GÉNESIS 41:25 - Dios Rimashcata Quillcashcami

²⁵ Shina nicpimi, Joseca Faraontaca: —Can muscushcaca shucllami can. Diosmi can Faraonman imata ruhuagricushcata huillashca.

GÉNESIS 41:25 Iomraidhean Croise

GÉNESIS 40:8

Shina nicpimi paicunaca: —Shuc muscuitami charircanchic, chai muscui imata nisha nicushcataca pi mana huillac tiyanchu— nirca. Shina nicpimi Joseca: —Cai muscui imata nisha nicushcataca Diosllami huillanga. Imata muscushcata parlaichic— nirca.

GÉNESIS 41:16

Shina nicpimi Joseca: —Chaitaca Diosmi huillachin. Diosmi can jatun mandac Faraonpac allipac huillanga— nirca.

GÉNESIS 41:26

Canchis sumac vacacunaca canchis huatatami nisha nin. Canchis racu trigo umapish canchis huatatami nisha nin. Cai ishcai muscushcaca shucllatami nisha nin.

GÉNESIS 41:28

Dios can Faraonman caicunata huillashpaca, imata ruhuagricushcatami huillan.

GÉNESIS 41:32

Diosca ruhuagricushpatacmi can Faraonman ishcai cutin muscuchishca, chaitaca utcami ruhuanga.

SALMOS 98:2

Mandac Diosca tucui llactapi causaccunapac ñaupapimi mishachic cashcata, cashcata ruhuac cashcata ricuchishca.

ÉXODO 9:14

Cunanca, tucuilaya llaquicunahuanmi cantapish, can churashca mandaccunatapish, tucui cambac llactapi causaccunatapish yallita llaquichigrini. Chaimantami cai pachapica ñuca shina shuctac Dios mana tiyashcata chayangui.

ISAÍAS 43:9

Tucui llactapi causaccunapish, tucui cai pachapi causaccunapish tandanacuichic. Cancunapurapica, ¿caicunata huillacpish, sarun huatacuna ima tucushcata huillacpish tiyanchu? Tiyashpaca shuccuna uyashpa: «Chaica chashnatacmi» nichun huillaccunata apamuichic.

DANIEL 2:45

Canca manapish pi cacharicpi, urcumanta rumi shamushpa, fierrota, bronceta, allpata, curita, cullquita ñutuchictami ricurcangui. Chaica, Diosmi shamuc punzha ima tucunata ricuchishca. Chai muscushcaca chashnatacmi tucunga. Chai muscushca imata nisha nicushcapish mana llullachu— nirca.

DANIEL 2:47

Shinallatac jatun mandacca Danieltaca: —Cancunapac Diosca, dioscunapac Diosmi, jatun mandaccunapac Jatun Mandacmi. Pipish mana yachashcata ricuchinmi. Chaimantami pipish mana yachashcata canca huillangui— nirca.

AMÓS 3:7

Mandac Diosca, pai ima nishcata huillac, paita serviccunaman manarac huillashpaca mana llaquichingachu.

SAN MATEO 24:40

Ishcai runami chagrapi canga. Paicunamantaca shucca pushashca, shucca saquishcami canga.

MARCOS 13:23

Chaimanta cancunaca cuidaringuichic. Tucui chaicunataca ñaupamanmi cancunamanca huillani.

EFESIOS 1:17

Diospac Espíritu yachaita cushpa alli ricuchicpi cancuna Diosta alli ricsichunmi, ñucanchic Apunchic Jesucristopac sumaimana Diosta mañacuni.

JOSUÉ 11:6

Shina cacpimi, Mandac Diosca Josuetaca: «Paicunataca ama manchaichu, caya cai horasllatami paicunataca israelcunapac ñaupapi churasha. Canca caballocunapac chaquicunata paquishpa, carretacunatapish rupachingui» nirca.

APOCALIPSIS 4:1

Chai quipaca jahua pachapi pungu pascashcatami ricurcani. Puntaman uyarishca shinallatacmi, trompetapi tocac shina shuc rimashca uyarishpaca: «Caiman huichicui, caipica quipaman ima shina tucuna cashcatami ricuchigrini» nirca.