GÉNESIS 47:14 - Dios Rimashcata Quillcashcami

¹⁴ Joseca Egipto llactapi, Canaán llactapi tucui tiyashca cullquitami granota catushpa japirca. Joseca granomanta cullquita japishpaca, Faraonpac huasipimi tandashpa huacaichirca.

GÉNESIS 47:14 Iomraidhean Croise

GÉNESIS 41:56

Tucui Egipto llactapimi yarcaica tiyarca. Chaimantami Joseca granota huacaichishcata pascashpa, Egipto llactapi causaccunaman catui callarirca. Egipto llactapi ashtahuan yarcai caticpimi, chashnaca ruhuarca.

GÉNESIS 41:57

Tucui llactacunapi ashtahuan yarcai tiyacpimi, micunata Joseman randingapac Egipto llactaman shamurca.

GÉNESIS 47:15

Egipto llactapipish, Canaán llactapipish cullqui tucuricpica, Egipto runacunaca Josepacman shamushpaca: —Granota ñucanchicman carai, ñucanchicca granotapish, cullquitapish mana charinchicchu, yarcaihuan huañugrinchicmari. ¿Cullqui illashcallamantaca imatac cambac ñaupapi huañushunyari?— nirca.

PROVERBIOS 11:26

Granota quiquinpaclla cachun tandachic runataca tucui gentecunami maldician. Ashtahuanpish mana huacaichishpa, tucuiman cushilla catuctaca bendiciangami.

1 CORINTIOS 4:2

Maijanta yachachichun churacpica pactachic cashcatami ricuchina can.

1 PEDRO 4:10

Diosmanta allita ruhuangapac chican chican ruhuac canata chasquishcamanta, allita ruhuaccuna shina, quiquin chasquishcahuan caishuc chaishucman allita ruhuaichic.