GÉNESIS 41:8 - Dios Rimashcata Quillcashcami

⁸ Tutamanta paipac shungupi chai yuyailla cashpami, Egipto llactapi causac jatun yachaccunata cayachun cacharca. Paicuna shamucpica, tucui muscushcatami huillarca. Shina huillacpipish, chai muscushca imata nisha nicushcataca pi mana huillai pudircachu.

GÉNESIS 41:8 Iomraidhean Croise

GÉNESIS 40:6

Tutamanta paicunapacman José chayamushpaca, llaquilla tiyacushcatami ricurca.

GÉNESIS 40:8

Shina nicpimi paicunaca: —Shuc muscuitami charircanchic, chai muscui imata nisha nicushcataca pi mana huillac tiyanchu— nirca. Shina nicpimi Joseca: —Cai muscui imata nisha nicushcataca Diosllami huillanga. Imata muscushcata parlaichic— nirca.

GÉNESIS 41:15

Shina ricpimi, Faraonca Josetaca: —Ñucami shuc muscuita muscurcani. Chai muscui imata nisha nishcata huillacca pi mana tiyanchu, ashtahuanpish muscushcata uyashpa, imata nisha nicushcata can huillaclla cashcatami uyarcani— nirca.

GÉNESIS 41:24

Chai ñañuyashca trigo umacunami caishuc sumac umacunata micurca. Chai muscushcataca yachaccunaman huillarcanimi. Ashtahuanpish chai muscushca imata nisha nicushcataca mana pi huillarcachu— nirca.

GÉNESIS 41:7

Chai ñañuyashca trigo umacunaca caishuc canchis racu grano trigo umacunatami micushpa tucuchirca. Chai rato Faraón riccharishpaca muscuilla cashcatami yuyarca.

SALMOS 25:14

Mandac Diosca paita manchaccunahuanca allimi apanacun. Shinallatac paihuan ari nishcatapish yachachinmi.

ÉXODO 7:11

Chaimantami Faraonpish Egiptopi causac yachaccunata, brujocunata cayarca. Paicunaca Egiptopi causac yachaccuna shinallatacmi ruhuarca.

ÉXODO 7:22

Egiptopi causac brujocunapish paicuna yachac cashca shinallatacmi ruhuarca. Mandac Dios nishca shinallatacmi Faraonca mana uyasha nishpa, sinchi shungu catirca.

ÉXODO 8:7

Brujocunaca paicuna ruhuac cashca shinallatacmi tucui Egipto llactapi sapocunata jundachirca.

ÉXODO 9:11

Chai brujocunapish Egipto runacuna shinallatac sisu ungüihuan cashpami, Moises-huanca mana ashtahuan chimbapurai pudirca.

ISAÍAS 19:3

Egiptopi causaccunapac yuyaita yanga ruhuashpami, paicuna parlanacushcatapish tucuchisha. Shina ruhuacpimi, paicunapac ruhuashcalla dioscunata, adivinocunata, huañushcacunata tapungapac ringacuna.

ISAÍAS 29:14

Chaimantami cutinllatac jatun mancharinacunata ruhuashpa, cai gentecunaman ricuchigrini. Chashna ricuchicpica, alli yachaccunapac yachaipish, allita entendiccunapac entendishcapish yangami canga» nini.

ISAÍAS 8:19

Maijanca cancunataca: “Huañushcacunata mañaccunaman, upayachiccunaman, adivinocunaman tapuichicyari” ningami. Chashna nicpica: “Cai runacunaca, ¿manachu paicunapac diosman tapuna can? ¿Causaccunamantaca huañushcacunaman tapungachu?” ninguichic.

DANIEL 1:20

Tucui alli yachacushcata, alli yuyaiyuc cashcata jatun mandac yachashpaca, pai mandacuc llactapi tiyac tucui yachaccunatapish, lucerota ricushpa yachacuccunatapish chunga cutinhuan yalli yachac cashcatami ricurca.

DANIEL 4:18

Cai muscuitaca jatun mandac Nabucodonosor ñucami muscurcani. Cai muscushca imata nisha nicushcataca tucui ñuca mandana llactacunapi causac yachaccunaca mana huillai pudircachu. Chaimanta can Beltesasar huillaiyari. Canpica jucha illac dioscunapac espiritumi causan. Chaimantami cai muscui imata nisha nicushcataca huillai pudingui” nircani» nirca.

