GÉNESIS 49:22 - Dios Rimashcata Quillcashcami

²² Joseca yacu ladopi huiñashca achca granota yura shinami cangui. Ramacuna pirca jahuata ric shinami cangui.

GÉNESIS 49:22 Iomraidhean Croise

GÉNESIS 41:52

Quipa churitaca: “Diosmi ñuca llaquita apashca llactapi churicunayucta ruhuashca” nishpami, Efrainta shutichirca.

GÉNESIS 46:27

Egipto llactapi huacharishca Josepac churicunaca ishcaimi carca. Paicunandi tandachicpica, Jacobopac huasi ucupuraca canchis chungami Egiptoman carca.

GÉNESIS 48:1

Asha punzhacuna quipa Josemanca: “Cambac taita Jacoboca ungushcami” nishpami huillarca. Chaita uyashpami, Joseca paipac ishcai churi Efraintapish, Manasestapish pushashpa, ricungapac rirca.

GÉNESIS 48:15

Shina churashpa Joseta bendiciashpaca: «Taita Abrahampac, Isaacpac Dioslla, cambac ñaupapimi paicunaca purirca. Ñucatapish huacharishcamanta cunan punzhacaman huacaichic Dios,

GÉNESIS 48:16

ñucata mana allimanta cuidac ángel cai huambracunataca bendiciachun. Paicunamanta ñuca shutitapish, taita Abrahampac, Isaacpac shutitapish huiñaita yuyarichun. Achca huahuayuc tucushpa, cai allpapi jundarichun» nircami.

GÉNESIS 48:5

Chaica, ñuca manarac cai Egipto llactapi canhuan causangapac shamucpi, cai llactapi huacharishca ishcai churi Efrainpish, Manasespish ñuca quiquin churicunami. Paicunaca ñuca churi Rubén, Simeón shinallatacmi ñuca churicuna can.

GÉNESIS 49:23

Paitaca piñashpami, flechacunahuan shitashpa llaquichirca.

SALMOS 128:1

Mandac Diosta manchashpa, pai munashca shina causaccunaca tucuimi cushicuncuna.

SALMOS 128:3

Cambac huarmipish huasi ladopi tiyac cargashca uvas yura shinami canga. Churicunaca olivos yuracuna retoñac shinami miza muyundipi cangacuna.

SALMOS 80:10

Chai yuracunapac llanduca urcucunatapish taparcami. Diospac cedro yuracunatapish chai ramacunami taparca.

EZEQUIEL 19:11

Chai ramaca jatun mandaccunapac varacunapacmi alli carca. Chai yura yalli jatunta huiñashpami, achca ramacunahuan tucushpa, puyucaman chayashpa, ricunalla carca.

OSEAS 13:15

Efraín aillupurapi yuracuna shina mirarimucucpipish, Mandac Dios ñuca shitashca pambamanta shamuc rupac huaira cachashpami tucuchisha. Shinallatac tucyacuc yacupish, jundu yacupish chaquingami. Paicunapac sumac charishcacunatapish quichungami.