GÉNESIS 49:10 - Dios Rimashcata Quillcashcami

¹⁰ Judá, cambac mandana varataca pi mana quichungachu. Varataca chasquingacamanmi charicunguilla. Cantaca tucui gentecunami cazunga.

GÉNESIS 49:10 Iomraidhean Croise

2 SAMUEL 7:13

Paimi ñuca huasitaca shayachinga. Paimanca huiñaita mandanatami cusha.

2 SAMUEL 7:16

Cambac huasi ucupurapish, can mandanapish jaicapi mana tucuringachu. Shinallatac can mandashpa tiyanaca huiñaitami caticungalla’ ninmi” ningui» nirca.

1 CRÓNICAS 12:24

Judapac aillumantaca sucta huaranga pusac patsac runacunami escudotapish, lanzatapish apashca macanacuiman rinalla carcacuna.

1 CRÓNICAS 12:39

Davidhuanca quimsa punzhatami micushpa, ubiashpa Hebrón pueblopi carcacuna. Paicunapac aillucunami paicunamanca micunata allichishca carca.

SALMOS 108:8

Galaad llactapish, Manasés llactapish ñucapacmi. Efraín llactaca ñuca umapi churarina fierromi. Judá llactaca ñuca churashca mandacmi.

SALMOS 60:7

Galaad llactapish, Manasés llactapish ñucapacmi. Efraín llactaca ñuca umapi churarina fierromi. Judá llactaca ñuca churashca mandacmi.

SALMOS 60:9

¿Pitac muyundita jatun pircahuan pircashca pueblomanca pushangayari? ¿Pitac Edom llactaman rina ñantaca ricuchingayari?

SALMOS 78:68

Chaipac randica Judapac ailluta, Sión urcuta acllashpami cuyarca.

ISAÍAS 11:10

Chai punzhacunapica Isaipac sapimanta huiñashcatami llactacunapi causaccuna mashcanga. Paica banderata shayachishca shinami, tucuipac ricuipi shayacunga. Pai causana huasica sumaimanami canga.

ISAÍAS 2:2

Tucuri punzhacunapica Mandac Diospac huasipi tiyac urcuca caishuc urcucunapac uma shina cangapacmi sinchiyachishca canga. Tucui urcucunata yalli jatunmi canga. Chai urcumanmi tucui llactacuna shamunga.

ISAÍAS 33:22

Mandac Diosmi ñucanchic juez. Mandac Diosllatacmi mandashcacunata cucca. Mandac Diosllatacmi ñucanchic Jatun Mandacca. Paillatacmi ñucanchicta quishpichin.

ISAÍAS 42:1

Mandac Diosca: «Ñuca acllashca, ñucata servic runataca ñucami cuidasha. Paimi ñucataca cushichin. Paipimi ñuca Espiritutaca churarcani. Paimi jatun llactacunapica cashcata ruhuanamanta huillanga.

ISAÍAS 55:3

Cancunapac ringrihuan uyashpa, ñucapacman cuchuyaichic. Chashna ruhuacpica, cancunapac almaca causangami. Davidhuan ari nishca shinami, cancunahuanpish huiñai huiñaita ari nisha.

ISAÍAS 60:1

¡Sión llactalla, jatariyari! ¡Achicyachiyari! Canta achicyachic luzca ñami shamushca. Cambac jahuapica Mandac Diospac achic nicucmi achicyachicun.

ISAÍAS 62:11

Mandac Diosca tucui cai pacha tucuri punzhacunapi causaccunataca: «Sión urcupi causaccunataca: “¡Cancunata quishpichicca ñami shamun! ¡Cancunaman cunatami apamun! ¡Pai ruhuashcacunaca ñaupashpami shamun!” nishpa huillaichic» nirca.

ISAÍAS 9:6

Shuc cari huahuami huacharishca. Shuc churitami ñucanchicman cushca. Mandanaca paipac maquipimi. Paipac shutica “Mancharina cunac”, “Imatapish ruhuac Dios”, “Huiñaita causac Taita”, “Cushi causaita cucmi” canga.

