GÉNESIS 47:18 - Dios Rimashcata Quillcashcami

¹⁸ Chai huata tucurishca quipa huatapish cutinllatacmi Josetaca: —Amito, ñucanchicca mana llullanchicchu, cullquipish, animalcunapish canman cungapacca, ña mana tiyanchu, tucuimi canman curcanchic. Ñucanchiclla, shinallatac ñucanchic allpacunallami cambac ñaupapica saquirishcanchic.

GÉNESIS 47:18 Iomraidhean Croise

GÉNESIS 47:17

José chashna nicpica, Egipto runacunaca paicunapac caballocunatapish, ovejacunatapish, vacacunatapish, burrocunatapish Joseman curcami. Chashna cucpica, Joseca shuc huatapacmi micunata curca.

GÉNESIS 47:19

¿Imamantatac cambac ñaupapi ñucanchicca huañushun? ¿Imamantatac ñucanchic allpacunapish shitashca saquiringa? Chaimanta ñucanchicman granota cungapac ñucanchictapish, ñucanchic allpacunatapish japilla. Shina japicpica, ñucanchicca Faraonta servishunmi, shinallatac allpacunapish paipacmi canga. Cai allpacuna ama shitashca saquirichun, ñucanchic muyu shina causashpa catingapac micunata carai— nirca.

2 REYES 6:26

Shuc punzhami Israel llactata jatun mandacca jatun pirca jahuata puricurca. Chaita shuc huarmi ricushpaca: —¡Ñuca amo jatun mandaclla, llaquishpa ayudaiyari!— nishpa caparirca.

JEREMÍAS 38:9

—Jatun mandaclla, chai runacuna Dios ima nishcata huillac Jeremiasta yacu jundachina jutcupi shitashpaca, mana allitami ruhuashca. Chai jutcupica yarcaihuan huañungami. Cai llactapica tandallapish mana tiyanchu— nirca.