GÉNESIS 47:23 - Dios Rimashcata Quillcashcami

²³ Chai quipami Joseca chai llactapi causaccunataca: —Cunanca, cancunatapish, cancunapac allpacunatapishmi Faraonman randircani. Cunanca, muyuta allpacunapi tarpungapac japichic.

GÉNESIS 47:23 Iomraidhean Croise

GÉNESIS 41:27

Quipata llucshic canchis millanayaipac tullu vacacunaca canchis huatatami nisha nin. Inti llucshina ladomanta huaira huactashca, ñañuyachishca canchis trigo umaca canchis huata jatun yarcai tiyanatami nisha nin.

GÉNESIS 45:6

Ña ishcai huatatami jatun yarcai tiyashca. Chairac pichca huatata yarcai tiyangaracmi. Chai huatacunapica yapunapish, cosechanapish ima mana tiyangachu.

GÉNESIS 47:22

Curacunapac allpacunallatami Joseca mana randirca. Faraón paicunaman granota cushpa causashcamantami curacunaca allpacunataca mana caturca— nirca.

GÉNESIS 47:24

Chai pucushca granomantaca chungamanta ishcai tuluta Faraonman cunguichic. Shinallatac cancuna tarpungapacpish, cancunapac huahuacunamanpish, huasi ucupi causaccunamanpish carangapac pusac tulucunata huacaichinguichic— nirca.

SALMOS 112:5

Alli shungu runaca imatapish cushilla mañachinmi. Paita serviccunatapish cashcata ruhuashpami mandan.

SALMOS 41:1

¡Huaccha runata llaquicca cushicunmi! Llaqui punzhacunapica, Mandac Diosmi quishpichinga.

PROVERBIOS 11:26

Granota quiquinpaclla cachun tandachic runataca tucui gentecunami maldician. Ashtahuanpish mana huacaichishpa, tucuiman cushilla catuctaca bendiciangami.

PROVERBIOS 12:11

Allpapi trabajac runaca mana nictami micunga. Ashtahuanpish yuyai illaccunallami yanga puriccunata catincuna.

PROVERBIOS 13:23

Huacchacuna yapushca pambapica achcami pucun. Ashtahuanpish cashcata ruhuaccuna mana tiyacpimi, tucui chaicunaca chingarin.

ECLESIASTÉS 11:6

Tutamanta muyuta tarpushpaca, chishipish tarpunguilla, ama samaringuichu. Punta tarpushca, mana cashpaca quipa tarpushca, mana cashpaca ishcaita alli canataca mana yachanguichu.

ISAÍAS 55:10

Tamyapish, rasupish jahua pachamanta urmashpaca, mana chaillamantac cutinchu. Ashtahuanpish allpata jucuchishpami granota pucuchin. Chaimantami tarpuc runaca muyupacpish, micungapacpish charin.

SAN MATEO 24:45

¿Maijantac alli cazuc, alli yuyaiyuc servic runaca canga? Paipac amo mandashcata cazushpami, serviccunaman micuna horas caranga.

2 CORINTIOS 9:10

Muyutapish tarpuchun cuc, micunatapish carac Diosllatacmi cancunamanca tucui ima illashcataca cunga. Shinallatac cancuna shuccunaman carachunmi allpapipish achcata pucuchinga. Cancuna cashcata ruhuashcaca mirachishcami canga.