GÉNESIS 49:11 - Dios Rimashcata Quillcashcami

¹¹ Mama burropac huahua cari burrotaca uvas chagrapimi huatanga. Paipac churanataca vinopimi tacshanga. Pucanlla uvasta capishca yacupimi jahualla churanataca tacshanga.

GÉNESIS 49:11 Iomraidhean Croise

GÉNESIS 49:12

Paipac ñahuica vino colormi canga. Quiruca leche shina, yuranllami canga.

1 REYES 4:20

Judá llactapi, Israel llactapi, causaccunaca mama cucha yacu patapi tiyac tio shina achcami carca. Paicunaca tucuimi micushpa, ubiashpa, cushicushpa causarcacuna.

1 REYES 4:25

Salomón causai punzhacunapica Judá llactapi, Israel llactapi causaccunaca Dan pueblomanta Beerseba pueblocamanmi, uvas chagrayuc, higo chagrayuc alli causarcacuna.

2 REYES 18:32

Ñucaca cancunapac llacta shinallatac alli granota pucuc, vinopish, tucuilaya micunapish, uvas chagracunapish, olivospish, aceitepish, bunga mishquipish tiyac llactaman pushac shamungacamanmi chashna causanguichic. Chashnami mana yarcaihuan huañunguichic. Ezequiastaca mana uyanachu canguichic. Paica llullashpami: ‘Mandac Diosca ayudangami’ nicun.

JOEL 3:18

Chai punzhapica urcucunamantami mishqui vino llucshinga. Lomacunamantaca lechemi talliringa. Judá llactataca achca toma yacumi callpanga. Mandac Dios ñucapac huasimanta yacu llucshishpami, Sitim pugru pambata parcunga.

AMÓS 9:13

Chai punzhaca ñami pactamun. Manarac tucui cosechacpimi, yapuna punzhacuna chayamun. Shinallatac uvasta manarac tucui pallacpimi, trigota tarpuna punzhaca chayamun. Llullu vinoca yacu shinami urcucunapipish, lomacunapipish talliringa. Chaitaca Mandac Dios ñucami nini.

MIQUEAS 4:4

Tucui runacunami quiquin uvas yura ucupi, higo yura ucupi pipish mana manchachishca cushilla samaringa. Chaitaca tucuita Mandac Diosmi nin.

DEUTERONOMIO 32:14

Vaca leche mantequillatapish, oveja lechetapish, maltón oveja huirahuan, cari oveja huirahuanmi cararca. Basanmanta cari chivohuan, tucuimanta yalli alli trigohuanmi cararca. Sumac uvas vinotami ubiachirca.

DEUTERONOMIO 8:7

Mandac Diosca sumac yacu caita chaita callpacuc, allpa ucutapish yacu callpacuc, pambacunapish, urcucunapish yacu llucshicuc llactatami cancunamanca cunga.

DEUTERONOMIO 8:8

Trigopish, cebadapish, uvaspish, higopish, granopish tiyac, sumac aceiteta cuc olivospish tiyac, sumac mishquicunapish tiyac llactatami cunga.

APOCALIPSIS 14:20

Chai uvascunataca pueblomanta canzhamanmi capishca carca. Chai uvascuna huacaichinamantaca yahuarmi quimsa pasac kilometrocaman rishpa, caballopac shimi shinacaman jundarca.

APOCALIPSIS 19:18

Chai micunaca jatun mandaccunata, soldadocunata mandaccunata, sinchi gentecunata, caballocunata, caballopi caccunata, serviccunata, mana serviccunata, jatuncunata, uchillacunata huañuchishca aichami can» nirca.

APOCALIPSIS 7:14

Shina tapucpimi ñucaca: «Amito, canllatacmi yachangui» nircani. Shina nicpi paica: «Chaicunaca jatun llaquimanta mishaccunami, shinallatac Pactalla Ovejapac yahuarhuan paicunapac churanata tacshashpa yuranlla tucushcacunami.

APOCALIPSIS 7:7

Simeonpac aillupuramanta chunga ishcai huaranga, Levipac aillupuramanta chunga ishcai huaranga, Isacarpac aillupuramanta chunga ishcai huaranga,