GÉNESIS 5:2 - Dios Rimashcata Quillcashcami

² Diosca shuc carita, shuc huarmita ruhuashpami bendiciashpa, chai punzhallatac paicunataca Runata shutichirca.

GÉNESIS 5:2 Iomraidhean Croise

GÉNESIS 1:27

Diosca pai shinatami runataca ruhuarca. Chashnami caritapish, huarmitapish ruhuarca.

GÉNESIS 1:28

Dios paicunata bendiciashpaca: «Achcata mirarishpa, achca tucushpa, cai pachapi jundarichic, shinallatac cazuchichic. Mama cuchapi tiyac challuacunatapish, jahuata volac animalcunatapish, tucui cai pachapi tiyac animalcunatapish mandaichic» nirca.

GÉNESIS 2:15

Mandac Diosca chai Edén huertapimi pai ruhuashca runataca trabajashpa, cuidashpa causachun churarca.

GÉNESIS 2:23

Chaimantami Adanca: «Caica ñuca tullumanta, ñuca aichamanta ruhuashcami. Paica carimanta ruhuashca cashcamantami “Huarmi” canga» nirca.

GÉNESIS 5:3

Adanca patsac quimsa chunga huatayuc cashpami, pai shinatac shuc churita charirca. Paitaca Settami shutichirca.

MALAQUÍAS 2:15

¿Manachu Mandac Diosca caritapish, huarmitapish cuerpondi, espiritundi shuclla shinata ruhuarca? ¿Imapactac chashna ruhuarca? ¡Paica, cancunapac huahua huahuacunapish, paipaclla cachunmi chashna ruhuarca! Chaimanta cancunapac yuyaita cuidarichic, ama cancunapac huarmita shitaichicchu.

SAN MATEO 19:4

Chashna nicpimi Jesusca: —Dios cai pachata ruhuashpaca, caritapish, huarmitapish ruhuarcami. ¿Chaitaca manachu Dios quillcachishcapica ricushcanguichic?

MARCOS 10:6

Diosca cai pachata ruhuashpaca, caritapish, huarmitapishmi ruhuarca.

HECHOS 17:26

Tucui cai pachapi causachunmi, shuclla runamanta tucui runacunata mirarirca. Paillatacmi gentecuna mashna huatacaman causanatapish, maipi causanatapish churarca.