GÉNESIS 47:24 - Dios Rimashcata Quillcashcami

²⁴ Chai pucushca granomantaca chungamanta ishcai tuluta Faraonman cunguichic. Shinallatac cancuna tarpungapacpish, cancunapac huahuacunamanpish, huasi ucupi causaccunamanpish carangapac pusac tulucunata huacaichinguichic— nirca.

GÉNESIS 47:24 Iomraidhean Croise

GÉNESIS 14:20

Canta piñaccunata cambac maquipi churac, jahua pachapi causac Diosca alli nishca cachun» nirca. Chaimantami Abramca tucui quichushcacunamanta chungamanta shucta Melquisedecman curca.

GÉNESIS 14:21

Chai quipami, Sodoma pueblota jatun mandacca Abramtaca: —Gentecunata ñucaman cui, imata quichushcacunataca can apailla— nirca.

GÉNESIS 28:22

Ricunalla cachunmi, pilarta shina, cai ñuca shayachishca rumica Diospac huasi canga. Shinallatac tucui can imalla cushcacunamantaca chungamanta shucta chicanyachishpami canmanca cusha» nirca.

GÉNESIS 41:34

Can Faraonca cai Egipto llactapi pucushca granota chunga cushtalmanta ishcai cushtalta cai canchis huatacunapi tandachichun mandai.

GÉNESIS 47:23

Chai quipami Joseca chai llactapi causaccunataca: —Cunanca, cancunatapish, cancunapac allpacunatapishmi Faraonman randircani. Cunanca, muyuta allpacunapi tarpungapac japichic.

GÉNESIS 47:25

José chashna nicpica paicunaca: —¡Ñucanchicmanca causaitami cushcangui! Ñucanchicta mandacpac ñahuipica allimi ricurishcanchic. Cunanca, Faraonta servishpa causashunllami— nircacuna.

SALMOS 112:5

Alli shungu runaca imatapish cushilla mañachinmi. Paita serviccunatapish cashcata ruhuashpami mandan.

SALMOS 41:1

¡Huaccha runata llaquicca cushicunmi! Llaqui punzhacunapica, Mandac Diosmi quishpichinga.

LEVÍTICO 27:30

Chagrapi pucushca granopish, yurapi pucushcapish chungamanta shucca Mandac Dios ñucapacmi. Chaica ñucapaclla chicanyachishcami can.

LEVÍTICO 27:32

Huagrapish, ovejapish chungamanta shucca Mandac Dios ñucapac taunahuan ricuchishpa yupashcaca ñucapacmi can.

NÚMEROS 18:21

Levipac huahuacunaca ñucahuan tupana huasipimi servincuna. Chaimantami paicunamanca israelcuna chungamanta shucta ñucaman cushcacunata cuni.

DEUTERONOMIO 14:22

Chagrapi pucushca granotaca chungamanta shuctaca ama cungarishpa huatanta cunguichic.

DEUTERONOMIO 26:12

Cada quimsa huatami chungamanta shucta cuna huata. Chaicunata cushca quipaca levitacunaman, carumanta shamushcacunaman, taita mama illaccunaman, viudacunaman cunguichic. Chashna cucpimi, cancunapac llactapi causaccunaca huicsa pactata micunga.