GÉNESIS 43:5 - Dios Rimashcata Quillcashcami

⁵ Ashtahuanpish ñucanchic-huan mana cachacpica, mana rishunchu. Chaica, chai llactata mandacca: “Cancunapac huauquita mana pushamushpaca, ñuca ñahuipi amatac ricuringuichicchu” nircami— nirca.

GÉNESIS 43:5 Iomraidhean Croise

GÉNESIS 42:15

Cunanmi cancuna nishcata ricusha: Cancunapac quipa huauqui shamungacaman caimantaca manatac llucshinguichicchu.

GÉNESIS 42:20

Shina rishpaca, quipa huauquita apamunami canguichic. Chashna apamushpami cancuna mana llulla cashcata ricuchishpa, mana huañunguichic— nirca. Shina nicpica, paicunaca chashnami ruhuarca.

GÉNESIS 42:38

Shina nicpimi, taita Jacoboca: —Ñuca churica mana cancunahuan ringachu. Paipac huauqui Joseca ña huañurcami, paillami saquirin. Cancuna rina ñanpi ima llaqui tucucpica, yurac acchayuc ñucaca llaquiricushpalla huañushpa Seolman risha— nirca.

GÉNESIS 43:3

Shina nicpimi Judaca: —Chai mandacca cutin cutinmi: “Cancunapac huauquita mana pushamushpaca, ñuca ñahuipi amatac ricuringuichicchu” nirca.

GÉNESIS 43:4

Ñucanchic huauquita ñucanchic-huan cachacpica, rishpa granota randigrishunllami.

GÉNESIS 43:6

Shina nicpimi, taita Israelca: —¿Ima nishpatac shuctac huauquita charishcata chai mandacman huillashpa, ñucataca mai llaquichinguichic?— nirca.

GÉNESIS 44:23

Shina nicpi, ñucanchic canta servictaca: “Cancunapac quipa huauquita mana pushamushpaca, ñuca ñahuipi amatac ricuringuichicchu” nircanguimi.

GÉNESIS 44:25

Ñucanchic taitaca: “Cutinllatac chai llactapi asha granota randigrichic” nishpami cacharca.

GÉNESIS 44:26

Shina nicpimi ñucanchicca: “Ñucanchic quipa huauqui ñucanchic-huan mana ricpica, mana ri pudinchicchu. Ñucanchic quipa huauquillahuanmi chai mandacpac ñahuipica ricurigri pudinchic” nircanchic.

ÉXODO 20:12

Mandac Dios ñuca cushca llactapi unai huatata causangapac cambac taita mamata cazungui.