GÉNESIS 47:29 - Dios Rimashcata Quillcashcami

²⁹ Taita Israel chashna ña yuyac cashpa, pai huañuna punzha ña chayamucpi, paipac churi Joseta cayachishpaca: —Cambac ñahuipi ñuca alli ricurishca cacpi, can ñucata cuyashpaca, cambac maquita ñucapac changa jahuapi churashpa, ñuca mañashcata pactachingapac ari ni. Ñuca huañucpica, amatac cai Egiptopi enterranguichu.

GÉNESIS 47:29 Iomraidhean Croise

GÉNESIS 24:2

Abrahamca paipac serviccunapuramanta paipac huasipi mandac yuyac runata cayashpaca: —Cambac maquita ñuca changa jahuapi churai.

GÉNESIS 24:49

Cunanca, ñuca amota llaquishpa ari nina cacpipish, ari nichicyari, mana nina cacpipish, mana nichicyari. Ñucaca alli ladota rina cacpipish rishallami, lluqui ladota rina cacpipish rishallami— nirca.

GÉNESIS 27:2

Chashna nicpimi Isaacca: —Ñucaca ña yuyacmi cani, ima punzha huañunatapish mana yachanichu.

GÉNESIS 3:19

Canca allpallamantac cutingacamanca ñahui quingrai jumbishpa trabajashpami micungui. Canca allpamantami ruhuashca cangui. Allpami cangui. Chaillamantacmi cutingui— nirca.

GÉNESIS 47:9

Shina tapucpimi Jacoboca: —Caipi, chaipi purishpa causashca huatacunaca patsac quimsa chunga huatami can. Ñucapac causai huatacunaca asha mana alli huatacunami cashca. Ñuca ñaupa taitacuna causashca shina, unai huatacunataca mana causashachu— nirca.

GÉNESIS 48:21

Quipaca taita Israelca Josetaca: —Ñucaca ña huañunallami cani. Shina cacpipish, Diosca cancunahuanmi. Paimi cancunataca, cancunapac ñaupa taitapac llactaman cutin pushanga.

GÉNESIS 50:12

Jacobopac churicunaca paipac taita imata nishca shinallatacmi ruhuarca.

GÉNESIS 50:5

“Ñuca taita huañugricushpaca: ‘Canaán llactapi ñuca allichishca enterrana jutcupi enterrangui’ nishpa, ñucataca Diospac shutipi ari nichirca. Cunanca ñuca taitata enterragrichun cachai. Ña enterrashpaca cutishallami” ninmi nishpa cui— nirca.

2 SAMUEL 14:14

Ñucanchicca tucuimi huañunalla canchic. Pambapi tallirishca yacu shina maita mana tandaipacmi canchic. Shina cashpapish, Diosca pimantapish mana causaita quichunchu. Chaipac randica llactamanta llucchishpa cachashcacuna paimanta ima shinapish ama ashtahuan caruyachunmi munan.

2 SAMUEL 2:32

Asaeltaca Belén puebloman apashpami, paipac taita ruhuachishca sepulturapi enterrarca. Chai quipami Joabpish, paipac runacunapish tucui tuta purishpa, ña punzhayanata Hebrón pueblopi chayarca.

2 SAMUEL 7:12

Can ña unaita causashpa cambac taitacunahuan enterrashca cacpica, cambac huahuacunamantami shucta acllashpa cambac mandanapi churashpa, can mandanataca allichisha.

1 REYES 2:1

Davidca pai huañuna punzhacuna ña chayamucucpimi, paipac churi Salomontaca:

JOB 14:14

¿Shuc runa huañushpaca causaringachu? Tucui ñuca causai punzhacunami quishpirina chayamunata shuyacushalla.

JOB 30:23

Canca ñucataca huañuiman, tucui causaccuna huañushpa, rina llactaman apacushcatami yachani.

JOB 7:1

Cai pachapi causaccunaca shaicushpami imatapish ruhuashpa causan. Paicunapac punzhacunaca, trabajac runapac punzha tucuric shinami tucurin.

SALMOS 49:7

Shina cashpapish chai charishcahuanca pita mana quishpichi pudinchu. Shinallatac paipish Diosman imata cushpa mana quishpiri pudinchu.

SALMOS 49:9

Huiñaita mana huañushpa causasha nishpapish mana cullquita cui pudinchu.

SALMOS 6:5

Huañushca runaca canta mana yuyari pudinchu. ¿Seolpica pitac cantaca alli ningayari?

SALMOS 89:48

¿Pi runata mana huañushpa causacungalla? ¿Pitac Seolman rinamantaca quishpiringa?

DEUTERONOMIO 31:14

Mandac Diosca Moisestaca: «Riqui, ñami cambac huañuna punzhaca chayamushca, Josueta ñucahuan tupana huasiman pushai. Chaipimi pai imata ruhuanata mandasha» nirca. Shina nicpimi, Moisesca Josuehuan Dios-huan tupana huasipi shuyarca.

DEUTERONOMIO 31:16

Mandac Diosca Moisestaca: «Canca huañushpa, ñaupa taitacunahuan tandanacugringuimi. Israelcunaca paicuna ricushca llactaman chayashpaca, chaipi tiyac dioscunata catishpami huainayanga. Shinami ñucamanta caruyashpa, ñuca paicunahuan ari nishcatapish yangapi churanga.

HEBREOS 11:22

Crishcamantami Josepish ña huañugricushpaca, Egipto llactamanta israelcuna llucshina cashcata huillashpaca, chai llactamanta paipac tullucunata apachun mandarca.

HEBREOS 9:27

Shinallatac tucuimi shuc cutinlla huañuna canchic. Chai quipami, Dios taripana punzhaca shamunga.

JOSUÉ 2:14

Shina nicpimi, chai runacunaca: —Cancuna ñucanchicmanta mana huillashpa, upalla cacpica, ñucanchicca causashunmi, shinallatac cancunapish causanguichicmi. Cai llactata ñucanchicman Mandac Dios cucpica, ñucanchicpish cancunata llaquishpa, mana huañuchishunchu. Chaitaca pactachishuntacmi— nirca.

JOSUÉ 23:14

Riquichic, ñucaca cai pachapi tucui causaccuna rina ñanta japishpa, ña rinallami cani. Cancunata Mandac Diosca pai sumacta ruhuashpa ricuchisha nishcataca shucllatapish mana saquishpami tucuita pactachishca. Pai shina nishcataca tucui pactachishcamantami tucui shunguhuan, tucui almahuan pagui nina canguichic. Tucuitami cancunamanca pactachishca.

1 SAMUEL 26:10

Shinallatac Davidca: —¡Mandac Diospac shutipimi nini: Mandac Diosllatacmi paitaca llaquichinga, mana cashpaca paipac huañuna punzhami chayanga, mana cashpaca jatun macanacuipimi chingaringa!