GÉNESIS 8:4 - Dios Rimashcata Quillcashcami

⁴ Ña canchis quilla chunga canchis punzhapica huambuc huasica Ararat urcupimi saquirirca.

GÉNESIS 8:4 Iomraidhean Croise

GÉNESIS 7:20

Yacuca jatun urcumanta canchis metro yallimi jundarca.

GÉNESIS 8:5

Yacuca chunganiqui quillacamanmi chaquirishpa catirca. Chai quilla callari punzhami ña jatun urcucuna ricurirca.

2 REYES 19:37

Senaquerib paipac dios Nisrocpac huasiman rishpa, chaipi alli nicucpimi, paipac churicuna Adramelec, Sarezer espadahuan huañuchirca. Shina huañuchishpaca, Ararat llactamanmi miticushpa rircacuna. Paipac churi Esar-hadonmi paipac randi mandarca.

ISAÍAS 37:38

Shina cacpipish, Senaquerib paipac dios Nisrocpac huasipi paita adoracucpimi, paipac churicuna Adramelec, Sarezer espadahuan huañuchirca. Shina huañuchishpaca Ararat llactamanmi miticushpa rirca. Paipac randica paipac churi Esarhadonmi mandai callarirca.

JEREMÍAS 51:27

¡Chai llactapica banderata alzaichic! Chai llactapi causaccunahuan macanacungapac trompetapi tocashpa llactacunamanta tandachichic. Paicunahuan macanacungapac Ararat, Mini, Askenaz llactacunata jatun mandaccunata tandachichic. Chai macanacuita pushachunca, alli pushacta churaichic. Langosta shina, caballocunapi montashpa huichai shamuichic.