JEREMÍAS 30:21

Paicunapuramantami shuc mandac llucshinga. Paicunapuramanta shucmi mandanga. Paitaca ñucapacman cuchuyachun saquishami. Shina saquicpica, ñucapacman cuchuyangami. Ñucapacman cuchuyanataca pipish mana pudinchu.

JEREMÍAS 33:26

ñucapish Jacobopac huahuacunataca shitaimanmi. Ñucata servic Davidpac huahuacunatapish cungarimanmi. Shuc punzha Abrahampac, Isaacpac, Jacobopac huahuacunata mandachunca, Davidpac huahuacunataca ña mana mandachun churaimanchu. Ashtahuanpish ñucallatacmi caimanta prezu apashcacunataca llaquishpa cutichimusha» nirca.

EZEQUIEL 19:11

Chai ramaca jatun mandaccunapac varacunapacmi alli carca. Chai yura yalli jatunta huiñashpami, achca ramacunahuan tucushpa, puyucaman chayashpa, ricunalla carca.

EZEQUIEL 19:14

Chai tarpushca yurapac ñahuimanta nina llucshishpami ramacunatapish, granocunatapish rupachirca. Chai yurapica jatun mandaccunapac mandana sinchi varapish ña mana tiyarcachu” ninmi ningui. Caicunaca llaqui cantana cantomi. Llaquipi cantangapacmi alli can» nirca.

EZEQUIEL 21:27

¡Cutin, cutin llaquichishpami tucuchisha! ¡Pai mandanata japingapac shamungacamanmi chashna llaquicunaca caticunga! ¡Pai shamucpica, paipac maquipimi churasha!” ninmi.

EZEQUIEL 21:32

Cancunaca nina japichina chaquishca cupa shinami tucunguichic. Cancunapac yahuarca allpa chaupipimi saquiringa. Cancunamantaca ima yuyarinapish mana tiyangachu. Chaitaca Mandac Dios ñucami nini” ninmi ningui» nirca.

DANIEL 9:25

Shinallatac caitapish allita uyashpa entendiyari. Chaica Jerusalenta allichichun mandashca punzhamanta Dios cachashca Quishpichic shamungacamanca canchis semana, canchis chunga ishcai semanami tucunga. Canzha pambatapish, llacta muyundi pircacunatapish llaqui punzhacunapimi allichinga.

OSEAS 11:12

Efraín ailluca yallita llullashpami muyundita jarcashcata shina ruhuashca. Israelcunaca llullashpami tauca cutin umashca. Judá llactapi causaccunaca Mandac Dios-huan cariyashpami, paimanta caruyashca.

MIQUEAS 5:1

¡Sinchi runanacuna causana Jerusalenlla, tandanacuichicyari! ¡Piñaccunaca pueblota muyushpami shayacun! Israel llacta jueztaca ñahuipi varahuan huactashpami chugrichinga.

HAGEO 2:7

Tucui llactacunapi causaccunatami chucchuchisha. Chashna ruhuacpimi, tucui llactacunapi causaccunaca sumac charishcacunata apamunga. Chaicunahuanmi cai huasipica sumacyachishca canga.

ZACARÍAS 10:11

Jatun llaquica mama cuchatami pasanga. Nilo yacupish ucucamanmi chaquinga. Shuctac jatun yacucunapish tucuimi chaquinga. Asiria llactapi causac jatun tucushca gentecunapish urmangami. Egiptopi causaccunata mandana taunapish chingaringami.

ZACARÍAS 2:11

Chai punzhapica achca llactacunami Mandac Dios ñucapacman tandanacunga. Paicunaca ñuca acllashcacunami canga. Ñucaca cancunapac chaupipimi causasha» ninmi. Chaita ricushpami, Mandac Diosllatac cancunapacman ñucata cachashcata yachanguichic.

NÚMEROS 21:18

Mandaccunami varahuan allarca. Mandashcacunata cuccunami paicunapac tauna caspihuan allarca» nirca. Shitashca pambamanta Mataná pushtumanmi chayarca.

NÚMEROS 24:17

Ñucaca paita cunan mana ricushpapish, quipaman ricushami. Ricushpapish mana cuchumanta ricushachu. Jacobopac churicunamantaca shuc luceromi llucshinga. Paicunamantaca jatun mandac varayucmi llucshinga. Paimi Moabpi causaccunata ringripi huactashpa, cutin Setpac churicunataca umapi llapishpa tucuchinga.

