GÉNESIS 8:20 - Dios Rimashcata Quillcashcami

²⁰ Chai quipami Noeca Mandac Diosman altarta ruhuarca. Chaipimi Mandac Diosman cuna animalcunamantapish, volac animalcunamantapish shucta Mandac Diosman cushpa rupachirca.

GÉNESIS 8:20 Iomraidhean Croise

GÉNESIS 13:18

Shina nicpimi, Abramca carpa huasicunata apashpa, encina yuracuna tiyac Mamre pambapi causagrirca. Chaica Hebrón pueblo cuchullapimi carca. Chaipimi Mandac Diosman shuc altarta ruhuarca.

GÉNESIS 13:4

Ñaupaman altarta ruhuashcallamantac chayashpami, Mandac Diosta mañarca.

GÉNESIS 22:2

Shina nicpimi Diosca: —Cambac cuyashca shuclla churi Isaacta Moriah llactaman aparishpa, ñucaman cushpa rupachi. Maijan urcupi rupachina cashcataca ñucami huillasha— nirca.

GÉNESIS 22:9

Abrahamca maipimi Dios ricuchishcaman chayashpaca, shuc altarta ruhuashpami, chai jahuapi yantata churashpa, paipac churi Isaacta chacnashpa yanta jahuapi churarca.

GÉNESIS 26:25

Chaipimi Isaacca altarta ruhuashpa, Mandac Diosta pagui nirca. Shinallatac chaillapitacmi carpa huasita ruhuarca. Chaipi causacucpimi, Isaacta serviccunaca shuc yacu junduta allarca.

GÉNESIS 33:20

Chaipimi shuc altarta shayachishpa, EL-Elohe-Israelta shutichirca.

GÉNESIS 35:1

Diosmi Jacobotaca: —Jatari, Bet-elman huichai rishpa, chaipi saquiri. Chaiman chayashpaca, can Esaumanta miticushpa ricucpi, ricuric Diosman shuc altarta ruhuai— nirca.

GÉNESIS 35:7

Chaipimi paipac huauquimanta miticushpa ricucpi, Dios ricurirca. Chaimantami chaipi shuc altarta ruhuashpa, chai allpataca El-bet-elta shutichirca.

GÉNESIS 4:4

Abelpish punta huacharishca sumac huira ovejatami Mandac Diosman cungapac apamurca. Mandac Diosca Abelta cushilla chasquishpami pai cushca ovejatapish chasquirca.

GÉNESIS 7:2

Shinallatac micuna animalcunataca canchis carita, canchis huarmita yaicuchingui. Cutin mana micuna animalcunataca shuc carita, shuc huarmita yaicuchingui.

GÉNESIS 7:3

Shinallatac jahuata volac animalcunatapish canchis carita, canchis huarmita chaipurallata yaicuchingui. Chashna ruhuacpimi, cai pachapica mirarishpa causanga.

GÉNESIS 8:19

Tucui animalcunapish llucshircami. Chaica volac animalcunapish, pambata aisarishpa puric animalcunapish, chaipurami huambuc huasimanta llucshirca.

JOB 1:5

Chai jatun micui punzhacuna tucuricpica, Jobca paipac huahuacunatami cayac carca. Paica Diospaclla tucuchunmi tutamanta utca jatarishpa, cada shucmanta Diosman animalcunata cushpa huañuchishpa, tucui rupachic carca. Jobca: «Ñuca huahuacunaca juchallishpa, Diostapish llaquichishpa paicunapac shungupi mana allita rimarcapishchari» yuyashpami, jatun micui punzhacuna tucurishca quipaca, chashna ruhuac carca.

ÉXODO 10:25

Shina nicpimi Moisesca: —Ñucanchic Mandac Diosman animalta huañuchishpa rupachishpa cuchunca, canmi cuna cangui.

ÉXODO 29:18

Chai oveja aichataca Altar jahuapi churashpa, ñucaman cushpa, rupachingui. Chashna rupachishcami ñucamanca mishquilla ashnanga.

ÉXODO 29:25

Quipataca paicunapac maquimanta japishpa, ñucaman cushca tucui rupacuc jahuapi churashpa rupachingui. Chashna rupachishcami Mandac Dios ñucamanca mishquilla ashnanga. Chaica ñucaman cushpa rupachishcami canga.

NÚMEROS 7:21

Tucui rupachingapacca shuc becita, shuc cari ovejata, shuc huatayuc cari ovejatami apamurca.

ROMANOS 12:1

Cuyashca criccuna, Dios cancunata cuyashcamanta caitami ruhuachun mañani: Cancunapac cuerpota Diosman ofrendata cuc shina, pai munashcata ruhuaichic. Chashna ruhuashpami, Diosta tucui shunguhuan alli ninguichic.

HEBREOS 13:10

Ñucanchicca Diosman cushpa, rupachina shuc altartami charinchic. Chai altarmantaca, Dios-huan tupana huasipi servic curacunaca mana micui pudinchu.

1 PEDRO 2:5

Chashna chayaricpimi, Dios causana huasipica causac rumicuna shinata, shinallatac Diospaclla cac curacunata Diosca ruhuanga. Jesucristomantami Diospac Espíritu yuyaita cucpi cancuna cushcaca, mishquilla ashnacuc shina cachun chashnaca ruhuanga.

1 PEDRO 2:9

Ashtahuanpish cancunaca Dios acllashpa chicanyachishcacuna, Jatun Mandacpacta ruhuac curacuna, Diospaclla cac gentecuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.