GÉNESIS 42:16 - Dios Rimashcata Quillcashcami

¹⁶ Cancunapuramanta maijanta quipa huauquita pushamuchun cachaichic. Cancunaca caipi prezu saquirichic. Chashna ruhuacpimi, cancuna mana llulla cashcataca yachasha. Faraonpac shutipimi nini— nirca.

GÉNESIS 42:16 Iomraidhean Croise

GÉNESIS 42:11

Tucui ñucanchicmi shuclla taitapac churicuna canchic. Ñucanchicca mana pi juchanchipac gentecunami canchic. Mana ricushpa puricunchicchu— nirca.

GÉNESIS 42:30

—Chai llactata mandacca ñucanchicta sinchita rimarircami. Pacalla ricushpa puriccunami canguichic nishpami juchanchirca.

2 SAMUEL 10:3

Ashtahuanpish Davidta serviccuna Amón llactaman chayacpi, chai llacta mandaccunaca Hanuntaca: «David chashna cachashpaca, ¿cushichichunchu cachashca canga? David paita serviccunata cachashpaca, ¿manachu quipata tucui tucuchingapac cai llacta imalaya cashcata ricuchun, pueblocunata ricushpa purichun cachashca canga?» nirca.

JOSUÉ 2:1

Nunpac churi Josué ishcai runata Sitim pambamanta pacalla ricumuchun cachashpaca: «Chai llactatapish, Jericó pueblotapish imalaya cashcata allita ricumugrichic» nirca. Paicuna rishpaca, huainayashpalla causac Rahab huarmipac huasiman chayashpami, chaipi pacarirca.