GÉNESIS 49:8 - Dios Rimashcata Quillcashcami

⁸ Judá, cambac huauquicunami alli ninga. Canta piñaccunataca cungapi japishpami atingui. Cambac huauquicunallatacmi cambac ñaupapi cumuringa.

GÉNESIS 49:8 Iomraidhean Croise

GÉNESIS 27:29

Achca gentecuna canta servichun, jatun llactacunapi causaccunapish cambac ñaupapi cumurichun. Canmi huauquicunataca mandangui. Cambac mamapac huahuacunapish cambac ñaupapimi cumuringa. Canta maldiciaccunataca maldiciashca cachun. Cutin canta bendiciaccunataca bendiciachun» nirca.

GÉNESIS 29:35

Leaca cutinllatacmi shuctac cari huahuata charirca. Chaimantami Leaca: «Cunanca Mandac Diostami alli nigrini» nishpami, Judata shutichirca. Ña quipamanca huahuata charinata saquircami.

GÉNESIS 42:6

Josemi chai llactataca mandacurca. Paillatacmi tucui shuctac llactamanta shamuc gentecunamanpish granota catucurca. Chashna catucpimi, paipac huauquicuna chayashpaca, pambacaman cumurirca.

GÉNESIS 46:12

Judapac churicunaca: Er, Onán, Sela, Fares, Zarami carca. Shinallatac Er, Onanca Canaán llactapimi huañurca. Farespac churicunaca: Hezrón, Hamulmi carca.

2 SAMUEL 22:41

Canmi ñucata piñaccunataca ñucapac ñaupamanta callpachircangui. Chaipimi ñucata mana ricunayachiccunata tucuchircani.

2 SAMUEL 24:9

Chashna cutishpami Joabca mashna yupashcata jatun mandacman curca. Chaipica espadahuan cac israelcunapac soldadocunaca pusac patsac huaranga, Judá gentecunapacca pichca patsac huaranga runacunami carca.

2 SAMUEL 5:3

Tucui israelcunata pushac yuyaccunami jatun mandac Davidpacman Hebrón puebloman rirca. Chaipimi Davidca Diospac ñaupapi shuc ari ninacuita paicunahuan ruhuarca. Chaillapitacmi Davidta aceitehuan cahuishpa israelcunata jatun mandacta ruhuarca.

1 CRÓNICAS 28:4

Shina cacpipish israelcunata Mandac Diosca ñuca taitapac huasi ucupuramanta acllashpami, ñucataca huiñaita tucui causaipi Israel llactata jatun mandac cachun churarca. Shina cashcamantami Judapac aillupuramanta juez cachun acllarca. Chai aillupuramanta ñuca taitapac familiataca acllarca. Ñuca huauquicunapuramantaca ñucatami acllashpa, tucui israelcunata jatun mandac cachun churarca.

1 CRÓNICAS 5:2

Judá paipac huauquicunata atishpa ashtahuan sinchi, shinallatac paicunata mandacmi tucurca. Shina cashpapish punta churi japinaca Josepacmi carca.

2 CRÓNICAS 14:8

Asaca escudocunata, lanzacunata apashpa puric Judapac soldadocunataca quimsa patsac huarangatami charirca. Benjaminpac soldadocunataca ishcai patsac pusac chunga huarangatami charirca. Paicunaca escudotapish apac, flechatapish cacharinata yachacmi carcacuna. Tucui paicunami macanacunata alli yachac sinchi runacuna carca.

2 CRÓNICAS 15:9

Chai quipaca Judá llactapi, Benjamín llactapi tucui causaccunatapish, Efraín, Manasés, Simeón llactacunamanta shamushpa Judá llactapi paicunahuan causaccunatapish tandachircami. Paita Mandac Dios paihuan cacta ricushpami, achca israelcuna Asahuan tandanacungapac pasamurcacuna.

2 CRÓNICAS 17:2

Judá llactapi cac muyundita pircashca pueblocunapica macanacuc soldadocunata, tucui Judá llacta ucupica chapac soldadocunatami churarca. Shinallatac paipac taita quichushca Efraín pueblocunapipish churarcami.

2 CRÓNICAS 30:11

Chashna cacpipish, Aserpac, Manasespac, Zabulonpac aillupuramanta maijancunallami llaquirishpa Jerusalenman rircacuna.

SALMOS 76:1

Diosca Judá llactapica ricsishcami. Israel llactapica paipac shutitaca alli nincunami.

ISAÍAS 9:7

Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.

EZEQUIEL 21:29

Paicunaca llullashpami huillan. Yangallami adivinan. Paicuna mana allita ruhuashcamanta huañuchishpa tucuchina punzhami chayamushca.

NÚMEROS 1:27

canchis chunga chuscu huaranga suctatami yuparca.

NÚMEROS 10:14

Ñaupataca Judá aillupac soldadocunami banderahuan llucshirca. Paicunataca Aminadabpac churi Naasonmi mandacurca.

NÚMEROS 26:20

Judapac ailluta catishpa yupashcaca caicunami: Selamantaca selanita aillu, Faresmantaca faresita aillu, Zeramantaca zeraita aillumi carca.

NÚMEROS 26:22

Paicunaca Judapac aillumi cancuna. Tucui paicunaca canchis chunga sucta huaranga pichca patsacmi carca.

DEUTERONOMIO 33:7

Judamanta nishpaca: «¡Mandac Dioslla, Judá mañashcataca uyaiyari! Paipac gentecunatapish apamuiyari. Paita piñaccunataca cambac poderhuan mishachiyari» nirca.

HEBREOS 10:13

Chaipimi paita piñaccunata Dios paipac chaqui sarunapi churangacaman shuyacun.

HEBREOS 7:14

Ashtahuanpish ñucanchic Apunchic Jesusca Judapac aillumantami carca. Shina cacpipish, Moisesca chai aillupuramanta cura shamuna cashcataca, jaicapi mana nircachu.

JOSUÉ 10:24

Chai mandaccunata Josuepacman pushamucpimi, Josueca tucui israelcunata cayashpa, paihuan cac macanacuc runacunata mandaccunataca: «Caiman cuchuyashpa, cai jatun mandaccunapac cungapi saruichic» nirca. Shina nicpimi, paicuna cuchuyashpa, chai jatun mandaccunapac cungapi sarurca.

JOSUÉ 15:20

Judá ailluman paicuna mashna aillu cashcata ricushpa cushca llactacunaca caicunami.

APOCALIPSIS 11:15

Canchisniqui ángel cornetapi tocacpimi jahua pachamanta sinchita caparishpaca: «Tucui cai allpa pacha llactacunaca, ñucanchic Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga» nirca.

APOCALIPSIS 5:5

Chashna cacpimi yuyaccunapuramanta shucca: «Ama huacaichu. Judá aillumanta león shina Mandacmi, pillushca pangata pascangapac, shinallatac canchis sellotapish anchuchingapac tucui mana allita mishashca. Paica ñaupa mandac Davidpac huahua huahuacunapurami can» nirca.

JUECES 20:18

Chai quipaca, israelcuna jatarishpa, huichai rishpami Mandac Diostaca: —¿Ñucanchicpuramantaca maijan aillutac Benjamín aillucunahuan macanacungapac punta rigrin?— nishpa tapurca. Shina tapucpi Mandac Diosca: —Judá ailluracmi ringa— nirca.