GÉNESIS 44:18 - Dios Rimashcata Quillcashcami

¹⁸ Judá Josepacman cuchuyashpaca: —Ñuca mandaclla, canca Faraón shinallatacmi cangui. Chaimanta canta servic ñucami, can mandac-huan ashata parlasha nini. Canta servic ñucata ama piñarishpalla caita uyai.

GÉNESIS 44:18 Iomraidhean Croise

GÉNESIS 18:30

Shina nicpimi Abrahamca: —Ñuca Mandac Dioslla, cutin parlai callaricpica, ama piñaringuichu. ¿Caipi quimsa chungallapish tiyacpica?— nirca. Shina nicpimi paica: —Quimsa chunga tiyacpipish, mana imata ruhuashachu— nirca.

GÉNESIS 18:32

Shina nicpimi, cutinllatac Abrahamca: —Ñuca Mandac Dioslla, ama piñaringuichu, ña caillahuanmi tapugrini. ¿Chungallapish tiyacpica?— nirca. Shina nicpimi, Mandac Diosca: —Chungallapish tiyacpica, paicunata llaquishcamanta mana chingachishachu— nirca.

GÉNESIS 37:6

Chai muscushcata pai parlashpaca: —Cunanca, ñuca muscushcata uyaichic:

GÉNESIS 37:7

Ñucanchicca trigo chagra chaupipimi trigota huatacushcarcanchic. Chashna huatacucpimi, ñuca huataica jatarirca. Cutin cancunapac huataicunaca ñuca huataipac ñaupapimi muyundita cumurirca— nirca.

GÉNESIS 37:8

Chashna parlacpimi, Josepac huauquicunaca: —¿Canchu ñucanchicta mandangapac shayarigringui?— nirca. Josetaca muscushcamantapish, parlashcamantapish piñashpami, ashtahuan mana ricunayachirca.

GÉNESIS 41:40

Canmi ñuca huasitapish mandangui. Tucui llactacunapi causaccunami cantaca cazunga. Ñucallami jatun mandac cashcamanta canta yalli casha.

GÉNESIS 41:44

Chai quipami Faraonca Josetaca: —Ñucami Faraón cani. Chaimanta tucui cai Egipto llactapica can mana mandacpica, pipish imata mana ruhuangacunachu— nirca.

GÉNESIS 44:17

Shina nicpimi Joseca: —¿Maitatac chaitaca ruhuashayari? Maijanmi chai vasota apacllami ñucata servingapac saquiringa. Cancunaca pi mana juchanchishca cushilla taitapac huasiman cutichiclla— nirca.

2 SAMUEL 14:12

Shina nicpipish chai huarmica: —Jatun mandaclla, canta servic ñucataca shuc cutinllahuan rimachun saquiyari— nirca. Shina nicpimi, jatun mandacca: —Rimailla— nirca.

ESTER 1:12

Ashtahuanpish jatun mandac Vasti huarmica eunuco runacunata jatun mandac Asuero pushamuchun cachashca cacpipish mana risha nircachu. Chaimantami jatun mandacca yallita piñarirca.

JOB 33:31

Joblla, ñuca rimashcata upalla uyai.

SALMOS 79:5

Mandac Dioslla, ¿ima horascamantac piñashca cangui? ¿Huiñaitachu ñucanchic-huanca piñashca cagringui? ¿Can piñarishcaca mana huañuc nina shinachu?

ÉXODO 32:22

Shina nicpimi Aaronca: —Ñuca amitolla, ama piñarichu. Cai gentecuna mana allita ruhuac cashcataca canllatac alli yachanguimi.

PROVERBIOS 19:12

Jatun mandac piñarishpaca león huacac shinami manchachin. Pai alli ruhuashcaca garua quihuapi urmashca shinami.

DANIEL 3:15

Cunanca Cornetapi, flautapi, tamborpi, arpapi, salteriopi, zampoñapi, shinallatac shuctac tocanacunapi tocashca uyaricpi, ¿ñuca ruhuashca runaman ricchapac ñaupapi cumurishpa alli ningapac rinallachu canguichic? Chai horas cumurishpa mana adorashpaca rupacuc hornopimi shitashca canguichic— nirca.

DANIEL 5:19

Chashna jatun mandac cacpimi, tucui llactacunapish, jatun llactapi causaccunapish, tucui rimaita rimaccunapish paipac ñaupapica chucchuc carca. Pai maijanta huañuchisha nishpaca huañuchicmi carca. Maijanta causacta saquisha nishpaca, causacta saquicmi carca. Maijanta jatunyachisha nishpaca jatunyachicmi carca. Maijanta cumurichisha nishpaca cumurichicmi carca.

SAN JUAN 5:22

Ñuca Taitaca pitapish mana taripangachu, ashtahuanpish ñucatami taripachun churarca.

HECHOS 2:29

Tandanacushca huauquicunalla, ñaupa mandac Davidmantaca, tucui ima shina cashcatami huillagrini. Pai huañucpica, enterrarcami. Pai maipi enterrashcatapish yachanchicmi.