GÉNESIS 45:5 - Dios Rimashcata Quillcashcami

⁵ Cunanca, ama llaquirichicchu. Caiman catushpa cachashcamantapish ama shungupi nanarichicchu. Mana cancunapac munaimantachu cacharcanguichic, ashtahuanpish Diosmi cancuna ama yarcaihuan huañuchun, ñaupachishpa ñucataca cacharca.

GÉNESIS 45:5 Iomraidhean Croise

GÉNESIS 37:28

chai catushpa, randishpa puric madianitacuna chaita pasacucpica, Josetaca jutcumanta llucchishpa, ismaelitacunaman ishcai chunga cullquipi catungapac apamurca. Chashna catucpica, Josetaca Egiptomanmi aparca.

GÉNESIS 47:25

José chashna nicpica paicunaca: —¡Ñucanchicmanca causaitami cushcangui! Ñucanchicta mandacpac ñahuipica allimi ricurishcanchic. Cunanca, Faraonta servishpa causashunllami— nircacuna.

GÉNESIS 50:19

Chashna nicpimi Joseca: —Ama manchaichicchu. Ñuca cancunata llaquichingapacca, ¿Dioschu cani, imtacyari?

GÉNESIS 50:20

Cancunaca ñucata llaquichinatami yuyarcanguichic. Ashtahuanpish Diosmi ñucanchicpac allipac chashnaca ruhuachirca. Chaitaca cunanmi ricucunchic. Paica achca gentecunaman causaita cungapacmi chashnaca ruhuarca.

GÉNESIS 50:21

Chaimanta ama manchaichicchu, ñucami cancunamanpish, cancunapac huahuacunamanpish micunata carasha— nirca. José paipac huauquicunata chashna sumacta rimacpimi, paicunapac shungupish cushicurca.

2 SAMUEL 12:12

Canca pacallami chashna ruhuarcangui. Ashtahuanpish, ñucaca tucui israelcuna ricucucpi, achic punzhapimi chashna ruhuachun saquisha” ninmi— nirca.

2 SAMUEL 17:14

Shina nicpimi, Absalonpish tucui israelcunapish rimashpaca: «Arquitapuramanta Husai cushca yuyaimi Ahitofelpac yuyaita atishpa, ashtahuan alli» nirca. Mandac Diosca Absalonta llaquichingapacmi Ahitofel cushca yuyaita yangapi churachun chashnaca rimachirca.

ESTER 4:14

Can ñucanchicmanta cunan punzhacunapi imata mana ruhuashpa, upalla saquiricpica, maijan shucmi Judá llactapi causaccunataca quishpichinga. Shina cacpipish canca cambac taitapac huasi ucupurandimi huañunguichic. Canca cai llaquimanta ñucanchicta quishpichingapac jatun mandac tucushcataca ¿pitac yachanyari?» nichunmi cacharca.

JOB 1:21

Chashna alli nishpaca: «Ñuca mamapac huicsamantaca lluchullami llucshircani. Lluchullallatacmi allpaman cutina cani. Mandac Diosmi ñucaman curca. Mandac Diosllatacmi quichurca. ¡Mandac Diospac shutica alli nishca cachun!» nirca.

SAN LUCAS 23:34

Chashna chacatacpipish Jesusca: —Ñuca Taitalla, cai gentecunaca ima ruhuacushcata mana yachanchu. Chaimanta perdonai— nirca. Cutin Jesuspac churanacunata suerteta ruhuashpami chaupinacurca.

2 CORINTIOS 2:11

Chai shina ruhuacpimi, Satanasca ñucanchictaca mana pandachinga. Pai ima shinapish pandachisha nicushcataca allimi yachanchic.

2 CORINTIOS 2:7

Cunanca perdonaichic shinallatac cushichichic. Mana chashna ruhuacpica, caita chaita yuyashpami, yalli llaqui tucunga.

FILEMÓN 1:15

Onesimoca canmanta ashata caruyashpapish, cunanca huañungacamanmi canhuanca canga.

1 SAMUEL 1:19

Cayandica utca jatarishpami, Mandac Diosta alli nircacuna. Chai quipaca Ramá pueblopi cac paicunapac huasimanmi rirca. Elcanaca paipac huarmi Anapimi chayarirca. Chashna chayaricpimi, Mandac Diosca Ana mañashcata uyarca.