GÉNESIS 47:12 - Dios Rimashcata Quillcashcami

¹² Shinallatac Joseca paipac taitamanpish, huauquicunamanpish, tucui paipac familiamanpish mashna huahuacunata ricushpa, micunataca pacta pactami curca.

GÉNESIS 47:12 Iomraidhean Croise

GÉNESIS 45:10

Canpish, cambac huahua huahuacunapish, paicunapac huahuacunapish, tucui animalcunata, tucui ima charishcacunata apashpa, Gosén llactapi causangapac shamui. Chaipi causashpami, ñuca ladollapi causangui.

GÉNESIS 45:11

Caipica canmanpish, cambac familiamanpish ima mana illangachu. Shinallatac animalcunamanpish micuna mana illangachu. Chai llactapica pichca huatata yarcai tiyangaracmi” nishpa huillanguichic.

GÉNESIS 45:7

Cancunapish, cancunapac huahua huahuacunapish causaita charichun, shinallatac cancunata cushicuihuan cacharichichunmi, ñucata ñaupachishpa cacharca.

GÉNESIS 47:1

José Faraonman huillangapac chayashpaca: —Ñuca taitami ñuca huauquicunandi paicunapac ovejacunatapish, vacacunatapish, tucui ima charishcacunapish apashpa, Canaán llactamanta shamushca. Cunanca Gosén llactapimi— nirca.

GÉNESIS 47:21

Chaimantami Faraonca Egipto llactapi tucui causaccunata servicta ruhuarca.

GÉNESIS 47:24

Chai pucushca granomantaca chungamanta ishcai tuluta Faraonman cunguichic. Shinallatac cancuna tarpungapacpish, cancunapac huahuacunamanpish, huasi ucupi causaccunamanpish carangapac pusac tulucunata huacaichinguichic— nirca.

GÉNESIS 50:21

Chaimanta ama manchaichicchu, ñucami cancunamanpish, cancunapac huahuacunamanpish micunata carasha— nirca. José paipac huauquicunata chashna sumacta rimacpimi, paicunapac shungupish cushicurca.

ÉXODO 20:12

Mandac Dios ñuca cushca llactapi unai huatata causangapac cambac taita mamata cazungui.

ISAÍAS 22:24

Paimantami taitapac huasi ucupurapish, paicunapac churicunapish, nietocunapish causanga. Tucui ima charishcacunapish, uchilla jarrocunamanta, vasocunamanta callarishpa, jatun tenajacunacamanmi paipi huarcushca shina canga.

1 TESALONICENSES 2:7

Ñucanchic Jesuspac apostolcuna cashcamantaca, cancunata mandanchicmanmi carcanchic. Shina cashpapish cuyac shunguhuanmi cancunahuanca carcanchic. Shuc mama huahuacunata cuidashpa charic shinami cancunataca yallita cuyanchic.

1 TIMOTEO 4:8

Cuerpo sinchiyachun pucllanaca, ashacamanca allimi. Ashtahuanpish Dios-huan alli canami tucuimanta yalli allica. Cai causaipacpish, quipa causaipacpish allicunatami apamun.

1 TIMOTEO 5:4

Ashtahuanpish maijan viuda huahuacunata, nietocunata charicpica, paicunarac ima shina taita mama huiñachishcata yuyarishpa, mamata ayudachun yachachingui. Chaimi alli, shinallatac Diostapish cushichinmi.

1 TIMOTEO 5:8

Maijanpish quiquin familiata, ashtahuancarin quiquin huasi ucupi caccunata mana llaquicca, crishcata saquishcami, shinallatac Jesusta mana ricsictapish yallimi can.

RUT 4:15

Paica cambac nuerapac huahua cashcamantami cantaca cushichinga shinallatac cuidanga. Canta cuyac nueraca achca sumacmi. Canchis cari huahuacunata atishpami ashtahuan alli» nircacuna.