GÉNESIS 6:5 - Dios Rimashcata Quillcashcami

⁵ Cai pacha gentecuna yalli millaillata ruhuashpa causacucta Mandac Diosca ricurcami. Paicunapac shungupica punzhanta millaita ruhuanallatami yuyacurca.

GÉNESIS 6:5 Iomraidhean Croise

GÉNESIS 13:13

Sodomapi causaccunaca millai gentecuna, mancharina juchacunata ruhuashpa, Mandac Diosta piñachiccunami carca.

GÉNESIS 8:21

Shina rupachicpi, Mandac Diosman mishquilla ashnashpa chayacpimi paica: «Runapac juchamantaca cai pachataca jaicapi mana llaquichishachu. Runaca huambramanta pacha millaita yuyacunllami. Shinallatac mana cunan tucuchishca shina, tucui causaita charic animalcunataca tucuchishachu.

JOB 15:16

Yacuta ubiac shina mana allita ruhuac runaca, ¿maitatac alli ricuringayari?

JOB 22:15

¿Millaita ruhuac runa purishca ñanllatatacchu canpish purisha ningui?

SALMOS 53:2

Diosca huañuclla gentecunapurapi shucllapish alli yuyaiyuc, Diosta mashcac tiyangami nishpami, jahua pachamanta tucuita ricurca.

PROVERBIOS 6:18

shungupi millaillata ruhuanata yuyacta, mana allita ruhuangapac callpacta,

ECLESIASTÉS 7:29

Riqui, ñucaca caillatami tarircani. Diosca runataca allitami ruhuashca. Ashtahuanpish paillatacmi mana allita yuyarishca ninmi.

ECLESIASTÉS 9:3

Inti achicyachicuc cai pachapi tucui ruhuanamantaca caicunami mana alli ricurin. Tucuimi chashnallatac tucun. Huañuclla runapac shunguca tucui causaipimi mana allita ruhuana yuyaillahuan, juizhu illac causacun. Chai quipaca huañushcacunahuanmi tandanacugrin.

JEREMÍAS 17:9

Runapac shunguca tucuita atishpa llullashpa umacmi. ¿Chaitaca pitac entendinga?

JEREMÍAS 4:14

Jerusalenpi causaccunalla, cancuna quishpiringapacca cancunapac shungu mapayashcata maillarichicyari. ¿Ima horascamantac millaillata ruhuana yuyaihuan causagringuichic?

EZEQUIEL 8:12

Chaipimi ñucataca: «Huañunalla runa, ¿israelcunata pushac yuyaccuna tuta imata ruhuacucta ricunguichu? Tucui paicunami huasi ucupi imamanpish riccha dioscunata pintashca. Paicunaca: “Mandac Diosca ñucanchicmanta anchurishcami, mana ricucunchu” nincunami» nirca.

EZEQUIEL 8:9

Chai quipaca: «Chaiman yaicushpa, chaipi caccuna yalli millaita ruhuacucta ricui» nirca.

SAN MATEO 15:19

Shungumantami millai yuyaicuna llucshin. Chaimantami huañuchincuna, huainayancuna, ima millaita ruhuancuna, shuhuancuna, llullancuna, millaita rimancuna.

SAN MATEO 24:37

Ima shinami Noé causai punzhacunapi tucurca, chashnallatacmi Runa Tucungapac shamushca ñuca cutimuna punzhapish canga.

SAN LUCAS 17:26

Ima shinami Noé causai punzhacunapi carca, chashnallatacmi Runa Tucungapac shamushca ñuca cutimuna punzhacunapipish canga.

DEUTERONOMIO 29:19

Shina tiyashpaca, cai ari nishcata uyashpapish jatun tucushpa shungupi: “Ñucaca munashcata ruhuashpapish allimi causasha” ninguiman. Chashna yuyacpica, canmantami tucui llaqui tucunga.

TITO 3:3

Ñaupaca ñucanchicpish Diosta mana cazuc, yuyai illac, juchapi chingarishca, ñucanchic munaillata ruhuashpa cushicuna yuyaillapi huatashca shinami causacurcanchic. Chashna cashpami shuccuna ama charichun munashpa, caishuc chaishuc-huan piñanacushpa causacurcanchic.

1 PEDRO 3:20

Chai almacunaca ñaupa taita Noé huambuc huasita ruhuangacaman, Dios manarac piñarishpa, shuyacui punzhacunapi mana cazuc gentecunami carca. Chai punzhacunaca pusaccunallami yacullapitac quishpirircacuna.