GÉNESIS 39:3 - Dios Rimashcata Quillcashcami

³ Paipac amoca Mandac Dios Josehuan cashcata, shinallatac José imata ruhuacpipish, Mandac Dios allita ruhuachicushcatami ricurca.

GÉNESIS 39:3 Iomraidhean Croise

GÉNESIS 21:20

Chai huahuaca Dios ayudacpimi, shitashca pambapi huiñashpaca, arcohuan flechata shitanata alli yachac carca.

GÉNESIS 21:22

Chai huatacunallatacmi jatun mandac Abimelecca paipac soldadocunata mandac Ficolhuan shamushpa Abrahamtaca: —Tucui imata ruhuanapipish Diosca canhuanmi.

GÉNESIS 21:23

Cunanca, ñucatapish, ñuca churitapish, ñuca nietocunatapish, can causacushca llactapi causaccunatapish mana llaquichishpa, ashtahuanpish ñuca canman allita ruhuashca shinallatac allita ruhuangapac cunanllatac Diospac shutipi ari ni— nirca.

GÉNESIS 26:24

Chai tuta Mandac Dios paiman ricurishpaca: «Ñucaca, Abrahampac Diosmi cani. Ama manchaichu, ñucaca canhuanmi cani. Ñucata servic Abrahamta cuyashpami, bendiciashpa, cambac huahua huahuacunatapish achcata mirachisha» nirca.

GÉNESIS 26:28

Shina nicpimi paicunaca: —Mandac Dios canhuan cashcatami ricushcanchic. Chaimantami ñucanchicca canhuan shuc ari ninacuita ruhuashun ninchic.

GÉNESIS 30:27

Shina nicpimi Labanca: —Cambac ñahuipi alli ricurishca cacpica, caipi saquirilla. Canmanta Dios ñucaman bendiciashcataca yachanimi.

GÉNESIS 30:30

Ñuca manarac shamucpica, ashallatami charircangui. Cunanca achcami mirashca. Ñuca shamushcamantami Diosca achcata bendiciashca. Shina cacpica, ¿ima horatac ñuca familiamanca trabajashayari?— nirca.

GÉNESIS 39:2

Ashtahuanpish Mandac Dios Josehuan cacpimi, paica imapipish alli llucshirca. Paica Egiptomanta paipac amopac huasipimi causacurca.

GÉNESIS 39:21

Shina cacpipish, Mandac Diosca Joseta llaquishpami prezucunata mandacpac ñahuipi alli ricurichun, paihuan carca.

GÉNESIS 39:23

José imata ruhuacucpipish, Mandac Diosca paihuanmi carca. Joseca imata ruhuashpapish Mandac Dios paihuan cashcamantami allita ruhuarca. Chaimantami prezucunataca ricunallatapish mana ricuc carca.

2 REYES 18:7

Mandac Dios Ezequias-huan cacpimi pai imata ruhuacpipish tucui alli llucshirca. Asiria llactata jatun mandacta mana cazushpami, mana servirca.

1 CRÓNICAS 22:13

Mandac Dios israelcunaman cuchun Moisesman cushca mandashcacunata, yachachishca shimicunata can pactachicpica, imata ruhuacpipish allimi llucshingui. Cari, cari sinchi cangui. ¡Ama manchaichu, ama llaquirichu!

1 CRÓNICAS 9:20

Utcapica Eleazarpac churi Fineasmi paicunataca mandacurca. Mandac Diosca paihuanmi carca.

2 CRÓNICAS 1:1

Davidpac churi Salomonca paita Mandac Dios paihuan cacpimi, pai mandanapica yallita jatunyarca. Shinallatac pai mandanatapish pi mana cuyuchipac sinchitami ruhuarca.

2 CRÓNICAS 26:5

Zacarías causacui punzhacunapica Zacarías Diosta manchanata allita yachachishcamantami Uziasca Mandac Diosta servishpa causarca. Usaías Mandac Diosta servishpa causai punzhacunapica tucuimi alli llucshirca.

NEHEMÍAS 2:20

Shina nicpimi paicunataca: —Ñucanchictaca jahua pachapi causac Diosmi ayudanga. Shina ayudacpimi, paita servic ñucanchicca tucui jatarishpa cutin allichishun. Ashtahuanpish cancunaca Jerusalenpica imata ruhuanatapish, imata japinatapish, imata yuyarinatapish mana charinguichicchu— nircani.

SALMOS 1:3

Yacu patapi huiñashca yura pangacunapish mana urmashpa pucuna punzhapi pucuc shinami canga. Tucui imata ruhuashcapish allimi canga.

ZACARÍAS 8:23

Chai punzhacunapica tauca llactacunamanta chican rimaicunata rimac chunga runacunami shamunga. Paicunaca Judá llactamanta runata jahualla churanapi japirishpa: “¡Ñucanchicpish cancunahuan rinatami munanchic. Mandac Diosca cancunahuan cactami yachanchic!” ninga» nirca.

SAN MATEO 5:16

Cancunapish, cai pachapi causaccunapac ñaupapica, allita ruhuashpa causaichic. Chashnami luz shina canguichic. Cancuna chashna cacpimi, jahua pachapi tiyac cancunapac Diostaca ‘allimari cangui’ ningacuna.

1 CORINTIOS 16:2

Ñuca chayac rato mana tandacungapacca, cada semana callari punzhapimi, tucui mashna asha ofrendata tandachishpa charicuna canguichic.

DEUTERONOMIO 2:7

Mandac Diosca cancuna imata ruhuacpipish bendiciashcami. Cai shitashca pambata ricucpica, paimi tucuipi cuidarca. Mandac Diosca chuscu chunga huatatami cancunahuan cashca. Cancunamanca imapish mana illashcachu.

JOSUÉ 1:9

Riqui cantaca sinchi, cari cari cai nishpami mandani. Ama manchaichu, ama shaicuichu. Canta Mandac Dios ñucaca can maita ricpipish, canhuanmi casha» nirca.

APOCALIPSIS 3:9

Ñucaca Satanaspac tandanacuimantami maijan manapish israelcuna cashpa, ‘israelcunami canchic’ nishpa llullaccunataca cambac ñaupapi cungurichisha. Chashna ruhuacpimi ñuca canta cuyashcataca yachangacuna.

1 SAMUEL 18:14

Davidca Mandac Dios paihuan cacpimi, ima ruhuanapipish allita ruhuac carca.

1 SAMUEL 18:28

Ashtahuanpish Saulca Mandac Dios Davidhuan cactapish, paipac ushi Micalpish yallita cuyacta ricushpami,

1 SAMUEL 3:19

Samuelca huiñarcami, Mandac Diospish paihuanmi carca. Chaimantami Dios rimashca shimicunata tucui pactachirca.