DANIEL 4:19

Shina nicpimi, Beltesasar nishca Danielca paipac yuyaipi ashata mancharishca saquirirca. Chashna cacpimi jatun mandacca: —Cai muscuimantapish, cai muscui imata nisha nicushcamantapish ama manchashpa saquirichu— nirca. Shina nicpimi Beltesasarca: —¡Ñuca mandaclla, can muscushcapish, chai muscushca imata nisha nicushcapish canta piñaccunaman cachun!

DANIEL 4:5

Chashna cashpami shuc tuta shuc muscuita muscushpa yallita mancharircani. Muscuipi shina ricurishcaca ñuca yuyaipica yallitami muspachirca.

DANIEL 4:6

Chaimantami chai muscushca imata nisha nicushca huillachun Babilonia llactapi causac tucui yachaccunata pushamuchun mandarcani.

DANIEL 4:7

Chashna shamucpimi yachaccunaman, lucerota ricushpa yachacuccunaman, adivinocunaman muscushca imata nisha nicushcata huillarcani. Shina huillacpipish, paicunaca chai muscushca imata nisha nicushcataca mana huillai pudircachu.

DANIEL 5:11

Can mandacuc llactapimi shuc runa jucha illac diospac espirituyuc tiyan. Paimi cambac taita causacui punzhapica luz shina achicyachicpish, dioscuna shina allita yachacpish carca. Paitami cambac taita jatun mandac Nabucodonosorca lucerota ricushpa yachaccunata, caldeocunata, adivinocunata mandachun churarca.

DANIEL 7:28

Chai ricushcacunaca caipimi tucurin. Daniel ñucaca yuyaipi yallita llaquirishpami, ñahuipish shuctaclaya tucurcani. Shina cashpapish tucui chaicunataca ñuca shungupimi huacachigrini» nirca.

DANIEL 8:27

Daniel ñucaca yallita irquiyashpami, maijan punzhacunata ungushca carcani. Ña alliyashpaca jatun mandacpac ima ruhuaicunatami ruhuashpa catircani. Ñuca muscuipi shina ricurishcata yuyarishpa manchaihuanmi carcani, pi chaimanta huillacca mana tiyarcachu.

LEVÍTICO 19:31

Huañushcapac almacunamanpish, adivinacmanpish ama tapunguichicchu. Chaiman rishpaca mapayanguichicmi. Ñucami cancunata Mandac Dios cani.

LEVÍTICO 20:6

Maijanpish brujocunata, adivinocunata catishpa huainayac runataca piñarishpami israelpuramanta anchuchisha.

HABACUC 3:16

Chaita uyashpaca, ñuca shungu mancharcami. Rimacta uyashpaca, ñuca shimipish chucchurcami. Ñuca tullucunapish ismucuc shinami tucurca. Ñuca changacunapish chucchucurcami. Chashna cashpapish ñucanchicta llaquichiccunata llaquichi punzhatami ñucaca casilla shuyacuni.

SAN MATEO 2:1

Judea llacta Belén pueblopimi Jesusca huacharirca. Chai punzhacunaca Herodesmi chai llactataca mandacurca. Chaipimi inti llucshina ladomanta, yachaccuna Jerusalén puebloman shamurca. Paicunaca lucerota ricushpa yachacuccunami carca.

HECHOS 17:18

Maijan Epicúreos nishca, estoicos nishca yachaccunamantapish Pablohuan rimanacungapacmi tandanacurca. Jesusmanta alli huillaita, shinallatac huañushcacuna causarinamanta Pablo huillacucpica maijanca: —Cai rimaridu runaca ¿imatatac nicun?— nirca. Cutin maijanca: —Paica shuc dioscunamanta yachachicmi yuyachin— nirca.

HECHOS 7:22

Shinami Moisesca Egipto llactapi ima yachanacunatapish alli yachachishca huiñarca. Chaimantami rimangapacpish, imata ruhuangapacpish alli yachac carca.

1 CORINTIOS 1:19

Dios quillcachishcapica: «Jatun yachaccuna yachashcataca chingachishami. Shinallatac alli yuyaita chariccunapac, yuyaitapish anchuchishami» ninmi.

1 SAMUEL 6:2

Filisteocunaca curacunatapish, yachaccunatapish cayashpaca: —¿Mandac Diospac Arcataca imatatac ruhuashun? Apamushca pushtullamantac ima shina cachanataca huillaichicyari— nirca.