GÉNESIS 41:51 - Dios Rimashcata Quillcashcami

⁵¹ Chai punta churitaca: «Diosmi ñuca llaquicunatapish, ñuca taitapac huasi ucupuracunatapish cungachishca» nishpami, Manasesta shutichirca.

GÉNESIS 41:51 Iomraidhean Croise

GÉNESIS 41:30

Quipa canchis huatacunapi ima mana pucucpimi, yallimana yarcaimi tiyanga. Chashna ima grano mana pucucpimi, ñaupaman tucui Egipto allpapi achca pucushcataca mana yuyaringacuna. Chai yarcaimi tucui llactapi causaccunata llaquichishpa tucuchinga.

GÉNESIS 41:50

Manarac yarcai huatacuna chayamucpimi, Joseca ishcai churicunata charirca. Chai churicunataca On llactapi causac Potifarpac ushimi sajuarirca.

GÉNESIS 41:52

Quipa churitaca: “Diosmi ñuca llaquita apashca llactapi churicunayucta ruhuashca” nishpami, Efrainta shutichirca.

GÉNESIS 48:1

Asha punzhacuna quipa Josemanca: “Cambac taita Jacoboca ungushcami” nishpami huillarca. Chaita uyashpami, Joseca paipac ishcai churi Efraintapish, Manasestapish pushashpa, ricungapac rirca.

GÉNESIS 48:5

Chaica, ñuca manarac cai Egipto llactapi canhuan causangapac shamucpi, cai llactapi huacharishca ishcai churi Efrainpish, Manasespish ñuca quiquin churicunami. Paicunaca ñuca churi Rubén, Simeón shinallatacmi ñuca churicuna can.

JOB 11:16

Chashna ruhuashpami cambac llaquicunatapish, yacu pasarishca shina mana yuyaringui.

SALMOS 30:11

Ñuca llaquitaca cushicushpa danzanatami ruhuashcangui. Llaquipi sharpa churanata llucchichishpami, cushipi churarinata churachishcangui.

SALMOS 30:5

Paica ashacamanllami piñarin. Ashtahuanpish huiñaitami paica cuyan. Tutaca huacaimi tiyan, tutamantaca cushicuimi shamun.

SALMOS 45:10

Riqui ñuca huahualla, cambac ringrita mañachishpa uyai. Cambac llacta gentecunatapish, familiatapish cungarilla.

PROVERBIOS 31:7

Chaita ubiashpami huaccha cashcatapish, llaquilla cashcatapish mana ashtahuan yuyaringa.

ISAÍAS 57:16

Ñucaca mana huiñaita piñarishpa, llaquichicushallachu. Chashna cacpica, ñuca ruhuashca runacunaca shungu tutayashpa ñuca ñaupapi tucuringami.

ISAÍAS 65:16

Maijanpish cai pachapi bendicionta mañashpaca, cashcata nic Diosmantami japinga. Maijanpish cai pachapi ari nicca cashcata nic Diosmantami ari ninga. Utcapi tiyashca llaquica illangami. Ñuca ñaupapica mana ashtahuan ricuringachu.

NÚMEROS 26:28

Josepac ailluta catishpa yupashcaca Manasés, Efrainmi carca.

DEUTERONOMIO 33:17

Punta huacharishca huagra shina sumaimana cachun. Sacha huagrapac gachu shina fuerzasapami. Chai fuerzahuanmi shuctac llactacunataca cai pacha tucuricaman catishpa cachanga. ¡Efrainpac huahua huahuacunapish, Manasespac huahua huahuacunapish huaranga huarangami canga!» nirca

JOSUÉ 14:4

Josepac churicunamantaca ishcai aillucunami tucurca. Chaica Manasés, Efraín aillucunami carca. Levitacunamanca allpata mana curcachu, ashtahuanpish paicuna causachunca pueblo ladocunapi huagracunata, ovejacunata michichunmi asha allpata curca.

JOSUÉ 17:1

Manasesca Josepac punta churimi carca. Chaimantami Manasespac aillumanca suerteta ruhuashpa Galaad, Basán llactacunata curca. Manasespac punta churica Maquirmi carca. Paica Galaad llactapi causaccunapac taitami carca. Macanacunatapish allita yachacmi carca.

1 SAMUEL 1:20

Chashnami Ana huicsayuc tucushpa, sajuarina punzha pactacpica, shuc cari huahuata sajuarirca. Chai huahuataca: «Mandac Diostami ñucaca mañarcani» nishpami Samuelta shutichirca.