GÉNESIS 47:1 - Dios Rimashcata Quillcashcami

¹ José Faraonman huillangapac chayashpaca: —Ñuca taitami ñuca huauquicunandi paicunapac ovejacunatapish, vacacunatapish, tucui ima charishcacunapish apashpa, Canaán llactamanta shamushca. Cunanca Gosén llactapimi— nirca.

GÉNESIS 47:1 Iomraidhean Croise

GÉNESIS 45:10

Canpish, cambac huahua huahuacunapish, paicunapac huahuacunapish, tucui animalcunata, tucui ima charishcacunata apashpa, Gosén llactapi causangapac shamui. Chaipi causashpami, ñuca ladollapi causangui.

GÉNESIS 45:16

Faraonpac huasipi caccunapish «Josepac huauquicuna shamushcami» nishcatami uyarca. Chaita uyashpami, Faraonpish, paita serviccunapish cushicurca.

GÉNESIS 46:28

Jacoboca Gosén llactapi José tupac shamuchunmi Judata ñaupachishpa cacharca. Paicunaca Gosén llactamanmi chayarca.

GÉNESIS 46:31

Shina nicpimi, Joseca paipac huauquicunatapish, paipac taitapac huasi ucu familiatapish rimashpaca: —Faraonpacmanmi rini, chaiman chayashpaca: “Canaanpi causac ñuca huauquicunapish, ñuca taitapac huasi ucu familiapishmi ñucahuan causangapac shamushca.

GÉNESIS 46:34

cancunaca: “Canta servic ñucanchicca, ñucanchic ñaupa taitacuna shinallatac huambramanta pacha animalcunata michishpa causaccunami canchic” ninguichic. Shinami Gosén llactapi causai pudinguichic. Egipto runacunaca tucui ovejata michiccunataca millanayachishpa piñancunami— nirca.

ÉXODO 8:22

Chashna cacpipish, chai punzhallatacmi ñuca acllashcacuna causana Gosén llactata chicanyachishpa, chaimanca shuc chuspillapish mana yaicuchun saquisha. Chashna ruhuacpimi, cai llactapica Mandac Dios ñuca causacushcata yachanguichic.

ÉXODO 9:26

Israelcuna causana Gosenllapica ima rundu, mana urmarca.

HEBREOS 2:11

Jucha illacta ruhuacpish, jucha illaccunapish shuc Taitapac huahuacuna shinami canchic. Chaimantami Jesusca mana pingashpa: “Ñuca huauquicunami canguichic” nin.