapish mana tiyangachu.

SANTIAGO 3:7

Gentecunaca sachapi causac, volashpa puric, allpata aisarishpa puric, yacupi causac animalcunatapish mansoyachi pudinmi.