GÉNESIS 44:16 - Dios Rimashcata Quillcashcami

¹⁶ Shina nicpimi Judaca: —Ñucanchic canta serviccunaca, Diospac ñaupapica mana allitami ruhuashcanchic. Ñucanchic mandaclla, ¿imatatac nishun? ¿Ima shinatac ñucanchicca mana juchayucchu canchic nishunyari? Riqui, ñucanchic mandaclla, canta serviccunami canchic. Ñucanchicpish, vasota apacpish canta serviccunami canchic— nirca.

GÉNESIS 44:16 Iomraidhean Croise

GÉNESIS 37:7

Ñucanchicca trigo chagra chaupipimi trigota huatacushcarcanchic. Chashna huatacucpimi, ñuca huataica jatarirca. Cutin cancunapac huataicunaca ñuca huataipac ñaupapimi muyundita cumurirca— nirca.

GÉNESIS 37:9

Joseca cutinllatac shuc muscuita mushcushpa, paipac huauquicunaman parlashpaca: —Cutinmi shuc muscuipica caita ricurcani: Intipish, quillapish, chunga shuc lucerocunapish ñucapac ñaupapimi cumurirca— nirca.

GÉNESIS 44:17

Shina nicpimi Joseca: —¿Maitatac chaitaca ruhuashayari? Maijanmi chai vasota apacllami ñucata servingapac saquiringa. Cancunaca pi mana juchanchishca cushilla taitapac huasiman cutichiclla— nirca.

GÉNESIS 44:32

Canta servic ñucami ñuca taitataca: “Cai huambrataca cutichimushatacmi, cai huambrata mana pushamushpaca, ñucami ñuca taitapac ñaupapica huiñaita juchanchishca casha” nishpa apamurcani.

GÉNESIS 44:9

Canta servic ñucanchicpurapi maijan chai vasota charicucca huañunami can. Cutin tucui ñucanchicca canta serviccunami tucushun— nirca.

1 REYES 17:18

Chaimantami chai huarmica Eliastaca: —Diospac runa cantaca ¿Ima mana allitatac ruhuashcaniyari? ¿Ñuca juchacunata yuyachishpa, ñuca cari huahuata huañuchingapacchu ñucapacman shamurcangui?— nirca.

ESDRAS 9:10

Ashtahuanpish cunanca ñucanchic Dioslla, caita ruhuashca quipaca ¿Imatatac nishunyari? Ñucanchicllatacmi can mandashcacunata saquishcanchic.

ESDRAS 9:15

Israelcunata Mandac Dioslla, canca imatapish cashcata ruhuac Diosmi cangui. Chaimantami cunan punzhacaman ashalla saquirishcacunaca causaihuan canchic. Riqui, cambac ñaupapica juchayucmi canchic. Cambac ñaupapi canatapish mana pudinchicchu» nishpami mañarcani.

JOB 40:4

«Mandac Dioslla, ñucaca imapish mana canichu. ¿Imatatac cantaca nishayari? Chaipac randica ñuca maquihuanmi shimita jarcarini.

PROVERBIOS 17:15

Mana allita ruhuac runata cashcata ruhuacmi nictapish, cashcata ruhuac runata llaquichictapish Mandac Diosca millanayachinmi.

PROVERBIOS 28:17

Pitapish huañuchishpa yahuarta jichac runaca pai huañungacamanmi miticushpa puringa. Paitaca huañunamanta mana pi jarcanchu.

ISAÍAS 27:9

Chashnami Jacobopac huahuacunapac yalli juchacunataca cungaringa. Paicuna rumimanta ruhuashca altarcunataca cabia rumita shina ñutuchishpa, Asera huarmi diosman riccha caspicunatapish, intiman riccha yanga dioscunatapish urmachishpa, Jacobopac huahuacunapac juchataca perdonanga.

ISAÍAS 5:3

Jerusalén ladopi causaccunalla, Judá llactapi causaccunalla, cunanca ñucatapish, ñuca uvas chagratapish, ricushpa yuyarichicyari.

DANIEL 9:7

Mandac Dioslla, canca cashcata ruhuacmi cangui. Ñucanchicca cunan punzhapi shina pingaichishca cangapacllami canchic. Judá llactapi, Jerusalenpi, cuchullapi causac, carupi causac tucui israelcunapish, canta mana cazushcamanta tucui cai pachata catishpa cachashcacunapish chashnami tucushun.

NÚMEROS 32:23

Cancuna mana chashna ruhuashpaca, Mandac Diospac ñaupapimi juchayuc tucunguichic. Chai juchata cancuna ruhuashcamanta ima horaspish jatun llaquitami apanguichic.

SAN MATEO 7:2

Cancuna ima shinami shuccunata juchanchinguichic, chashnallatacmi cancunatapish Diosca juchanchinga. Ima shinami shuccunata ruhuanguichic, chashnallatacmi cancunatapish ruhuanga.

SAN LUCAS 12:2

Imapish mana pacalla saquiringachu, tucuimi yacharinga. Tucui pacashcacunami ricuringa. Mana pacalla saquiringachu.

HECHOS 2:37

Chaipi caccunaca Pedro chashna huillacta uyashpami, shungupi llaquirirca. Chaimantami Pedrotapish, apostolcunatapish tapushpaca: —Huauquicuna, ¿imatatac ruhuashun?— nirca.

DEUTERONOMIO 25:1

Maijan piñanacushpa, juezcunapacman ricpica, paicunaca taripashpami, cashcata ruhuac runataca cacharinga, cutin juchayuc runataca llaquichinga.

JOSUÉ 7:1

Ashtahuanpish israelcunaca Mandac Dios tucuchingapac chicanyachishcata pacalla japishpami pandarircacuna. Judapac aillupuramanta Acanmi chaitaca ruhuarca. Paica Carmipac churi, Zabdipac nieto, Zerapac bisnietomi carca. Chaimantami Mandac Diosca israelcunahuan nina japiric shina piñarirca.

JOSUÉ 7:18

Paicunapac huasi ucupura caricunata cayacpica, Carmipac churi Acanmi cuchuyarca. Carmica Zabdipac, Zerapac churicunamanta, Judá aillucunapurami carca.

JUECES 1:7

Shina piticpimi, jatun mandac Adoni-bezecca: «Ñucami canchis chunga jatun mandaccunataca paicunapac chaquimanta, maquimanta mama dedota pitichircani. Shina ruhuashpaca ñuca micucpi, urmashcata micuchunmi miza ucupi churarcani. Paicunata ruhuashca shinallatacmi ñucatapish Diosca ruhuashca» nirca. Chai quipaca Jerusalenman apacpimi chaipi huañurca.