GÉNESIS 7:21 - Dios Rimashcata Quillcashcami

²¹ Chashna tamyashpa, tucui cai pachapi yacu jundacpimi, gentecunapish, volac animalcunapish, charina animalcunapish, sacha animalcunapish, pambata aisarishpa puric animalcunapish tucui huañurca.

GÉNESIS 7:21 Iomraidhean Croise

GÉNESIS 1:25

Diosca allpapi tiyac sacha animalcunatapish, pambata aisarishpa puric animalcunatapish, charina animaltapish chaipurallatami ruhuarca. Diosca chaitaca alli cashcatami ricurca.

GÉNESIS 6:13

Chaita ricushpami, Diosca Noetaca: «Paicunamantami cai pachapica millaica yallita jundarishca. Chaimantami tucui cai pachapi causaita chariccunata tucuchinata yuyarircani.

GÉNESIS 6:17

Riqui, tucui cai pachapi causaita chariccunata tucuchingapacmi cai pachamanca yacu juizhuta cachagrini. Chaipica tucui cai pachapi causaccunami huañunga.

GÉNESIS 7:4

Canchis punzha quipaca chuscu chunga punzhata, chuscu chunga tutatami yallita tamyachigrini. Chashna tamyachishpami, tucui cai pachapi ñuca ruhuashca causaita chariccunata tucuchisha» nirca.

JOB 34:15

tucui gentecunami chingarishpa allpallamantac tigranman.

ISAÍAS 24:19

Cai pachaca tucui ñutuchishpa tucushcami canga. Tucui cai pachapimi yallita manchai tiyanga.

ISAÍAS 24:6

Chaimantami cai pachataca Dios cachashca llaqui tucuchicun. Cai pachapi causaccunaca shitashcami saquirin. Cai pachapi causaccuna juchata ruhuashcamantami chashna llaquichin. Chaimantami cai pachapi causaccunaca chingarishpa, maijanlla saquirishca.

OSEAS 4:3

Chaimantami cai llactaca duelo churanata churarishca shina llaquilla canga. Cai llactapica tucuimi huañunga. Sacha animalcunapish volac animalcunapish, mama cuchapi causac challuacunapish huañungami.

JOEL 2:3

Paicunaca ñaupatapish, huashatapish tucuita rupachishpami saquinga. Paicuna manarac pasacpica, chai allpaca Edén huerta shina sumacmi carca. Ña pasa ricpica, shitashca pambami saquiringa. ¡Pipish mana saquiringachu!

SOFONÍAS 1:3

Gentecunatapish, animalcunatapish, volac animalcunatapish, mama cuchapi causac challuacunatapish, ñucata mana manchaccunatapish, cai pachapi causac gentecunatapish, tucuitami chingachisha.

SAN MATEO 24:39

Chashnami mana entendishpa, yacu juizhu tucui paicunata tapangacaman causarca. Chashnallatacmi Runa Tucungapac shamushca ñuca cutimuna punzhapipish canga.

SAN LUCAS 17:27

Noé jatun barcoman yaicuna punzhacamanca, gentecunaca micushpa, ubiashpa, cazarashpa, cazarachishpami causacurca. Chashna causacucpimi, yacu juizhu shamushpa, tucuita tucuchirca.

ROMANOS 8:20

Tucui Dios ruhuashcacunaca, mana paicuna munaimantachu yangalla tucurca, ashtahuanpish Diosmi punzhanta shuyachun chashnaca ruhuarca.

ROMANOS 8:22

Tucui Dios ruhuashcacuna, shuc huarmi sajuarina nanaihuan, llaquihuan cunancaman caparicushcatami yachanchic.

2 PEDRO 2:5

Ñaupa punzhacunapi causaccunatapish Diosca mana perdonarcachu, ashtahuanpish yacu juizhuhuanmi millai gentecunataca tucuchirca. Shina cashpapish Dios munashca shina causachun nishpa, huillac Noellatami paihuan cac canchiscunandi quishpichirca.