GÉNESIS 42:35 - Dios Rimashcata Quillcashcami

³⁵ Paicuna tulu granota tallicucpica, paicunapac quiquin tulucunapica tucui tulucunapimi uchilla tulitopi cullquica tiyacushca carca. Paicunapac tulucuna cullquihuan tariricpica, paicunapish, taita Jacobopish mancharircami.

GÉNESIS 42:35 Iomraidhean Croise

GÉNESIS 43:12

Cullquitaca cutimushca cullquimanta chaupihuan yallita apaichic. Tulu shimipi cutishca cullquica pacta pandarishca canman. Chaita cutichingapac apaichic.

GÉNESIS 43:15

Shina nicpimi, paicunaca convidanacunatapish, chaupihuan yalli cullquitapish apashpa, Benjamintapish pushashpa, Egiptoman urai rircacuna. Chashna rishpami, Josepacman chayarca.

GÉNESIS 43:21

Ñucanchic samanaman chayashpa, tulucunata pascacpica, ñucanchic cullquica tucuimi tiyacushca carca. Chaitami cunanca cutichingapac shamunchic.

GÉNESIS 44:1

Micushca quipami, Joseca paipac mayordomotaca: —Cai runacunapac tulucunapi mashna apaipacta granota jundachishpa, tucui tulu shimicunapi cullquita churai.

PROVERBIOS 7:20

Mochila cullquita apashpami rirca. Quilla tucucpimi, huasimanca shamunga” nirca.