GÉNESIS 46:6 - Dios Rimashcata Quillcashcami

⁶ Paicunapac huagracunatapish, Canaán llactapi imalla charishcacunatapish apashpami, Jacoboca paipac huahua huahuacunandi Egiptoman rirca.

GÉNESIS 46:6 Iomraidhean Croise

GÉNESIS 15:13

Mandac Diosca Abramtaca: —Caitami alli yachana cangui. Cambac huahua huahuacunaca shuctac llactapimi causagringa. Chaipimi catushca shina servinga. Chai llactapica chuscu patsac huatatami llaquita causanga.

GÉNESIS 46:7

Paipac tucui huahua huahuacunata pushashpa, churicunandi, ushicunandi, nietocunandi, nietacunandimi Egipto llactaman rirca.

SALMOS 105:23

Chai quipami israelcunaca Egiptoman yaicurca. Chashna yaicushpami Jacoboca Cam shuti allpapica shuctac llactamanta shamushca shina causarca.

ISAÍAS 52:4

Mandac Diosca: «Ñuca acllashcacunaca ñaupa huatacunapica Egiptopi causangapacmi urai rirca. Chashna urai ricucpica, asiriocunapish yangami prezu aparca» ninmi.

NÚMEROS 20:15

Ñucanchic ñaupa taitacunaca Egiptoman rishpa, chaipi tauca huatata causashcata, chai gentecuna ñucanchictapish, ñucanchic taitacunatapish ima shina llaquichishcata yachanguimi.

HECHOS 7:15

Chaimantami taita Jacoboca Egipto llactapi causangapac rirca. Chaipimi paipish, paipac churicunapish huañurca. Paicunaca ñucanchic ñaupa taitacunami carca.

DEUTERONOMIO 10:22

Cancunapac taitacunaca canchis chunga gentehuanmi Egiptoman rirca. Cunanca, Mandac Diosca jahua pachapi tiyac lucerocunata shinami achcata mirachishca.

DEUTERONOMIO 26:5

cancuna Mandac Diospac ñaupapi rimashpaca: “Ñaupa taitaca llaquita puric arameo runami carca. Paica Egipto llactaman rishpami chaipi causarca. Paica ashalla familia cashpapish mirashpa, jatun llacta tucushpami, yalli sinchicuna tucurca.

JOSUÉ 24:4

Cutin Isaacmanca Jacobo, Esaú churicunatami curcani. Esaumanca Seir llactapi urcucunatami curcani. Ashtahuanpish Jacoboca paipac churicunandimi Egiptoman urai rirca.

1 SAMUEL 12:8

Egiptoman Jacobo paipac huahua huahuacunandi chayacpica, yallitami chaipi causaccunaca llaquichirca. Chaimantami Mandac Diostaca caparishpa mañarca. Chashna cacpimi, cancunapac taitacunata Egiptomanta llucchichun Moisesta, Aaronta Mandac Diosca cacharca. Paicuna llucchishpami, cai llactapi causachun churarca.