GÉNESIS 41:45 - Dios Rimashcata Quillcashcami

⁴⁵ Chashna nishpaca Faraonca Josetaca Zafnat-paneatami shutichirca. Shinallatac On llactapi causac Potifera curapac ushi Asenathuanmi cazarachirca. Chaimantami Joseca tucui Egipto llactata mandac tucurca.

GÉNESIS 41:45 Iomraidhean Croise

GÉNESIS 14:18

Chaipimi Salem llactata jatun mandacpish, jahua pacha Diospacta ruhuac Melquisedec curapish tandata, vinota llucchishpa:

GÉNESIS 41:50

Manarac yarcai huatacuna chayamucpimi, Joseca ishcai churicunata charirca. Chai churicunataca On llactapi causac Potifarpac ushimi sajuarirca.

GÉNESIS 46:20

Joseca Egiptopi causacushpami, Asenat huarmipi Manasés, Efraín churicunata charirca. Asenatca On llactapi causac Potiferapac ushimi carca.

2 SAMUEL 20:26

Shinallatac Jair pueblomanta Irapish jatun mandac Davidpac curami carca.

2 SAMUEL 8:18

Joiadapac churi Benaiasca peleteocunata, Cereteocunata mandacmi carca. Davidpac churicunaca curacunami carca.

ÉXODO 2:16

Madián llactapi causac curami canchis ushita charirca. Paicunaca yacuta llucchishpa, rumi bateacunapi jundachishpa, taitapac ovejacunaman ubiachingapacmi shamurca.

JEREMÍAS 43:13

Egipto llactapi tiyac Bet-semes llactapi rumi dioscunata paquishpa, huasicunataca rupachishpami saquinga” ninmi ningui» nirca.

EZEQUIEL 30:17

Avén, Pibeset llactacunapi causac mosocunaca jatun macanacuipimi huañunga. Maijancunataca prezumi apanga.

DANIEL 1:7

Chai mandana huasipi serviccunata mandacca Danieltaca Beltesasartami shutichirca. Ananiastaca Sadractami shutichirca. Cutin Misaeltaca Mesacta, Azariastaca Abed-negotami shutichirca.

SAN LUCAS 2:1

Chai punzhacunapica Roma llactata jatun mandac Augustomi, tucui llactapi causaccuna shuticunata quillcachichun mandarca.

HECHOS 11:28

Agabo shuti runa shayarishpa, Diospac Espíritu yuyaita cucpi, tucui llactacunapi ima mana pucucpi yarcai tiyanamanta huillarca. Chaica, jatun mandac Claudio mandacui punzhacunapimi, chashna tucurca.