GÉNESIS 4:2 - Dios Rimashcata Quillcashcami

² Quipaca Cainpac huauqui Abeltami charirca. Abelca ovejacunata michicmi carca. Cutin Cainca allpapi trabajacmi carca.

GÉNESIS 4:2 Iomraidhean Croise

GÉNESIS 3:23

Mandac Diosca Edén huertamanta runata llucchishpa allpapi trabajachun churarca. Chai allpamantami paica ruhuashca carca.

GÉNESIS 37:13

Taita Israelca Josetaca: —Cambac huauquicunaca Siquem ladopimi ovejacunata michicun. Shamui, paicunata ricugringui— nirca. Shina nicpimi paica: —Caipimi cani— nirca.

GÉNESIS 4:1

Adán paipac huarmi Evapi chayaricpica, Evaca huicsayuc tucushpami, Caín huahuata charirca. Chai huarmica: «Mandac Dios cucpimi, shuc cari huahuata charini» nirca.

GÉNESIS 4:3

Ña asha huatacuna quipaca Cainca allpapi pucushca grano ofrendatami Mandac Diosman cungapac apamurca.

GÉNESIS 47:3

Shina chayacpimi, Faraonca Josepac huauquicunata: —¿Cancunaca imatac ruhuashpa causaccunata canguichic?— nirca. Shina nicpimi paicunaca: —Canta servic ñucanchicca, ñucanchic ñaupa taitacuna shinallatac ovejacunata michiccunami canchic.

GÉNESIS 9:20

Noé allpapi trabajai callarishpaca, uvastami tarpurca.

SALMOS 127:3

Riqui, huahuacunaca Mandac Dios cushcami. Cancunapac aichamanta llucshishca huahuacunaca tucuimanta yalli valicmi.

ÉXODO 3:1

Moisesca paipac suegro Jetropac ovejacunatami michishpa causarca. Jetroca Madián llactapi curami carca. Chashna michicushpami, shitashca pambata pasashpa, Diospac Horeb urcuman chayarca.

AMÓS 7:15

Shina cacpipish, Mandac Diosmi ñuca huagrata michicucpi cayashpaca: “Ñuca ima nishcata ñuca acllashca israelcunaman huillagri” nirca.

SAN LUCAS 11:50

Cai pacha callarishcamanta pacha paimanta huillaccunata huañuchishcamantaca, cunan punzha causaccunatami juchanchinga.

SAN LUCAS 11:51

Abelta huañuchishca yahuarmanta callarishpa, Zacariasta huañuchishca yahuarcamanmi cunan punzha causaccunataca juchanchinga, chashnami canga. Zacariastaca, Diosta mañana huasipi tiyac altar ladopimi huañuchirca.

SAN JUAN 8:44

Cancunaca diablopac huahuacunami canguichic. Chaimantami pai munashcata ruhuanguichic. Diabloca callarimanta pachami huañuchic, llullac cashca. Paica jaicapi mana cashcata ninchu. Paica llullapac taitami. Pai llullashpaca, pai ima shina cashca shinallatacmi ricuchin.

1 JUAN 3:10

Maijanpish cashcata mana ruhuashpa, criccunata mana cuyacca, mana Diospac huahuachu. Shina cashcamanta maijanlla Diospac huahuacuna, maijanlla diablopac huahuacuna cashcataca ricunallami can.

1 JUAN 3:12

Ama Caín shina cashunchic. Paica diablopac cashpami, paipac huauquitaca huañuchirca. ¿Imamantatac huañuchirca? Pai ruhuashcacuna mana alli cacpi, cutin paipac huauquipac ruhuashcacunaca alli cacpimi chashnaca ruhuarca.

1 JUAN 3:15

Maijanpish paipac huauquita piñacca huañuchicmi. Maijanpish huañuchicca huiñai causaitaca mana charinchu. Chaitaca cancunallatac yachanguichicmi.