GÉNESIS 39:14 - Dios Rimashcata Quillcashcami

¹⁴ chai huarmica chai huasipi serviccunata cayashpaca: —Riqui, ñucanchicta burlachunmi, cai hebreo runataca pushamushca. Cai runaca ñucahuan sueñusha nishpami cuchuyarca. Chaimantami ñucaca sinchita caparircani.

GÉNESIS 39:14 Iomraidhean Croise

GÉNESIS 10:21

Jafetpac punta huauqui Sempish churicunata charircami. Semca Heberpac huahua huahuacunapac punta taitami carca.

GÉNESIS 14:13

Chai macanacuimanta miticushpa shamuc shuc runami Lotta prezushcata hebreopuramanta Abramman huillac shamurca. Abramca amorreopuramanta Mamrepac encina yuracuna tiyac pambapimi causarca. Mamreca Escolpac, Anerpac huauquimi carca. Paicunaca Abrampac yuyaitami charirca.

GÉNESIS 39:13

Chashna churanata paipac maquipi saquishpa canzhaman callpacpimi,

GÉNESIS 39:15

Chashna sinchita caparicpimi, paipac churanata ñuca ladopi shitashpa, miticushpa callpan— nirca.

GÉNESIS 39:17

Cusa shamucpica, huasipi serviccunaman nishca shinallatacmi: —Ñucanchicta servichun can pushamushca hebreo runami ñucata japirishpa burlasha nirca.

GÉNESIS 39:7

Chaimantami asha punzhacuna quipaca Josepac amopac huarmica yallita munashpa: —Ñucahuan sueñuiyari— nirca.

GÉNESIS 40:15

Ñucataca hebreocunapac llactamantami shuhuashpa pushamurca. Ñuca carcelpi cangapacca, ima millaita mana ruhuashcanichu— nirca.

SALMOS 120:3

Llullac calluca, ¿Imatatac cugringuiyari? ¿Imapactac valigringuiyari?

SALMOS 35:11

Ñuca manapish yachashcata tapungapacmi llullashpa juchanchic runacuna jatarincuna.

SALMOS 55:3

Ñucata piñaccuna camishcamanta, millai gentecuna llaquichishcamanta, yanga juchanchishcamanta, huañuchisha nishcamantami cashna llaquihuan cani.

PROVERBIOS 10:18

Piñarishca cashpapish mana piñarishca shina shungullapi charicuc runaca llullami. Pitapish yanga juchanchishpa rimac runaca mana entendic runami.

ISAÍAS 51:7

Cashcata ruhuanata yachaccunapish, ñuca mandashcata shungupi chariccunapish uyaichicyari. Shuccuna pingaichinata ama manchaichicchu. Paicuna mana alli nishpa rimacpipish, ama irquiyaichicchu.

ISAÍAS 54:17

Canta llaquichingapac ruhuashca ima macanacunapish cantaca mana mishangachu. Canta llaquichingapac juchanchictapish, canracmi llaquipi churangui. Mandac Dios ñucata serviccuna japinaca chaimi canga. Ñucallatacmi quishpichisha» nini. Chaitaca Mandac Dios ñucami nini.

EZEQUIEL 22:5

¡Ruhuashcalla dioscunata adorashpa mapayashca, tucuipac mana alli nishca pueblolla, cuchupi causaccunapish, carupi causaccunapish asingacunami!

SAN MATEO 26:59

Curacunata mandac curacunapish, tandanacushca mandaccunapish, Jesusta huañuchingapacmi llullashpa huillaccunata mashcarca.

SAN MATEO 5:11

Ñucata caticushcamanta piñashca, pipish llullashpa rimashca, llaquichishca caccuna, ¡cushicuichic!

SAN LUCAS 23:2

Paipac ñaupapica Jesustaca juchanchishpaca: —Cai runataca mandacta ama cazuchunmi gentecunata jatarichicucta japircanchic. Paica: “Ñucami Jatun Mandac Cristo cani” nishpami, impuestota jatun mandac Cesarman ama pagachun ninmi— nirca.

2 CORINTIOS 6:8

Maijan cutinca alli nishca, maijan cutinca mana alli nishca. Maijan cutinca allicuna, maijan cutinca mana allicunachu nishcami canchic. Llullaccunami nicpipish cashcata huillaccunami canchic.

1 PEDRO 2:20

Cancuna ima mana allita ruhuashcamanta llaquichicpi, mana piñarishpa, llaquita apashpaca, ¿ima allitatac japinguichicyari? Allita ruhuashcamanta llaquichicpi, mana piñarishpa, llaquita apashpami, Diostaca cushichinguichic.