GÉNESIS 7:13 - Dios Rimashcata Quillcashcami

¹³ Tamyai callari punzhallatacmi Noeca Sem, Cam, Jafet churicunandi, paipac huarmindi, quimsa nueracunandi huambuc huasiman yaicurca.

GÉNESIS 7:13 Iomraidhean Croise

GÉNESIS 10:21

Jafetpac punta huauqui Sempish churicunata charircami. Semca Heberpac huahua huahuacunapac punta taitami carca.

GÉNESIS 10:6

Campac churicunaca: Cus, Mizraim, Fut, Canaanmi carca.

GÉNESIS 5:32

Noeca pichca patsac huatayuc cashpami, Sem, Cam shinallatac Jafet churicunata charirca.

GÉNESIS 6:10

Sem, Cam, shinallatac Jafet churicunatami carca.

GÉNESIS 6:18

Canhuanmi shuc ari ninacuita ruhuasha nini. Chai huambuc huasimanca cambac churicunatapish, cambac huarmitapish, nietocunatapish yaicuchishpa, canpish yaicungui.

GÉNESIS 7:1

Mandac Diosca Noetaca: «Cai tucui gentecunamantaca canllami allita ruhuashpa causashcangui. Chaimanta canpish, tucui familiacunapish huambuc huasiman yaicuichic.

GÉNESIS 7:14

Paicunapish, sacha animalcunapish, charina animalcunapish, pambata aisarishpa puric animalcunapish, volac animalcunapish chaipurallami yaicurca.

GÉNESIS 8:14

Ishcai quilla, ishcai chunga canchis punzha tucucpica, allpaca ña chaquishcami carca.

HEBREOS 11:7

Crishcamantami Noepish Dios huillashca manarac pactacpi, Diosta cazushpa, paita manchashpa, paipac aillu quishpirichun huambuc huasita ruhuarca. Pai crishcamantami, cai pacha millai gentecunatapish llaquiman cacharca. Diosca Noetaca crishcamantami chasquirca.

1 PEDRO 3:20

Chai almacunaca ñaupa taita Noé huambuc huasita ruhuangacaman, Dios manarac piñarishpa, shuyacui punzhacunapi mana cazuc gentecunami carca. Chai punzhacunaca pusaccunallami yacullapitac quishpirircacuna.

2 PEDRO 2:5

Ñaupa punzhacunapi causaccunatapish Diosca mana perdonarcachu, ashtahuanpish yacu juizhuhuanmi millai gentecunataca tucuchirca. Shina cashpapish Dios munashca shina causachun nishpa, huillac Noellatami paihuan cac canchiscunandi quishpichirca.

JUECES 21:22

Cutin solteracunapac taitacuna, mana cashpaca turicuna ñucanchicta imatapish nic shamucpica: “Ñucanchicca macanacushpapish mana tucui paicunaman solteracunataca tarircanchicchu. Cai ushicunataca mana cancunapac maquihuanchu cushcanguichic. Chaimanta mana juchayucchu tucunguichic. Cai solteracunata paicunaman cazarachun cuichicllayari” nishunllami» nirca.