GÉNESIS 45:3 - Dios Rimashcata Quillcashcami

³ Joseca paipac huauquicunataca: —Ñucaca Josemi cani. Ñuca taitaca, ¿causacunracchu?— nirca. Chashna nicpica, paicunaca upayashpa, imatapish mana ni pudircacunachu.

GÉNESIS 45:3 Iomraidhean Croise

GÉNESIS 37:20

Cunanca, paipac muscushca pactacta ricungapac huañuchishpa, jutcupi shitashunchic. Shina huañuchishpaca taitamanca: “Ima sacha animalcunami micushca canga” nishunllami— nircacuna.

GÉNESIS 42:21

Shina cashpapish paicunapura ricunacushpaca: —Ñucanchic huauquita llaquichishcamantami ñucanchictapish cai llaquica japin. Pai shungumanta llaquirishpa, mañacucpipish ñucanchicca mana uyarcanchicchu. Chaimantami ñucanchictaca llaqui japin— nirca.

GÉNESIS 42:22

Shina nicpimi Rubenca: —¿Manachu ñucaca, huambrata ama imata ruhuaichicchu nircani? Shina nicpipish, mana uyarcanguichicchu. Paita huañuchishcamantami llaquipi canchic— nirca.

GÉNESIS 43:27

Chashna cumuricpica, Joseca paicuna ima shina cashcata tapushpaca: —¿Cancuna parlashca yuyac taitaca causacunracchu? ¿Allillachu causacun?— nishpa tapurca.

JOB 23:15

Chaimantami paipac ñaupapica ñucaca yallita mancharini. Pai ima shina cacta yuyarishpaca yallitami chucchuni.

JOB 4:5

Cunan canta llaqui japicpica, yallitami llaquiringui, yallitami nanaringui.

ZACARÍAS 12:10

Davidpac huahuapuramanpish, Jerusalenpi causaccunamanpish cuyac shunguta, shinallatac ñucata mañana yuyaitami yallita cusha. Shina cucpimi, paicunaca ñucata chugrichic shina llaquichishcata ricunga. Chaimantami shuclla churi huañushcamanta shina, punta churi huañushcamanta shina, yallita llaquirishpa huacanga.

MARCOS 6:50

Chaica, tucui paipac yachacuccuna ricushpami, yallita mancharirca. Chaimantami Jesusca paicunata rimashpaca: —¡Ama mancharichicchu! Ñucami cani, sinchicuichic— nirca.

SAN LUCAS 5:8

Simón Pedro, chaita ricushpa, Jesuspac ñaupapi cungurishpaca: —Apunchic Jesús, ñucaca juchasapami cani. Chaimanta ñucamanta anchurilla— nirca.

HECHOS 7:13

Ishcai cutin huauquicuna Egiptoman ricpimi, Joseca, pai pi cashcata huauquicunaman huillarca. Chaimantami mandac Faraonca José maijan aillumanta cashcata yachac chayarca.

HECHOS 9:5

Chaita uyashpami Sauloca: —Amito, ¿pitac cangui?— nirca. Shina nicpimi chai rimacca: —Ñucaca can piñashpa llaquichicuc Jesusmi cani. Canllatami puyapi chugriric shina, llaquita apacungui— nirca.

APOCALIPSIS 1:7

¡Uyaichic, Cristoca puyupimi shamucun! Paitaca tucuimi ricunga. Paita chacatashpa huañuchiccunapish ricungami. Tucui cai pachapi causac gentecunapish ricushpaca, shungupi huactarishpami paimanta huacangacuna. ¡Chaica chashnatacmi canga! Chashna cachun.