NÚMEROS 24:19

Jacobopac churicunamantaca shuc mandacmi llactacunapi puchushca gentecunataca tucuchinga» nirca.

SAN MATEO 1:21

Paica shuc cari huahuatami charinga. Chai huahuataca JESÚS shutitami shutichingui. Paimi pai acllashcacunataca juchacunamanta quishpichinga. Chaimantami chai shutica canga» nirca.

SAN MATEO 17:5

Pedro rimacucpillatacmi, yuranlla puyu paicunata taparca. Chai puyu ucumanta rimashpaca: «Caimi ñuca cuyashca Churi. Paimi ñucataca cushichin. Paita uyanguichic» nirca.

SAN MATEO 21:9

Chashnami huashata riccunapish, ñaupashpa riccunapish: «¡Mandac Davidpac aillupuramanta Apunchic Jesús quishpichiyari! ¡Dios cachashca shamucca, alli nishca cachun! ¡Jahua pachapipish alli nishca cachun!» nishpa caparircacuna.

SAN MATEO 25:32

Chaipimi tucui llacta gentecuna ñucapac ñaupaman shamushpa tandaringa. Chashna tandaricpimi, paicunataca shuc michic ovejacunata chivocunamanta chicanyachic shina chicanyachisha.

SAN JUAN 12:32

Caspipi jahuaman huarcushca cashpami, tucuita ñucapacman pushamusha— nirca.

SAN JUAN 18:31

Chaimanta Pilatoca: —Cancunapac mandashcapi nishca shina, taripashpa llaquichingapac apaichic— nirca. Shina nicpimi, mandac israelcunaca: —Ñucanchicca mana pita huañuchinallachu canchic— nirca.

SAN JUAN 19:12

Chaimanta pachami Pilatoca, ima shinapish Jesusta cacharinata munarca. Shina cacpipish israelcunaca: —¡Cai runata cacharishpaca, mana jatun mandac Cesarpac partechu cangui! ¡Maijanpish ‘jatun mandacmi cani’ niricca, jatun mandac Cesarta piñacmi!— nishpa caparirca.

SAN JUAN 19:15

Shina nicpipish paicunaca: —¡Chacatailla, chacatailla!— nishpami caparircacuna. Shina caparicpimi Pilatoca: —¿Cancunata Jatun Mandactachu chacatachun ninguichic?— nirca. Shina nicpimi, curacunata mandac curacunaca: —Jatun mandac Cesarllatami charinchic. Shuctac mandactaca mana charinchicchu— nirca.

SAN JUAN 9:7

Shina llutashpaca: —Cunanca, Siloé uchilla cuchapi jahuaringapac ri— nirca. (“Siloé” nishpaca, “cachashca” nisha ninmi). Chai runa jahuaringapac rishpaca, ñahui ricucucmi cutirca.

ROMANOS 15:12

Cutinllatac Dios ima nishcata huillac Isaiasca: «Isaipac huahua huahuapuramantami llactacunata mandangapac jatarimunga. Chaimantami paita cushicushpa shuyacuncuna» ninmi.

2 CORINTIOS 5:10

Imalla ruhuashcata ñucanchic ricuchingapacca, tucuita taripac Cristopac ñaupapimi tucui mashna ricurigrina canchic. Chaipica cai aicha causaipi allita ruhuashcamanta, mana allita ruhuashcamantami japina cashcata japigrishun.

DEUTERONOMIO 28:57

Cancunapac llactacunata piñaccuna muyushpa llaquichicpi, ima micuna mana tiyacpimi, sajuarishca huahuatapish, catictapish pacalla micunga.

HEBREOS 7:14

Ashtahuanpish ñucanchic Apunchic Jesusca Judapac aillumantami carca. Shina cacpipish, Moisesca chai aillupuramanta cura shamuna cashcataca, jaicapi mana nircachu.

APOCALIPSIS 11:15

Canchisniqui ángel cornetapi tocacpimi jahua pachamanta sinchita caparishpaca: «Tucui cai allpa pacha llactacunaca, ñucanchic Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga» nirca.