GÉNESIS 40:11 - Dios Rimashcata Quillcashcami

¹¹ Ñucaca Faraón ubiana vasopi uvasta capishpa, Faraonpac maquipi churacushcarcani— nirca.

GÉNESIS 40:11 Iomraidhean Croise

GÉNESIS 40:1

Chai quipami Egipto llactata jatun mandacman vinota servicpish, tandata ruhuacpish Egipto llactata jatun mandacta mana allita ruhuashpa piñachirca.

GÉNESIS 40:10

Chai yurapica quimsa ramami tiyarca. Chai ramacunaca sisashpami, sumac pucushca uvas huayungahuan ñapish ricurirca.

GÉNESIS 40:12

Shina nicpimi Joseca: —Can muscushca quimsa ramaca, quimsa punzhatami nisha nin.

GÉNESIS 40:21

Vinota serviccunata mandacca cutinllatac utcaman ruhuana cashcallapitac churacpimi, cutinllatac Faraonman vino vasota cui callarirca.

GÉNESIS 49:11

Mama burropac huahua cari burrotaca uvas chagrapimi huatanga. Paipac churanataca vinopimi tacshanga. Pucanlla uvasta capishca yacupimi jahualla churanataca tacshanga.

1 REYES 10:5

Shinallatac paipac micunatapish, paita serviccuna causana ucucunatapish, chai serviccunapac churanacunatapish, paiman ima shina vinota cuc cashcatapish ricurcami. Shinallatac Mandac Diospac huasipi animalcunata cushpa tucui rupachictapish ricurcami. Chaita ricushpami, yallita mancharishpa saquirirca.

2 CRÓNICAS 9:4

Shinallatac paipac mizapi micunatapish, paita serviccuna causana ucucunatapish, cullquimanta serviccunatapish, paicunapac churanacunatapish, Diospac huasiman yaicuna cashcatapish, vinota cuccunatapish paicunapac churanatapish, Mandac Diospac huasipi animalcunata cushpa tucui rupachictapish ricurcami. Chaita ricushpami, yallita mancharishpa saquirirca.

NEHEMÍAS 1:11

Mandac Dioslla, cantaca yallitami mañani. Canta servic ñuca mañashcatapish, cambac shutita alli ninata munac canta serviccuna mañashcatapish cambac ringrihuan uyaiyari. Canta servic ñuca alli llucshichun, chai runapac ñaupapipish alli ricurichun ayudaiyari» nishpami mañarcani. Ñucaca jatun mandacman copa vinota servicmi carcani.

PROVERBIOS 3:10

Shina ruhuacpimi, granota huacaichina ucupipish yallita jundanga. Llullu vinopish yalli yalli tiyanga.

LEVÍTICO 10:9

«Ñucahuan tupana huasiman yaicungapacca canpish, cambac churicunapish vinota, tragota ama ubianguichicchu. Pacta huañunguichicman. Cai mandashcataca cambac huahua huahuacunapish huiñaitami pactachina can.