GÉNESIS 46:7 - Dios Rimashcata Quillcashcami

⁷ Paipac tucui huahua huahuacunata pushashpa, churicunandi, ushicunandi, nietocunandi, nietacunandimi Egipto llactaman rirca.

GÉNESIS 46:7 Iomraidhean Croise

GÉNESIS 34:7

Jacobopac churicuna michina pambamanta cutishpa, paicunapac pani Dina ima tucushcata yachashpaca yallitami llaquirirca. Israelcunapurapica Siquem Dinata japirishpa llaquichishcaca jatun pingaimi carca. Pipish mana ruhuashcatami ruhuashca carca. Chaimantami Jacobopac churicunaca yallita piñarirca.

GÉNESIS 46:6

Paicunapac huagracunatapish, Canaán llactapi imalla charishcacunatapish apashpami, Jacoboca paipac huahua huahuacunandi Egiptoman rirca.

GÉNESIS 46:8

Egipto llactaman yaicuc Israelpac churicunaca: Punta churica Rubenmi carca.

SALMOS 105:23

Chai quipami israelcunaca Egiptoman yaicurca. Chashna yaicushpami Jacoboca Cam shuti allpapica shuctac llactamanta shamushca shina causarca.

ISAÍAS 52:4

Mandac Diosca: «Ñuca acllashcacunaca ñaupa huatacunapica Egiptopi causangapacmi urai rirca. Chashna urai ricucpica, asiriocunapish yangami prezu aparca» ninmi.

NÚMEROS 20:15

Ñucanchic ñaupa taitacunaca Egiptoman rishpa, chaipi tauca huatata causashcata, chai gentecuna ñucanchictapish, ñucanchic taitacunatapish ima shina llaquichishcata yachanguimi.

DEUTERONOMIO 23:7

Edomitacunaca cancunapac huauquicunami, chaimanta paicunataca ama millanguichicchu. Cancunaca Egiptopica pozashpallami causarcanguichic. Chaimanta Egipto runacunatapish ama millanguichicchu.

DEUTERONOMIO 26:5

cancuna Mandac Diospac ñaupapi rimashpaca: “Ñaupa taitaca llaquita puric arameo runami carca. Paica Egipto llactaman rishpami chaipi causarca. Paica ashalla familia cashpapish mirashpa, jatun llacta tucushpami, yalli sinchicuna tucurca.

JOSUÉ 24:4

Cutin Isaacmanca Jacobo, Esaú churicunatami curcani. Esaumanca Seir llactapi urcucunatami curcani. Ashtahuanpish Jacoboca paipac churicunandimi Egiptoman urai rirca.