GÉNESIS 45:10 - Dios Rimashcata Quillcashcami

¹⁰ Canpish, cambac huahua huahuacunapish, paicunapac huahuacunapish, tucui animalcunata, tucui ima charishcacunata apashpa, Gosén llactapi causangapac shamui. Chaipi causashpami, ñuca ladollapi causangui.

GÉNESIS 45:10 Iomraidhean Croise

GÉNESIS 46:34

cancunaca: “Canta servic ñucanchicca, ñucanchic ñaupa taitacuna shinallatac huambramanta pacha animalcunata michishpa causaccunami canchic” ninguichic. Shinami Gosén llactapi causai pudinguichic. Egipto runacunaca tucui ovejata michiccunataca millanayachishpa piñancunami— nirca.

GÉNESIS 47:1

José Faraonman huillangapac chayashpaca: —Ñuca taitami ñuca huauquicunandi paicunapac ovejacunatapish, vacacunatapish, tucui ima charishcacunapish apashpa, Canaán llactamanta shamushca. Cunanca Gosén llactapimi— nirca.

GÉNESIS 47:12

Shinallatac Joseca paipac taitamanpish, huauquicunamanpish, tucui paipac familiamanpish mashna huahuacunata ricushpa, micunataca pacta pactami curca.

GÉNESIS 47:4

Ñucanchicca Canaán llactapi yalli yarcai tiyacpi, shinallatac ovejacunamanpish micuna mana tiyacpimi, cai llactapi causanata mañac shamurcanchic. Chaimanta canta servic ñucanchictaca Gosén llactapi causachun saquiyari— nishpa mañarcacuna.

GÉNESIS 47:6

Egipto llactaca cambac maquipimi. Cambac taitatapish, cambac huauquicunatapish Gosén llactapi ashtahuan alli allpapi causachun churai. Paicunapuramanta maijan alli yuyaiyuc cacpica, ñuca animalcunata ricuchun churangui— nirca.

ESTER 10:3

Jatun mandac Asueropac quipa mandacca Judá llactamanta Mardoqueomi carca. Paica paipac huauquicunapacpish, Judá llactamanta achca gentecunapacpish mai alli nishcami carca. Paica, paipac llacta gentecunaman allita ruhuashcamanta tucui paipac huahua huahuacunamanpish cushi causai tiyachunmi munarca Chaimantami alli nishca carca.

ÉXODO 8:22

Chashna cacpipish, chai punzhallatacmi ñuca acllashcacuna causana Gosén llactata chicanyachishpa, chaimanca shuc chuspillapish mana yaicuchun saquisha. Chashna ruhuacpimi, cai llactapica Mandac Dios ñuca causacushcata yachanguichic.

ÉXODO 9:26

Israelcuna causana Gosenllapica ima rundu, mana urmarca.

SAN JUAN 17:24

Taitalla, cai pacha manarac tiyacpimi, ñucataca cuyashcangui. Chaimantami can cushcacunaca ñuca maipimi cani, paicunapish chaipi cachun munani. Chaipi cashpami ñuca jatunyachishca cashcata ricunga.

HECHOS 7:14

Chai quipami, Joseca paipac taita Jacobotapish, paipac familiacunapish pushachun cacharca. Paicunaca canchis chunga pichcami carca.