GÉNESIS 4:23 - Dios Rimashcata Quillcashcami

²³ Shuc punzha Lamecca paipac huarmicunataca: «Lamecpac huarmicuna, Adapish, Zilapish ñucata uyaichic. Shuc runataca chugrichishcamantami huañuchircani. Shuc huambrataca ñucata huactashcamantami huañuchircani.

GÉNESIS 4:23 Iomraidhean Croise

GÉNESIS 4:22

Cutin Zila huarmipish Tubal-caín huahuatami charirca. Paica fierromanta, broncemanta imacunatami ruhuashpa causarca. Shinallatac Tubal-cainpac panica Naamami carca.

SALMOS 94:1

Mandac Dioslla, ima shina llaquichishca shinallatac llaquichic Diosmi cangui. Ima shina llaquichishca shinallatac llaquichishpa ricuchiyari.

ÉXODO 20:13

Ama huañuchingui.

LEVÍTICO 19:18

Shuccuna llaquichicpica, ama chai shinallatac canpish llaquichinguichu, ama piñashcalla puringuichu. Chaipac randica, can quiquin ima shinami cuyaringui, chashnallatac shuccunatapish cuyangui. Ñucami Mandac Dios cani.

NÚMEROS 23:18

Chashna tapucpimi, Balaamca yuyarina rimaicunahuan huillashpaca: «Ziporpac churi Balac jatarishpa, ñuca nishcata allita uyaiyari.

DEUTERONOMIO 32:35

Ima shina llaquichina cashca shina, llaquichinapish ñucapacmi. Ima punzha pactacpimi, chaqui lluchcaric shina urmanga. Paicuna chingarinaca ñami pactamucun. Paicunaman allichishcapish ñami chayamucun.

JUECES 9:7

Jotam chaita yachac chayashpaca Gerizim urcumanmi huichai rirca. Chaimanta tucui mashna uyachun sinchita caparishpaca: «¡Siquempi causaccuna ñuca nishcata uyaichic! ¡Ñuca nishcata uyacpica, Taita Diospish cancunataca uyangami!