GÉNESIS 39:9 - Dios Rimashcata Quillcashcami

⁹ Cai huasipica ñucata yalli ricucca pi mana tiyanchu. Imata mana misashpa, ricuchun cushpapish, cantaca mana curcachu. Canca ñuca amopac huarmimi cangui. Chashna cashcamantaca, ¿maitatac millaita ruhuashpa, ñuca Diosta llaquichishpa juchallishayari?— nirca.

GÉNESIS 39:9 Iomraidhean Croise

GÉNESIS 13:13

Sodomapi causaccunaca millai gentecuna, mancharina juchacunata ruhuashpa, Mandac Diosta piñachiccunami carca.

GÉNESIS 20:3

Ashtahuanpish Dios tuta muscuipi ricurishpami, jatun mandac Abimelectaca: «Riqui, chai huarmita apamushcamantaca huañugringuimi. Chai huarmica cusayucmi» nirca.

GÉNESIS 20:6

Shina nicpimi, Mandac Diosca muscuipi ricurishpaca: «Ari, can alli shunguhuan chashna ruhuashcataca yachanimi. Chai huarmipi chayarishpa, ñuca mandashcata paquishpa, juchallichunpish cantaca mana saquircanichu.

GÉNESIS 20:9

Chai quipa Abimelecca Abrahamta cayachishpaca: —¿Imatatac ruhuarcangui? Ñucatapish, ñuca mandacuc llactatapish jatun juchata ruhuachingapac shamuchunca, ¿ñucanchicca cantaca ima millaitatac ruhuashcanchicyari? Mana ruhuana cashcatami ruhuashcangui.

GÉNESIS 24:2

Abrahamca paipac serviccunapuramanta paipac huasipi mandac yuyac runata cayashpaca: —Cambac maquita ñuca changa jahuapi churai.

GÉNESIS 39:10

Chai huarmi Joseta punzhanta ñucahuan sueñui nicucpipish, Joseca mana sueñusha nishpami, paipac ladopi canallatapish mana munarca.

GÉNESIS 41:40

Canmi ñuca huasitapish mandangui. Tucui llactacunapi causaccunami cantaca cazunga. Ñucallami jatun mandac cashcamanta canta yalli casha.

GÉNESIS 42:18

Quimsa punzhapica Joseca: —Ñucaca Diosta manchanimi, cancuna mana huañungapacca caita ruhuaichic:

2 SAMUEL 11:27

Ña duelo cana punzhacuna tucuricpimi, Davidca pai mandashpa causana huasiman pushamuchun cacharca. Shina pushamucpimi, chai huarmica shamushpa, Davidpac huarmi tucushpa, shuc cari huahuata charirca. Ashtahuanpish David chashna ruhuashcaca Mandac Diospac ñaupapica mana allichu carca.

2 SAMUEL 12:13

Shina nicpimi, Davidca Natantaca: —Chashna juchallishpaca, Mandac Diosta piñachishcanimi— nirca. Shina nicpimi, Natanca: —Mandac Diospish cambac juchata perdonashcami. Chaimanta mana huañunguichu.

NEHEMÍAS 5:15

Ashtahuanpish ñucapac punta mandaccunaca micungapacpish, vinopacpish, chuscu chunga siclos cullquita mañashpami llaquichishpa causarca. Shinallatac paicunata serviccunapish chashnallatacmi ruhuarca. Ashtahuanpish ñucaca Diosta manchac cashpami, mana chashna ruhuarcani.

NEHEMÍAS 6:11

Shina nicpimi ñucaca: —¿Ñuca shina runacunaca miticungapac rinchu? ¿Ama huañuchichun nishpa, Diospac huasipi huichcaringapac rinchu? ¡Ñucaca mana miticungapac rishachu!— nircani.

JOB 31:23

Ñucaca Dios llaquichinatami mancharcani. ¡Jatun Diospac ñaupapica, maitatac ricuri pudiman carcaniyari!

SALMOS 51:4

Cantami yallita llaquichishcani. Can mana munashcatami ruhuashcani. Chaimanta juchanchinatacmi cani. Ñuca juchamanta llaquichicpica, imata mana ni pudinichu.

ÉXODO 20:14

Ama huainayangui.

PROVERBIOS 6:29

Maijanpish shucpac huarmihuan purishpaca chashnallatacmi tucun. Maijanpish chashna chayarishpaca, llaquita apangatacmi.

PROVERBIOS 6:32

Ashtahuanpish shucpac huarmihuan chayarinacucca alli yuyaitaca mana charinchu. Chaita ruhuashpaca paipac causaitami chingachin.

ECLESIASTÉS 7:26

Tuclla shina, linchi shina shunguta charic, huatana huascata shina maquita charic huarmica huañuitapish yalli jayac cactami ricurcani. Diosta cushichic runallami chai huarmimantaca quishpiringa. Ashtahuanpish juchayuc runaca, chai huarmihuanmi prezushca shina saquiringa.

JEREMÍAS 28:16

Chaimantami Mandac Diosca: “Canca ñucata cai gentecuna mana cazuchunmi parlarcangui. Chaimantami cai pachamanta anchuchigrini. Cai huatallatami huañungui” ninmi» nirca.

JEREMÍAS 50:7

Ñuca ovejacunataca pipish tarishpaca huañuchircami. Paicunata piñaccunaca: “Caicunata huañuchishcamantaca mana faltayucchu canchic. Paicunallatacmi cuidashpa causac Mandac Diosta mana cazurca. Paicunapac ñaupa taitacuna shunguta churashpa causana Mandac Diostami piñachirca” nirca.

LEVÍTICO 20:10

Maijan shucpac huarmihuan huainayacpica, caritapish, huarmitapish huañuchishcami canga.

LEVÍTICO 6:2

«Maijanpish shuc runapac imata cuidacushpa, mana cashpaca mingai tucushpa charicushcata mana cutichishpa, shuhuashpaca Mandac Diospac ñaupapimi juchayuc tucun.

NÚMEROS 32:23

Cancuna mana chashna ruhuashpaca, Mandac Diospac ñaupapimi juchayuc tucunguichic. Chai juchata cancuna ruhuashcamanta ima horaspish jatun llaquitami apanguichic.

SAN LUCAS 12:48

Ashtahuanpish maijan servic amo mandashcata mana yachashpa, mana allita ruhuashcamantaca, macashpa llaquichina cacpipish, ashallatami macachishca canga. Maijanman Dios achcata cushpaca, achcallatatacmi mañanga. Maijanman achcata ruhuachun cushpapish achcallatatacmi ruhuachun ninga.

1 CORINTIOS 4:2

Maijanta yachachichun churacpica pactachic cashcatami ricuchina can.

TITO 2:10

Ñucanchicta Quishpichic Diosmanta yachachishca sumac ricurichunca, ama pipac imata shuhuashpa, ashtahuanpish ima ruhuanapipish alli nishca cachun yachachingui.

HEBREOS 13:4

Tucuimi cazado causaica, valishca cashcata yuyana can. Ama huainayaichicchu. Huainayaccunatapish, huaclliccunatapish Diosca taripashpa llaquichingami.

1 JUAN 3:9

Maijanpish Diospac huahua tucushca cashpaca, Dios cushca mushuc causaita charishcamantaca mana juchata ruhuashpa causanchu.

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.

APOCALIPSIS 22:15

Shina cacpipish mana allita ruhuaccunaca, brujiaccunaca, huaclliriccunaca, huañuchiccunaca, ruhuashcalla dioscunata adoraccunaca, shinallatac llullanata munashcamanta llullashpa causaccunaca canzhapimi saquiringa.