GÉNESIS 41:14 - Dios Rimashcata Quillcashcami

¹⁴ Chashna nicpimi, Faraonca Joseta cayachun cacharca. Shina cachacpimi, paitaca carcelmanta llucchirca. Chashna huillacpimi, Joseca barbasta anchuchishpa, shuctac churanata churarishpa, Faraonpacman rirca.

GÉNESIS 41:14 Iomraidhean Croise

2 SAMUEL 19:24

Shinallatac Saulpac churi Mefi-bosetpish jatun mandacta tupangapacmi urai shamurca. Paica jatun mandac llucshishpa rishca punzhamanta pachami chaquitapish mana jahuashpa, barbastapish mana pitishpa, paipac churanatapish mana tacshashpa cutimungacaman chashna carca.

2 REYES 25:29

Shinallatac carcelpi cana churanata llucchishpa, shuc churanata churachishpami, paipac tucui causaipi jatun mandac-huan micuchun saquirca.

ESTER 5:1

Quimsa punzha tucucpimi, Esterca jatun mandac huarmi churanata churarishpa mandana huasi pungu pambaman yaicushpa shayarirca. Chai pungu pambaca jatun mandac tiyarina chimbapurapimi carca.

ÉXODO 10:16

Chaimantami Faraonca utca Moisestapish, Aarontapish cayachishpaca: —Ñucaca cancunata Mandac Dios-huanpish, cancunahuanpish juchallishcani.

ECLESIASTÉS 4:14

Pai carcelmanta llucshishca cashpapish, mana cashpaca huaccha cashpapish, jatun mandacmi tucurca.

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

ISAÍAS 61:3

Sión llactapi llaquilla causaccuna uchupahuan cahuirishca canapac randica, corona churashca cachun, llaquilla canapac randica, cushicuihuan cachun, shungupi llaquilla canapac randica, jahualla churanata churaric shina, cushilla cachunmi huillac cacharca. Paicunaca Mandac Dios sumaimana cashcata ricuchingapacmi, pai tarpushca encina yura shina cangacuna.

DANIEL 2:25

Shina nicpimi, Ariocca Danielta utca jatun mandacpacman pusharca. Chaiman pushashpaca: —Judá llactamanta prezu apamushcapurapimi jatun mandac muscushcata huillac shuc runata tarimuni— nirca.