GÉNESIS 9:16 - Dios Rimashcata Quillcashcami

¹⁶ Ñuca puyupi cuichita ricushpaca, tucui cai pachapi causac gentecunahuanpish, animalcunahuanpish huiñaipac ari nishcatami yuyarisha» nirca.

GÉNESIS 9:16 Iomraidhean Croise

GÉNESIS 17:13

Cambac huasipi huacharishca cashpapish, randishca cashpapish, circuncisionta ruhuanatacmi canguichic. Cancunapac aichapi caita ruhuashca cashpami, ñucahuan ari nishcata huiñai huiñaipac ricuchinguichic.

GÉNESIS 17:19

Shina nicpimi Diosca: —Ñucaca cashna cana cashcatatacmi nini. Cambac huarmi Saraca shuc cari huahuatami charinga. Chai huahuataca Isaactami shutichingui. Paihuanpish, paipac huahua huahuacunahuanpish ñuca ari nishcataca huiñaita pactachicushallami.

GÉNESIS 17:7

Canhuanpish, cambac huahua huahuacunahuanpishmi ari nishcata callarichisha. Cambacpish, cambac huahua huahuacunapacpish Dios cangapacmi, huiñaipac ari nisha.

GÉNESIS 9:17

Dios Noetaca: «Caimi cai pachapi causac runacunahuanpish, animalcunahuanpish ari nishcata ricuchic señal» nirca.

2 SAMUEL 23:5

Ñuca familiacunaca Diospimi, sinchita cancuna. Ñucaman huiñaipac ari nishpami, tucuita sumacta allichishpa, sinchita ruhuarca. Ñucataca tucuimantami quishpichin, ñuca ima munashcatapish, tucuitami pactachin.

ISAÍAS 55:3

Cancunapac ringrihuan uyashpa, ñucapacman cuchuyaichic. Chashna ruhuacpica, cancunapac almaca causangami. Davidhuan ari nishca shinami, cancunahuanpish huiñai huiñaita ari nisha.

JEREMÍAS 32:40

Paicunaman allita ruhuangapacmi paicunahuanca huiñai causaicaman ari ninacusha. Ñucamanta ama anchurichunmi, ñucata manchana yuyaita paicunapac shungupi churasha.

EZEQUIEL 34:26

Paicunataca muyundi sumac urcucunapimi causachun churasha. Tamyana punzhacunapimi tamyachisha. Chai tamyahuanmi achca allicunata japinga.

EZEQUIEL 37:26

Huiñaita cushilla causangapacmi paicunahuanca ari ninacusha. Paicunata chaipi causachun churashpaca, achcatami mirachisha. Ñucapaclla huasitapish huiñaipacmi, paicunapac chaupipi shayachisha.

HEBREOS 13:20

Cushi causaita cuc Diosmi, ñucanchic Apunchic Jesustaca huañushcacunapuramanta causachirca. Paimi yahuarta jichashpa, Dios-huan huiñaipac ari nishcata pactachishpa, ñucanchic Jatun Michic tucurca.